Nyuuth 1:18 - RUAC KUƆTH IN RƐL RƆ

¹⁸ kä ɛ ɣän ram in tëk. Ɣän cä li̱w, kä nɛnɛ ɣän tëkä amäni cäŋ kɛl. Ɣän ta̱a̱kɛ leepni li̱eth kɛnɛ ro̱l jɔɔkni.

Nyuuth 1:18 Iomraidhean Croise

I-yob 19:25

Duundɛ ɣöö kua̱ jɛ lɛ ŋa̱c i̱ tëk Gääŋdä, min bi wi̱c muɔ̱ɔ̱n ben luk kɛ jɔak.

I-yob 38:17

Kä cua ji̱ met nyuɔ̱th thiekni li̱eth, kiɛ ci thiekni muɔ̱th met nɛn?

Diit 18:46

Ce̱tnikɛ min tëk Kuɔth Nhial, ɛ puɔ̱th wä kä gääŋdä, a liak tekɛ Kuoth känädä,

Diit 68:20

Ɛn Kuothda ɛ Kuoth känä, ɛn Kuäär ni Kuoth ɛ jɛn bä ka̱n li̱eth kä jɛ mɔ.

I-ca-yaa 22:22

Kä bä jɛ ka̱m leepni dhɔaar Dee-bid, mi cɛ gäk thilɛ ram mi bi jɛ lɛp, kä mi cɛ lɛp thilɛ ram mi bi jɛ gäk.

Mɛ̈t 11:23

Kä yɛn ji̱ Ka-pɛr-ni-äm, ɛ yɛn i̱ ba yɛ kap nhial? Ëëy ba yɛ naŋ ni piny guäth li̱eth! Kɛ ɣöö mi ca lät tin ga̱ykɛ naath la̱t rɛy Thɔ-dɔm ce̱tkɛ tëë ca la̱t rɛydun, dee kɛ ŋot thi̱n amäni wa̱lɛ.

Mɛ̈t 16:19

Bä ji̱ ka̱m leepni ciëŋ kuäärä nhial, kä mi wiaa yiɛn wi̱i̱ muɔ̱ɔ̱n ba jɛ yiɛn cieŋ nhial. Kä mi wiaa lony wi̱i̱ muɔ̱ɔ̱n, ba jɛ lony cieŋ nhial.”

Luk 24:5

Kä cu män dual kä cukɛ wuɔ̱thkiɛn guɔ̱l piny, kä cu wutni kɛ jiök i̱, “Ɛŋu go̱o̱r yɛn ram mi tëk rɛy nɛɛni ti ci li̱w ɔ? Thilɛ jɛ ɛn wanɛ, cɛ rɔ jiɛc li̱th.

Jɔ̱ɔ̱n 11:25

Cu Yecu jɛ jiök i̱, “Ɛ ɣän jieec nath li̱th, kä ɛ ɣän tëk. Nɛy tin ŋa̱thkɛ ɣä acäŋ cikɛ li̱w, bikɛ tëk.

Jɔ̱ɔ̱n 14:19

Kɛ kɔr gua̱th mi tɔt, /ci ɣɔw ɣä bi lɛ nɛn, kä bi yɛn ɣä nɛn. Kä kɛ ɣöö ɣän tëkä, bi yɛn tëk bä.

Ji̱ Röm 6:9

Kɛ ɣöö ŋäc kɔn ɛ i̱ mi ca Kritho jiɛc li̱th, /cɛ rɔ bi nyɔk lia̱a̱, kä /ci lia̱a̱ bi lɛ tekɛ lua̱ŋ kɛ jɛ.

2 Kor 13:4

Ca jɛ pua̱t jiaath rɛy kɔ̱cä, kä duundɛ ɣöö cɛ tëk kɛ buɔ̱m Kuɔth. Kä ɛ thuɔ̱k kɔ̱ckɔn rɛydɛ, kä min la̱tkɔ kɛ yɛ, banɛ tëk kɛ jɛ kɛɛl kɛ buɔ̱m Kuɔth.

Ji̱ Gä-lëë-cia 2:20

/ci lɛ ŋot ni ɣän teekä, kä duundɛ ɣöö ɛ Kritho tëk rɛydä mɔ. Kä tëk in tëk kɛ ɣä täämɛ rɛy pua̱ny, ɛ jɛn tëk in tëk kɛ ɣä kɛ ŋa̱th kɛ Gat Kuɔth, min nhɔk ɣä, kä cuɛ rɔɔdɛ thöp kɛ kui̱dä.

Ji̱ Ko-lɔ-thi 3:3

Kɛ ɣöö ci yɛn li̱w kä ca tëkdun tɛ̱̈ɛ̱̈ kɛɛl kɛ Kritho rɛy Kuɔth.

Ji̱ Ɣi-bɛ-ru 1:3

Jɛn min nyoth buay Kuɔth, kä ɛ jɛn cät Kuɔth pa̱ny, kääpɛ ɣɔw kɛɛliw kɛ rietdɛ min buɔ̱m. Mëë cɛ dueer thuk kɛ wuɔ̱c, cuɛ nyuur cuëëc Kua̱r in di̱t ni jɛn nhial.

