Nyuuth 1:5 - RUAC KUƆTH IN RƐL RƆ

⁵ kä bä kä Yecu Kritho in la neen in ŋa̱thkɛ, jɛn kɛ̱̈ɛ̱̈ nɛɛni ti ci li̱w, kä kuäär kua̱ri wec muɔ̱ɔ̱n. Kä jɛn nhɔkɛ kɔn, kä cɛ kɔn lony rɛy dueerikɔn kɛ riɛmdɛ.

Nyuuth 1:5 Iomraidhean Croise

Diit 51:2

Lak ɣä ɛ puɔth kä jiäkä, kä woc dueerkä.

Diit 72:11

Ɛ kua̱r diaal guɔŋkɛ rɔ̱ nhiamdɛ, kä ɛ döör diaal la̱tkɛ jɛ ikä!

Diit 89:27

Ɣän bä jɛ cu jak kä kɛ̱̈ɛ̱̈, kä bi di̱t ni jɛn kä kua̱r wec muɔ̱ɔ̱n.

Ruac Pɛli 14:5

/Ci neen mi thuɔ̱k kac lat, kä lat neen kacä ni ka̱a̱cni.

I-ca-yaa 55:4

Nɛnɛ, cä jɛ jak kä neen nath, cä jak kä rueec kä bo̱o̱th dööri.

Bok Go̱kä ni Da-ni-yel 2:2

Kä inɔ cu kuäär ruac ja̱k ɛn ɣöö ɛ ji̱ kuthni kɛ ti̱t kɛnɛ ji̱ wal, kɛ ji̱ kolaaŋni, kɛ ɣöö ba kuäär ben la̱t luɔt läkädɛ. Kä mëë cikɛ ben cuɔ̱ŋ nhiam kua̱r,

Bok Go̱kä ni Da-ni-yel 7:14

Kä cua jɛ ka̱m wuɔ̱t kɛ buɔ̱m kɛnɛ ruec, kɛ ɣöö bi naath kɛnɛ döör diaal tin ruac kɛ thuk gööli jɛ lätikä. Kä bi ruecdɛ cua̱ ruec mi do̱raar mi /ci bi met thuuk, kä kuäärɛ la ni kɛl mi /ca bi met däk.”

Liib 13:58

Kä mi wee jɛ wä lak kä bi cuäänydɛ bath, a jɛ nyɔkɛ kɛ la̱k kä bɛ cu gɔaa.”

Dhɛk 13:1

“Kä ɛn cäŋ ɛmɔ ba dhɔr Dee-bid kɛnɛ ji̱ Jɛ-ru-tha-lɛm lëp waŋ pi̱i̱ni ti ba dueerkiɛn kɛnɛ thil gɔɔyädiɛn lak.”

Mɛ̈t 20:28

Ce̱tkɛ ɣöö /ken Gat Ran ben kɛ ɣöö ba jɛ lätikä, bëë kɛ ɣöö bɛ naath lätikä, kä bɛ tëkdɛ thöp ala lueel kɛ kui̱ nɛɛni ti ŋuan.”

Mɛ̈t 28:18

Kä cu Yecu ben kä kɛ, cuɛ kɛ jiök i̱, “Lua̱ŋ nhial kɛnɛ piny kɛɛliw ca jɛ ka̱m ɣä.

Jɔ̱ɔ̱n 13:1

Täämɛ, a ŋot /ken Cäŋ Bälä ni cop, cu Yecu ɛ ŋa̱c ɛn ɣöö ci ni̱n tin bi jiɛɛn kɛ jɛ wi̱i̱ muɔ̱ɔ̱n wädɛ kä Gua̱n cop. Cuɛ nɛɛkɛ tin te wi̱i̱ muɔ̱ɔ̱n nhɔk, kä cuɛ kɛ nhɔk kɛ pek lɔaacdɛ kɛɛliw.

