Nyuuth 1:15 - RUAC KUƆTH IN RƐL RƆ

¹⁵ Kä ce̱t ciökɛ kɛ ciɛk in yian mi ca toth, bo̱lɛ ce̱tnikɛ mac tha̱t yieethä, kä ce̱t jɔwdɛ kɛ wuɔ̱w pi̱i̱ni ti ŋuan.

Nyuuth 1:15 Iomraidhean Croise

Diit 93:4

Kuoth Nhial bum ni jɛn puɔ̱ɔ̱rä, bum ni jɛn kä jɔw pi̱i̱ni bäpdiit, bum ni jɛn kä muaŋ baar.

I-ca-yaa 17:13

Rɔal nath ce̱tdɛ nikɛ wuɔ̱w pi̱i̱ni ti ŋuan, duundɛ ɣöö mi wä Kuoth ruac kɛ kɛ, bikɛ rɔ̱ bar ni nɔ̱nä, bɛ kɛ lɔk ce̱tnikɛ tur mi lɔk ruɔth ɛ wi̱i̱ pa̱a̱m, kiɛ ce̱tnikɛ nuɔ̱ɔ̱r mi lɔk thulɛ.

Yɛdh 1:24

Mëë wä kɛ rɔ̱ wany, cua̱ jɔw gɔ̱ɔ̱kiɛn liŋ ce̱tdɛ nikɛ jɔw pi̱i̱ni ti ŋuan, cuɛ ce̱tnikɛ ma̱a̱r Kuɔth in leny buɔ̱mdɛ ti diaal kɛnɛ jɔw rɛ̈m mi di̱i̱t. Kä mɔ cikɛ cuɔ̱ŋɔ la luɔ̱ɔ̱ckɛ gɔ̱kiɛn piny.

Yɛdh 1:7

Cuŋ ciökiɛn ɛ pi̱c, ce̱t pa̱a̱tkiɛn kɛ barkaakni tha̱a̱k, kä jaŋkɛ ce̱tnikɛ läŋ in yian mi ca toth.

Yɛdh 40:3

Kä mëë cɛ ɣä naŋ ɛn wani, tëë kɛ wut mi te ɛn wani, mi ce̱t ta̱a̱dɛ kɛ ciɛk in yian, mi tekɛ lath thëm mi gɔaa, kä te tetdɛ kɛ ta̱y thëm mi gɔaa. Kä tëë cuŋä thok kal.

Yɛdh 43:2

Kä ɛn wani, cu buay Kuɔth I-thɛ-rɛl ben kui̱c känyä ca̱ŋ. Kä ce̱t jɔwdɛ kɛ jɔw pi̱i̱ni ti ŋuan. Kä cuɛ piny riaw kɛ buaydɛ.

Bok Go̱kä ni Da-ni-yel 10:6

Kä puɔth puɔ̱nydɛ ce̱tdɛ nikɛ ciɛk, kä jaŋ nhiamdɛ ce̱tnikɛ yiel nhial, kä räŋ nyinkɛ ce̱tnikɛ mac patariɛy, kä bil ɣa̱a̱mkɛ kɛnɛ wuɔ̱ɔ̱kɛ ce̱tnikɛ ciɛk in yian mi ca toth, kä jɔwdɛ ce̱tdɛ nikɛ jɔw nɛɛni ti ŋuan ɛlɔ̱ŋ.

Nyuuth 10:1

Kä cua jääk nhial dɔ̱diɛn mi bum nɛn, bëë piny nhial, ca kum kɛ pua̱r, kä te tik Kuɔth nhial wi̱i̱dɛ. Kä ce̱t nhiamdɛ kɛ cäŋ kä ce̱t ciökɛ kɛ bo̱l maac.

Nyuuth 14:2

Kä cua jɔw liŋ nhial mi ce̱tkɛ wuɔ̱w pi̱i̱ni ti ŋuan ti lo̱ny kɛnɛ ma̱a̱r nhial ti di̱t. Ɛn jɔw ëë cä liŋ ce̱tkɛ kɛ jɔw thuɔmni ti pua̱tkɛ kɛ thuɔmnikiɛn.

Nyuuth 19:6

Kä cua jɔw mi ce̱tkɛ jɔw bunä nath mi di̱i̱t liŋ, ce̱tdɛ kɛ wuɔ̱w lo̱nyä pi̱i̱ni ti ŋuan, kɛnɛ gi̱eer ma̱a̱ri nhial mi di̱i̱t, wäkɛ i̱, “Liaknɛ Kuoth! Kɛ ɣöö ruec Kuäär ni Kuothdan in Leny Buɔ̱mdɛ ti Diaal.

Nyuuth 2:18

“Kä gɔ̱ri nɛmɛ jääk nhial in te dueel Kuɔth kä Thay-tay-ra i̱, ‘Ti̱ti̱ kɛ rieet Gatdä Kuɔth, min tekɛ wäŋ ti bo̱l ce̱tkɛ mac, kä ce̱t ciökɛ kɛ ciɛk in yian mi ca toth.