Ji̱ Ɣi-bɛ-ru 12:2

Kä guɛcnɛ ni Yecu in la tuk kä pek ŋäthädan, min ci lia̱a̱ rut wi̱c jiaath kɛ kui̱ tɛthä lɔaac in te nhiamdɛ, kä /kenɛ riɛk kɛ duŋ po̱cä, kä nyuurɛ kui̱ cuëëc kɔam Kuɔth.

Ji̱ Ɣi-bɛ-ru 7:16

Ka̱n jɛ jak kä bo̱o̱th palä kɛ buɔ̱m nath kɛnɛ ŋuɔ̱tkiɛn, duundɛ ɣöö ɛ buɔ̱m teekädɛ mi thil pek.

Ji̱ Ɣi-bɛ-ru 7:25

Kɛ kui̱ ɛmɔ tëëkɛ lua̱ŋ gua̱thni diaal kɛ ka̱n nɛɛni tin bä kä Kuoth kɛ jɛ, kä tëkɛ ni ciaŋ kɛ ɣöö bɛ la̱ŋ kɛ kui̱diɛn.

Nyuuth 10:6

kä cuɛ rɔ yac kɛ ram min tëk kɛ tëk mi thil pek, min ci nhial cak kɛnɛ tin te rɛydɛ, kɛ piny kɛnɛ tin te rɛydɛ, kɛ bar, kɛnɛ tin te rɛydɛ. Kä cu jääk wee i̱, “/Cɛ bi lɛ gal.

Nyuuth 15:7

Kä cu ley kɛl kä ley da̱ŋ ŋuan tin tëk ja̱a̱k nhial da̱ŋ bärɔw ka̱m thääk dääpä da̱ŋ bärɔw ti thiäŋ kɛ waŋ lɔaac Kuɔth, min tëk kɛ tëk mi do̱raar.

Nyuuth 2:8

“Kä gɔ̱ri nɛmɛ jääk nhial in te dueel Kuɔth kä Thɛ-mer-na i̱, ‘Ti̱ti̱ kɛ rieet raam in jio̱l kä ram in jɔak, mëë ci li̱w kä ci rɔ nyɔk kɛ tëk i̱,

Nyuuth 20:13

Cu bar nɛy tin ci li̱w rɛydɛ thöp, kä cu Lia̱a̱ kɛnɛ Ro̱l Jɔɔkni nɛy tin ci li̱w rɛydiɛn thöp, kä ca kɛn diaal luk kɛ kui̱ kä tëë ci kɛn kɛ la̱t.

Nyuuth 20:14

Kä ɛnɔ cua Lia̱a̱ kɛnɛ Ro̱l Jɔɔkni yuɔr bar maac. Jɛn bar maac ɛmɛ ɛ lia̱a̱ in rɛwdɛ.

Nyuuth 3:7

“Kä gɔ̱ri nɛmɛ jääk nhial in te dueel Kuɔth kä Pi-la-dɛl-pia i̱, ‘Ti̱ti̱ kɛ rieet raam in rɛl gɔɔydɛ rɔ, jɛn min la thuɔ̱k, kä tekɛ leep Dee-bid, mi lɛpɛ duɔ̱ɔ̱r thilɛ ram mi gääk jɛ, kä mi gääkɛ duɔ̱ɔ̱r thilɛ ram mi lɛp jɛ.

Nyuuth 4:9

Kä mɔ ci ley tin tëk puɔny kɛ luth kɛnɛ tëth lɔaac ka̱m ram in nyuur wi̱i̱ kɔam kuäärä mɔ, jɛn min tëk a thil pek,

Nyuuth 5:14

Kä cu ley da̱ŋ ŋuan tin tëk wee i̱, “Inɔnɔ!” Kä cu di̱t rɔ yuɔr piny kä palkɛ jɛ.

Nyuuth 6:8

Kä cua guic, kä nɛnɛ, tëëkɛ jio̱k tuɔ̱ruɔ̱k mi yian, kä cɔalkɛ ciöt raam min kɔt jɛ i̱ “Lia̱a̱”, kä guɔ̱ɔ̱rkɛ jɛ ɛ Ro̱l jɔɔkni. Kä cua kɛ ka̱m lua̱ŋ kɛ ɣöö ba kɛl ŋuaani kä ji̱ wec muɔ̱ɔ̱n näk kɛ ko̱r, kɛnɛ buɔth, kɛ liaw, kɛnɛ ley dɔaar.

Nyuuth 9:1

Kä cu jääk nhial in dhieecdiɛn kaaŋdɛ koth, kä cua cier mi ci pɛn piny nhial nɛn, kä cua jɛ ka̱m leep kɔ̱kä mi thil piny.

1 Tham 2:6

Kä Kuoth Nhial näkɛ kä teekɛ naath, naŋɛ naath jɔɔkni kä jiɛɛcɛ naath.