Nyuuth 1:7 - RUAC KUƆTH IN RƐL RƆ

⁷ Nɛnɛ! Jɛn a bëëni kɛ pua̱a̱r, kä bi wäŋ diaal ɛ nɛn, amäni nɛy tëë ca jɛ yiɛth, kä bi döör wec muɔ̱ɔ̱n diaal wiee kɛ jɛ. Kä bɛ te inɔ. Inɔnɔ.

Nyuuth 1:7 Iomraidhean Croise

I-yob 33:26

Mi wëë pal ni Kuoth, kä bɛ jɛ nhɔk, bɛ ben nhiamdɛ kɛ tɛ̈th lɔaac. Kä bi Kuoth jɛ luɔ̱c ciaŋ gɔɔyädɛ,

Diit 22:16

Ca ɣä go̱l ɛ nɛy ti ji̱ nyuɔɔni, buɔ̱n nɛɛni ti la̱a̱t jiäkni ca ɣä göl piny, cikɛ tetkä kɛnɛ ciökä put kä piny.

Diit 68:1

Ɛ Kuoth jiɛc rɔ, kä ɛ ji̱ tɛ̈rɛ riawkɛ dɔɔr, kä ɛ nɛy tin lökɛ jɛ kɛ bar rɔ̱ nhiamdɛ!

Diit 97:2

Kä pua̱a̱r kɛnɛ muth cikɛ Kuoth Nhial go̱l, kä cuŋ kɛnɛ thuɔ̱k kɛ kɔm kuäärädɛ.

I-ca-yaa 19:1

Mɛmɛ ɛ ruac go̱o̱kä kɛ kui̱ I-jëp. Nɛnɛ, Kuoth Nhial bëë kä I-jëp kɛ pua̱r mi pɛ̈th ɛlɔ̱ŋ, kä bɛ kuth jiɛn I-jëp lath nhiamdɛ, kä bi ji̱ I-jëp lo̱ckiɛn baath ɛlɔ̱ŋ.

Bok Go̱kä ni Da-ni-yel 7:13

Kä min guɛcä nyuuthni kɛ wäär, cua̱ kɛl mi ce̱tkɛ raan nɛn bëë kɛɛl kɛ pua̱a̱r nhial, Kä cuɛ ben wëë kä Ram in do̱raar, kä cua jɛ nöŋ jɛ nhiamdɛ.

Nɛ̈m 1:3

Ɛn Kuoth Nhial dak gakdɛ, kä di̱t buɔ̱mdɛ, kä /cɛ gua̱n dui̱rä päl baaŋ a /cɛ duäc. Kä duɔ̱ɔ̱pdɛ ɛ thul, kä tur ciöknikɛ kɛ pua̱a̱r.

Dhɛk 12:10

“Kä ɣän bä yiëë nho̱kädä kɛ pal wuɔ̱c gaat Dee-bid kɛnɛ ji̱ Jɛ-ru-tha-lɛm, kä mi wäkɛ ram in ca näk wä guic, bikɛ jɛ par, ce̱tkɛ min la raan gat kɛl a paar, kä bɛ wiee wi̱i̱dɛ ɛlɔ̱ŋ ce̱tkɛ min la raan a wiee kɛ kui̱ gatdä min kɛ̱̈ɛ̱̈.

Dhɛk 12:11

Ɛn cäŋ ɛmɔ bi pa̱r kä Jɛ-ru-tha-lɛm di̱t ce̱tnikɛ pa̱r Ɣä-dɛ̈d-ri-mon rɛy tɔ̱ɔ̱rä Mɛ-gi-do.

Kuen 24:17

Cä nɛn, duundɛ ɣöö /ciɛ täämɛ. Ɣän guɛcä jɛ, duundɛ ɣöö /cɛ thia̱k. Kä bi cier ben raar kä Je-kɔb, lip pay ciëŋ bɛ ben kä I-thɛ-rɛl. Kä bɛ bööth Mo-ab dup. Kä bɛ gaat ce̱t diaal da̱k ni piny.

Mɛ̈t 16:27

Kɛ ɣöö bi Gat Ran kɛnɛ ja̱a̱kɛ kɛ gɔɔy puɔnyä Gua̱n ben, kä ɛn guäth ɛmɔ bɛ nɛy diaal culikä kɛ min ci kɛn ɛ la̱t.

Mɛ̈t 16:28

Ɛpuc, ɣän la̱rä jɛ yɛ, tëë kɛ tha̱a̱ŋ nath ti te cuŋä wanɛ mɛ, ti /ci bi li̱w amäni mi cikɛ Gat Ran nɛn a bëë rɛy kuäärädɛ.”

Mɛ̈t 24:30

Ɛ jɛn bi nyuuth benä Gatdä Ran cu jɔɔc nhial, kä bi döör wec muɔ̱ɔ̱n diaal pa̱r, kä bikɛ Gat Ran nɛn bëë rɛy pua̱a̱ri nhial kɛ buɔ̱m kɛnɛ gɔɔy puɔnyä mi di̱i̱t.