Jɔ̱ɔ̱n 13:34

Ɣän ka̱mä yɛ ŋut mi pay tuɔɔk ɛn ɣöö, ramɔ nhɔk ram ɔ. Ce̱tnikɛ min cä yɛ nhɔk, a ramɔ nhɔk ram in dɔ̱ŋ bä.

Jɔ̱ɔ̱n 15:9

Ce̱tkɛ min ci Gua̱a̱r ɣä nhɔk, cä yɛ nhɔk, kua cieŋ rɛy nho̱kädä.

Jɔ̱ɔ̱n 18:37

Cu Pay-lɛt ɛ jiök i̱, “Ɛ ji̱n kuäär?” Cu Yecu ɛ loc i̱, “Ci jɛ lar ɛn ɣöö ɛ ɣän kuäär. Diëthkɛ ɣä kɛ kui̱ kä nɛmɛ, kä ba̱a̱ rɛy ɣɔaa kɛ kui̱dɛ, kɛ ɣöö bä nën thukä ben lat. Nɛy diaal tin ji̱ thukä liɛŋkɛ ruacdä.”

Jɔ̱ɔ̱n 3:11

“Ɛpuc, ɛpuc ɣän la̱rä jɛ ji̱, latkɔ ni min ŋa̱ckɔ, kä larkɔ ni min cakɔ nɛn, kä /ken yɛn nënda nhɔk.

Jɔ̱ɔ̱n 3:16

“Kɛ ɣöö nhɔk Kuoth nɛy diaal ɛlɔ̱ŋ, cuɛ Gatdɛ kɛl ni kärɔa muɔc, kɛ ɣöö ram mi wä jɛ ŋäth, /cɛ bi li̱w, bɛ tekɛ tëk mi thil pek.

Jɔ̱ɔ̱n 3:32

Jɛn latdɛ ruacdɛ kɛ min cɛ nɛn kä cɛ liŋ, kä thilɛ ram min ci nëndɛ nhɔk.

Lät Jaakni Yecu 20:28

Inɔ tiɛtdɛ rɔ̱ kä tiɛtdɛ det diaal, tin ci Yiëë in Gɔaa in Rɛl Rɔ yɛ jakä ga̱a̱ŋkiɛn. Kä jakɛ rɔ̱ kä yiëën duëël Kuɔth, min cɛ jek kɛ riɛm Gatdɛ pa̱ny.

Lät Jaakni Yecu 26:23

Min la ɣöö bi Mɛ-thia ti bɛ̈c bɛ̈ɛ̈c dhil rut, kä ɛ jɛn ram in kɔŋ rɔ jiɛc li̱th, kä bɛ ruac buɔyä la̱t nɛɛkɔn kɛnɛ Jur.”

Ji̱ Röm 3:25

Ci Kuoth ɛ thöp ala duɔ̱ɔ̱p mi ba päl dueer nath kɛ lia̱a̱dɛ kɛ ŋa̱th nath kɛ jɛ. Nɛmɛ nyoothɛ ni ɣöö Kuoth gua̱thni diaal la lätdɛ ni cuŋ, ce̱tkɛ puɔ̱th baaŋdɛ mëë pälɛ ɣöö bɛ naath duäc kɛ kui̱ dueerikiɛn.

Ji̱ Röm 8:37

Ëëy, rɛy ŋɔaani diaal ti̱ti̱ leny kɔn nɛy tin pua̱tkɛ naath rɛy Yecu min nhɔk kɔn.

1 Kor 6:11

Kä tha̱a̱ŋkun ce̱tkɛ kɛ nɛy ɛ tɔ̱. Kä duundɛ ɣöö ca yɛ lak, ca yɛ jak kä gɔaa ci Kuoth yɛ lɛy, kä ca yɛ moc cuɔ̱ɔ̱ŋ kɛ ciöt Kua̱r ni Yecu Kritho kɛnɛ rɛy Yieekä Kuɔthdan.

