Nyuuth 1:6 - RUAC KUƆTH IN RƐL RƆ

⁶ Kä cɛ kɔn jakä kuäär bööthni palä ti la̱tkɛ Kuoth ikä kɛnɛ Gua̱a̱r. Kä a gɔɔy kɛnɛ buɔ̱m tekɛ Yecu amäni cäŋ kɛl. Inɔnɔ.

Nyuuth 1:6 Iomraidhean Croise

Ɣöth 19:6

Kä bia cua̱ do̱r bööthni ŋuɔ̱tni kä ɣä, kä bia a do̱rä mi gɔaa mi rɛl rɔ.’ Tɔ̱tɔ̱ kɛ kɛn rieetkä tin bi la̱t ji̱ I-thɛ-rɛl.”

I-ca-yaa 61:6

duundɛ ɣöö ba yɛ cɔl i̱ bööth palä Kuɔth Nhial. Bi ciötdun a bööth palä Kuɔthda, kä bia ria̱ŋ dööri cam, bi lo̱ckun tɛɛth kɛ ria̱ŋdiɛn.

Bok Go̱kä ni Da-ni-yel 4:34

Mëë ci run tɔ̱tɔ̱ thuuk, ɣän Nɛ-bu-kad-nɛ-dhar, cua̱ nhial liɛc kä cu ciaaŋdä mëëdan luny kä ɣä. Ɣän cua̱ Kuoth in Di̱t ni Jɛn la̱r tɛ̈th lɔaac cua̱ jɛ liak kä cua̱ jɛ ka̱m luth jɛn ram in do̱raar. Kɛ ɣöö ruecdɛ ɛ ruec mi thil pek, kä kuäär ɛ tëë thi̱n ri̱cni diaal.

Bok Go̱kä ni Da-ni-yel 7:14

Kä cua jɛ ka̱m wuɔ̱t kɛ buɔ̱m kɛnɛ ruec, kɛ ɣöö bi naath kɛnɛ döör diaal tin ruac kɛ thuk gööli jɛ lätikä. Kä bi ruecdɛ cua̱ ruec mi do̱raar mi /ci bi met thuuk, kä kuäärɛ la ni kɛl mi /ca bi met däk.”

Mɛ̈t 6:13

/Cu kɔ bo̱th guäth mi ba kɔ ɣɔam thi̱n, kä kän kɔ kä jiäk.’ (Kɛ ɣöö ɛ ruacdu, ɛ lua̱ŋdu, amäni puɔnydu kɛ kɛn do̱raari. Inɔnɔ.)

Jɔ̱ɔ̱n 5:23

ɛ ɣöö dee nɛy diaal Gat Kuɔth luɔ̱th, ce̱tkɛ min luɔ̱thkɛ Gua̱n. Jɛn mi /ci Gat Kuɔth luth, thilɛ jɛ luth kɛ Gua̱n ëë jäk jɛ.

Ji̱ Röm 11:36

Kɛ ɣöö ŋɔak diaal bäkɛ kä jɛ, kä tëkɛ kɛ jɛ, kä wäkɛ kä jɛ. A puɔny tekɛ jɛ, amäni cäŋ kɛl! Inɔnɔ.

Ji̱ Röm 15:6

kɛ kui̱ kä ɣöö dee yɛn Kuoth kä Gua̱n Kua̱ran ni Yecu Kritho puany kɛ jɔw kɛl.

Ji̱ Pi-li-pi 2:11

Kä bi lëëp diaal ɛ lat ɛn ɣöö Yecu Kritho ɛ Kuäär, kɛ kui̱ buɔyä Kuɔth in la Gua̱a̱r in te nhial.

1 Tim 6:16

A luth kɛnɛ ruec mi do̱raar tekɛ jɛ kärɔa, jɛn ram min /ci bi met li̱w, kä cieŋ buɔyä mi /ci raan dee cop thi̱n, mi thilɛ ram mi /ciɛ met nɛn kiɛ dee jɛ nɛn. Inɔnɔ.

Ji̱ Ɣi-bɛ-ru 13:21

kämɛ yɛ ciɛŋ gɔyni diaal kɛ ɣöö dërɛ ruacdɛ la̱t, kä derɛ min tɛɛth lɔcdɛ la̱t rɛydan kɛ Yecu Kritho. Kä a liak tekɛ jɛ a thil pek. Inɔnɔ.

1 Pit 4:11

Ram mi ruac, a jɛ ruac ce̱tkɛ ram mi lat ni ruac Kuɔth. Kä ram mi lät naath ikä, a jɛ lät kɛ buɔ̱m min ci Kuoth ɛ ka̱m jɛ, kɛ ɣöö dëë Kuoth liak rɛy kä ti diaal kɛ Yecu Kritho. Kä buay kɛnɛ buɔ̱m kɛ nyinkɛ a thil pek. Inɔnɔ.

1 Pit 5:11

A buɔ̱m tekɛ jɛ amäni cäŋ kɛl. Inɔnɔ.

2 Pit 3:18

Kä duundɛ ɣöö piɛthɛ rɛy puthä kɛnɛ ŋäc Kua̱ran kä Käändan ni Yecu Kritho. A buay tekɛ jɛ ɛn täämɛ, amäni cäŋ kɛl. Inɔnɔ.

Juud 1:25

A puɔny tekɛ Kuoth in kɛl kärɔa, min la Käändan rɛy Yecu Kritho in la Kuääran, min tekɛ buay, kɛ buɔ̱m, kɛnɛ lua̱ŋ kɛ kuäär te thi̱n gua̱thni diaal, ɛn täämɛ, amäni cäŋ kɛl. Inɔnɔ.

Nyuuth 1:9

Ɣän dämuɔɔrun ni Jɔ̱ɔ̱n, min nyuak rik kɛ yɛ kɛnɛ kuäär amäni ruɔ̱t kä ti bɛ̈c bɛ̈ɛ̈c rɛy Yecu. Ɣän ca ɣä la̱th wi̱i̱ dhuulä mi cɔali Pɛ̈t-mɔth kɛ kui̱ ruac Kuɔth kɛnɛ nyuuth Yecu.

Nyuuth 20:6

Tɛ̈th lɔaac kɛnɛ puɔ̱th mi di̱i̱t akɛ nɛy tin te rɛy nɛɛni tin ca rɔ̱ jiɛc li̱th kɛ nhiam. Kɛ kui̱ nɛɛni tɔ̱tɔ̱, thil lia̱a̱ in rɛwdɛ lua̱ŋ kɛ kɛ, bikɛ a bööth palä Kuɔth kɛnɛ Kritho, kä bikɛ ruëc kɛ jɛ kɛɛl kɛ run ti bathdɔɔr kɛl.

Nyuuth 4:11

“Ji̱n gɔaai, Kuäärä kä Kuothdä, kä ro̱ŋi kɛ liak kɛ luth kɛnɛ buɔ̱m, kɛ ɣöö ci ti diaal cak. Kä kɛ ruacdu tekɛ thi̱n, kä cikɛ cak.”

Nyuuth 5:10

kä cikɛ jakä kuäär kɛnɛ bööth palä ti la̱tkɛ Kuɔthdan ikä, kä bikɛ ruëc wi̱i̱ muɔ̱ɔ̱n.”