Mɛ̈t 25:31

“Mi wä Gat Ran ben rɛy wutädɛ kɛɛl kɛ ja̱a̱k nhial diaal, bɛ nyuur wi̱i̱ kɔam kuäärädɛ min gɔaa.

Mɛ̈t 26:64

Cu Yecu jɛ jiök i̱, “Ɛ jɛn ɛ nɔ ci lar ɔ. Kä ɣän la̱rä jɛ ji̱, ɛn walɛ bia Gat Ran nɛn nyuurɛ kui̱c cuëëc Kuɔth, in Leny Buɔ̱mdɛ ti Diaal kä bɛ ben kɛ pua̱a̱r nhial.”

Mak 13:26

Kä bikɛ Gat Ran nɛn a bëë piny kɛ pua̱a̱r kɛ buɔ̱m mi di̱i̱t kɛnɛ gɔɔy puɔnyä.

Mak 14:62

Cu Yecu jɛ jiök i̱, “Ɛ jɛn ɣän, kä bia Gat Ran nɛn a nyuurɛ cueec Kuɔth in Leny Buɔ̱mdɛ ti Diaal, kä bɛ ben piny kɛ pua̱a̱r nhial.”

Luk 21:27

Kä kɛ kɔrɛ ba Gat Ran nɛn bëë piny rɛy puɔ̱rä kɛ buɔ̱m kɛnɛ buay mi di̱i̱t.

Jɔ̱ɔ̱n 19:34

Kä cu ram kɛl kä lathkëëri bua̱lɛ yiɛth kɛ mut, kä ni kä kɛɛl cu riɛm kɛnɛ pi̱ lo̱ny raar.

Jɔ̱ɔ̱n 19:37

Kä ca jɛ gɔ̱r rɛy ruacni Kuɔth bä i̱, “Bikɛ ram ëë cikɛn ɛ yiɛth guic.”

1 Thɛ 1:10

kɛnɛ ɣöö bia lip ni Gatdɛ nhial, mëë cɛ jiɛc li̱th ala Yecu, min ci kɔn kän kä waŋ lɔaac in bi ben.

1 Thɛ 4:17

Inɔ, ba kɔn tin tëk, tin ca ba̱ny piny cu kap nhial kɛ rɛy pua̱a̱ri kɛɛl kɛ nɛy tin ci li̱w, banɛ wä röm kɛ Kuäär rɛy jiɔam. Kä ɛnɔ banɛ cu te kɛɛl kɛ Kuäär ni Yecu amäni cäŋ kɛl.

Ji̱ Ɣi-bɛ-ru 10:29

Kuɛ tɔ̱a̱ŋ mi jiääk mi te di ɛnɔ caarɛ mɔ i̱ ba jek ɛ nɛy tin /ca Gat Kuɔth luth, kä guɛckɛ riɛm matdä ruac ëë ca lɛy ni kɛ ce̱tkɛ mi /ciɛ mi gɔaa, kä kueth Yiëë nho̱kä Kuɔth?

Ji̱ Ɣi-bɛ-ru 6:6

Duundɛ ɣöö cikɛ kac jɔk ŋäthädiɛn, bumɛ ɛn ɣöö dëëkɛ luɔ̱ɔ̱c jɔk a bikɛ dueerkiɛn päl kɛ ɣöö pua̱tkɛ ni Gat Kuoth puɔ̱ɔ̱ny jiaath kä yɔaŋkɛ jɛ nhiam nath.

1 Jɔ̱ɔ̱n 3:2

Nhöökä, ɛn täämɛ lapnɛ gaat Kuɔth, kä ŋotdɛ /ken ta̱a̱ in bi tekɛ kɔn in jɔɔc. Kä min ŋa̱cnɛ ɛ ɣöö, mi wëë wä jɔɔc banɛ ce̱tkɛ jɛ, kɛ ɣöö banɛ jɛ nɛn kɛ ta̱a̱ in tekɛ jɛ.

Juud 1:14

Cu Ä-nɔk min guur A-dam kɛ ka̱a̱th bärɔw, ruac go̱o̱kä lat bä kɛ kui̱ nɛɛni ti̱ti̱, mi wëë i̱, “Nɛ̈nɛ jɛ, Kuäär ni Kuoth bëëkɛ kɛnɛ ja̱a̱kɛ ti kur bathdɔɔri ti rɛ̈lkɛ rɔ̱.

Nyuuth 22:20

Ram min lat ŋɔaani ti̱ti̱, laarɛ jɛ i̱, “Ɛpuc bä mal ben.” Inɔnɔ. Ku ben, Kuäär ni Yecu!

Nyuuth 22:4

Bikɛ waŋdɛ nɛn, kä bi ciötdɛ te nhiam kaandiɛn.

Ruëëc 5:31

“Inɔ bi ji̱ tɛ̈ru diaal li̱w, lö Kuoth Nhial! Kä a mäthniku bum ce̱tnikɛ cäŋ min lɛpɛ.” Kä cu mun tekɛ mal kɛ run ti jiɛn ŋuaan.