Ji̱ Gä-lëë-cia 2:20

/ci lɛ ŋot ni ɣän teekä, kä duundɛ ɣöö ɛ Kritho tëk rɛydä mɔ. Kä tëk in tëk kɛ ɣä täämɛ rɛy pua̱ny, ɛ jɛn tëk in tëk kɛ ɣä kɛ ŋa̱th kɛ Gat Kuɔth, min nhɔk ɣä, kä cuɛ rɔɔdɛ thöp kɛ kui̱dä.

Ji̱ Ɛ-pɛ-thäth 2:4

Kä Kuoth tëëkɛ kɔ̱a̱c lɔaac mi di̱i̱t kä nhökdɛ di̱tdɛ kɛ kɔn,

Ji̱ Ɛ-pɛ-thäth 5:2

Kä ciëŋɛ rɛy nho̱kä, ce̱tkɛ min ci Kritho kɔn nhɔk, kä cɛ tëkdɛ thöp kɛ kui̱dan, ala ŋuäny mi gɔaa kä muc mi tɛɛth lɔc Kuɔth.

Ŋuɔ̱t 18:2

Bikɛ thil kui̱c rɛy ganman, bi kui̱diɛn a Kuoth Nhial ce̱tkɛ mëë cɛ la̱rkɛ.

Ŋuɔ̱t 23:5

Ɛ ni ɣöö /ken Kuoth Nhial Kuothdun Bil-am liŋ. Cuɛ rit ni lamdun ala puɔ̱thdun, kɛ ɣöö Kuoth Nhial Kuothdun nhɔkɛ yɛ.

Ŋuɔ̱t 7:8

Ɛ ɣöö nhɔk Kuoth Nhial ni yɛ, kɛnɛ ti̱t gukä mëë cɛ gok kɛnɛ gua̱nikun, ɛ jɛn ci Kuoth Nhial yɛ ka̱m raar kɛ tet mi bum, kä cɛ yɛ kän duëël yieenä kä Pɛro.

Ji̱ Ko-lɔ-thi 1:18

Ɛ jɛn la wi̱c pua̱a̱ny in la duel Kuɔth, ɛ jɛn tuk kä ɛ jɛn min nhiam in kɔn ben raar li̱th, kä ɛ jɛn tekɛ gua̱a̱th in di̱t ni jɛn kä ŋɔak diaal ɔ.

1 Tim 6:13

Nhiam Kuɔth in käm ŋɔaani diaal tëk, kɛnɛ nhiam Kritho Yecu min ci thuɔ̱k lat mëë tëë nhiam Pɔn-tiäth Pay-lɛt, ɣän la̱tdä ji̱ ruac

1 Tim 6:15

Kä bi Kuoth nɛmɛ jakä tuɔɔk kɛ gua̱a̱thdɛ pa̱ny. Jɛn ram in ca poth jɛn Bo̱o̱th kärɔa, Rueec Ruëëcni, kä Kuäär Kua̱ri.

Ji̱ Ɣi-bɛ-ru 10:29

Kuɛ tɔ̱a̱ŋ mi jiääk mi te di ɛnɔ caarɛ mɔ i̱ ba jek ɛ nɛy tin /ca Gat Kuɔth luth, kä guɛckɛ riɛm matdä ruac ëë ca lɛy ni kɛ ce̱tkɛ mi /ciɛ mi gɔaa, kä kueth Yiëë nho̱kä Kuɔth?

Ji̱ Ɣi-bɛ-ru 9:14

Kä bi riɛm Kritho kulɛ la̱t ni mi ni̱n di. Jɛn cɛ rɔ thöp kɛ Yiëë mi do̱raar ala muc mi thil mɛ̈ɛ̈ny kä Kuoth. Kä bi riɛmdɛ lo̱ckɔn jak kä gɔw kä lät tin jiäk kɛ ɣöö dënɛ cu lät ni Kuoth in tëk ikä.

1 Pit 1:19

Kä duundɛ ɣöö ca yɛ luɛl kɛ riɛm Kritho mi gɔaa mi ce̱tkɛ riɛm ruath dɛ̈ɛ̈l rɔɔmä mi thil mɛ̈ɛ̈ny kiɛ gua̱r.

