Nyuuth 1:11 - RUAC KUƆTH IN RƐL RƆ

¹¹ wëë i̱, “Gɔ̱ri min ci nɛn rɛy warɛgakä kä jäkni jɛ kä duël Kuɔth da̱ŋ bärɔw, kä Ɛ-pɛ-thäth, kɛ Thɛ-mer-na kɛnɛ Per-ga-mäm, kɛ Thay-tay-ra, Thar-dith, kɛnɛ Pi-la-dɛl-pia amäni La-o-di-thia.”

Nyuuth 1:11 Iomraidhean Croise

I-ca-yaa 30:8

Täämɛ wër gɔ̱ri jɛ piny rɛy warɛgakä nhiamdiɛn, latdɛ rɛy buɔk, kɛ ni̱n tɔ̱ bi ben tɔ̱ bɛ la neen amäni cäŋ kɛl.

Bok Go̱kä ni Yir-mɛ-yaa 30:2

Kä cu Kuoth Nhial ni Kuoth I-thɛ-rɛl ruac ɛmɛ lar wëë i̱, “Gɔ̱ri rieet diaal tëë cä la̱r ji̱ rɛy buɔk.

Bok Go̱kä ni Ɣä-bɛ̈-kuk 2:2

Kä cu Kuoth Nhial ɣä loc i̱, “Gɔ̱ri min ci nɛn rɛy päämni tin pat paat, dɔ̱ŋ bi ram wä jɛ kuɛn ɛ tit.

Lät Jaakni Yecu 16:14

Kä cu ciek kɛl mi cɔali Lu-dia mi pääl Kuɔth ruacda liŋ. Jɛn ɛ raan wec Thay-tay-ra, mi la kɔk bieyni ti mɛ̈r. Cu Kuäär ni Kuoth lɔcdɛ lɛp kɛ ɣöö bɛ ruaacni tin ca lat ɛ Puɔl liŋ kɛ di̱t lɔaac.

Lät Jaakni Yecu 18:24

Täämɛ cu raan Juudh mi cɔal i̱ A-pɔ-löth mi la raan rööl A-lek-dhan-dri-ya ben kä Ɛ-pɛ-thäth. Ɛ wut mi ŋäc ruac kä ŋäc ruaacni Kuɔth ɛlɔ̱ŋ.

Lät Jaakni Yecu 20:17

Kä May-li-täth cuɛ ruac jäk kä Ɛ-pɛ-thäth ɛn ɣöö bɛ röm kɛ di̱t duëël Kuɔth.

1 Kor 15:32

Kä mi cä nyiëëny kɛ ley dɔaar kɛ kui̱ kä tin ŋääth naath kɛ kä Ɛ-pɛ-thäth ɛŋu mi cä jek thi̱n? Mi /ca nɛy tin ci li̱w jiɛc li̱th, “Mi̱ethnɛ kä ma̱thnɛ kɛ ɣöö iruun banɛ li̱w.”

1 Kor 16:8

Kä ɣän bä te kä Ɛ-pɛ-thäth amäni Cäŋ kä jiɛn dhieec.

Ji̱ Ɛ-pɛ-thäth 1:1

Ɣän Puɔl, jak Kritho Yecu kɛ ruac Kuɔth, gɔ̱a̱rä jɛ yɛ, yɛn nɛy tin ci Kuoth kɛ lɛy tin te kä Ɛ-pɛ-thäth, amäni nɛy tin tekɛ ŋa̱th rɛy Kritho Yecu.

Ŋuɔ̱t 31:19

Kɛ kui̱ ɛmɔ, täämɛ, ŋi̱i̱cni dit ɛ mi kä ji̱ I-thɛ-rɛl diaal. Jak nikɛ kä ŋa̱c kɛ jɛ, bɛ cua̱ neendä kä ji̱ I-thɛ-rɛl.

Ji̱ Ko-lɔ-thi 2:1

Kä göörä ɣöö bia ŋa̱c ɛn ɣöö cä lät a bum kɛ kui̱dun kɛnɛ kui̱ nɛɛni tin te kä La-o-di-thia, kɛ nɛy diaal tin /ka̱n ɣä met nɛn.