1 Jɔ̱ɔ̱n 1:7

Kä mi jäl kɔn rɛy buɔyä, ce̱tkɛ min tëë rɛy buɔyä, ta̱nɛ kɛ nyuaak kamnikɔn, kä ci riɛm Gatdɛ ni Yecu dueerkɔn diaal lak raar.

1 Jɔ̱ɔ̱n 4:10

Te nhök rɛy kä nɛmɛ, /ciɛ ɣöö nhɔaknɛ Kuoth, kä ɛ ɣöö nhɔk Kuoth kɔn, kä cɛ Gatdɛ ja̱k ala muc mi luɛlɛ ni dueerkɔn.

Nyuuth 11:15

Kä cu jääk nhial in bärɔwdiɛn kaaŋdɛ koth, cuɛ tekɛ jɔw mi di̱i̱t nhial, wëë i̱, “Ci kuäärä ɣɔaa a Kuäär Kua̱ra in Kuoth kɛnɛ Mɛ-thiadɛ, kä jɛn bɛ ruëc amäni cäŋ kɛl.”

Nyuuth 11:3

Kä bä nëënkä da̱ŋ rɛw ti ca rɔ rony kɛ bieyni cuali ka̱m buɔ̱m kɛ ɣöö bikɛ ruac Kuɔth lat kɛ ni̱n ti bathdɔɔr kɛl wi̱cdɛ kur rɛw wi̱cdɛ jiɛn bäkɛl.”

Nyuuth 17:14

Kɛn bikɛ ko̱r tɛr kɛ Ruath Dɛ̈ɛ̈l, kä bi Ruath Dɛ̈ɛ̈l kɛ tiam, kɛ ɣöö jɛn ɛ Kuäär kua̱ri, kä ɛ Rueec ruëëcni, kä nɛy tin tekɛ jɛ kɛɛl ca kɛ cɔl, kä ca kɛ mɛk, kä ŋa̱thkɛ kɛ.”

Nyuuth 19:11

Kä ɛnɔ cua nhial nɛn cɛ rɔ lɛp, kä nɛnɛ, tëëkɛ jio̱k tuɔ̱ruɔ̱k mi bo̱r! Kä ram min ko̱t jɔkdɛ, cɔalɛ Ram mi Gɔaa, kä Thuɔ̱k jɛn la lukɛ kä tɛɛrɛ ko̱r kɛ cuɔ̱ɔ̱ŋ.

Nyuuth 19:16

Kä tëëkɛ ciöt mi ca gɔ̱a̱r puɔ̱ny bieydɛ, kɛnɛ ɣämdɛ i̱, “Kuäär kua̱ri kä Rueec ruëëcni.”

Nyuuth 2:13

“ ‘Ɣän ŋa̱cä gua̱a̱th in ciëŋɛ thi̱n, gua̱a̱th in te kɔm kuäärä Cɛy-tan thi̱n. Kä ŋotdɛ rɔamɛ ciötdä, kä /ken yɛn ŋa̱thdun kɛ ɣä gak, a cäŋɛ ni ni̱n tëë ca An-ti-path neendä min ŋa̱a̱thä näk rɛydun, guäth in ciëŋ Cɛy-tan thi̱n.

Nyuuth 3:14

“Kä gɔ̱ri nɛmɛ jääk nhial in te dueel Kuɔth kä La-o-di-thia i̱, ‘Ti̱ti̱ kɛ rieet raam in cɔali Inɔnɔ, in la neen in thuɔ̱k kä ŋa̱thkɛ, min la tuk cäkä ŋɔaani tin ci Kuɔth kɛ cak.

Nyuuth 7:14

Kä cua jɛ loc i̱, “Kuäär, ŋäc kɛ ji̱n.” Kä cuɛ ɣä jiök i̱, “Ti̱ti̱ kɛ kɛn nɛy tin pay ben raar rɛy rikä min di̱i̱t. Cikɛ bieynikiɛn lak, kä ci kɛn kɛ jakä buɔy kɛ riɛm Ruath Dɛ̈ɛ̈l.