1 Tim 1:3

Ɣän cä ji̱ com mëë wa̱a̱ kä Ma-tha-do-nia, ɛn ɣöö bi te kä Ɛ-pɛ-thäth, kɛ ɣöö tëëkɛ nɛy ti bi ŋi̱eec kɛ ɣöö /cikɛ ŋi̱i̱c mi göl bi ŋi̱eec.

Nyuuth 1:17

Mëë cä jɛ nɛn, cua rɔ yuɔr piny ciöknikɛ ce̱tkɛ mi cä li̱w. Kä duundɛ ɣöö cuɛ tet cuëëcdɛ la̱th wi̱i̱dä, wëë i̱, “/Cu dual. Ɛ ɣän ram in jio̱l, kä ɛ ɣän ram min jɔak,

Nyuuth 1:19

Kä täämɛ gɔ̱r min ci nɛn, min te thi̱n amäni min bi ben kɔɔr kä nɛmɛ.

Nyuuth 1:2

mëë cu nëndɛ lat kɛ kui̱ ruac Kuɔth kɛnɛ thuk ruaacni Yecu Kritho, amäni ti diaal tëë cɛ nɛn.

Nyuuth 1:20

Mɛmɛ ɛ jɛn luɔt kä min dhal ji̱ kɛ kui̱ kuɛli da̱ŋ bärɔw tin ci nɛn tetdä cuëëcdä, kɛnɛ cuuŋni lɛmbärni dääpä da̱ŋ bärɔw. Kä kɛn kuɛl da̱ŋ bärɔw kɛ ja̱a̱k nhial duëli Kuɔth da̱ŋ bärɔw, kä cuuŋni lɛmbärni da̱ŋ bärɔw kɛ kɛn duël Kuɔth da̱ŋ bärɔw.

Nyuuth 1:4

Jɔ̱ɔ̱n gɔ̱rɛ mɛmɛ duël Kuɔth da̱ŋ bärɔw tin te kä E-cia. A puɔ̱th kɛnɛ mal tekɛ yɛ, min bëë kä ram in te thi̱n, kä ci kɔŋ te thi̱n, kä bi ben. Min bä kä yiey da̱ŋ bärɔw tin te nhiam kɔam kuäärädɛ,

Nyuuth 1:8

“Ɛ ɣän ram min jio̱l kä ɛ ɣän ram min jɔak,” ruac ni Kuäär ni Kuoth, min te thi̱n, kä ci kɔŋ te thi̱n, kä bi ben, min Leny Buɔ̱mdɛ ti Diaal.

Nyuuth 10:4

Kä mëë ci ma̱a̱r da̱ŋ bärɔw ma̱r, cua jɛ dee gɔ̱r, kä duundɛ ɣöö cua jɔw liŋ nhial wëë i̱, “Dil min ca la̱r ji̱ ɛ ma̱a̱r da̱ŋ bärɔw, kä /cu jɛ gɔ̱r piny.”

Nyuuth 14:13

Kä cua jɔw mi bëë nhial liŋ, wee i̱, “Gɔ̱r mɛmɛ. A puɔ̱th tekɛ nɛy tin ci li̱w rɛy Kua̱r ni Kuoth a wee wä.” Laar Yiëë Kuɔth ɛ i̱, “Ɛpuc bikɛ tekɛ lɔ̱a̱ŋ kä lätkiɛn, kɛ ɣöö tin ci kɛn kɛ la̱t guɔ̱ɔ̱rkɛ kɛ!”

Nyuuth 19:9

Kä cu jääk nhial ɣä jiök i̱, “Gɔ̱r mɛmɛ. A puɔ̱th tekɛ nɛy tin ca cɔal guäth mi̱thni kuën Ruath Dɛ̈ɛ̈l.” Kä cuɛ ɣä jiök i̱, “Ti̱ti̱ kɛ rieet Kuɔth ti thuɔ̱ɔ̱k.”

Nyuuth 2:1

“Gɔ̱ri mɛmɛ jääk nhial in te dueel Kuɔth kä Ɛ-pɛ-thäth, ‘Ti̱ti̱ kɛ kɛn rieet raam in kääp kuɛl da̱ŋ bärɔw kɛ tet cuëëcdɛ, kä jäl kam cuuŋni lɛmbärni dääpä da̱ŋ bärɔw.

Nyuuth 2:12

“Kä gɔ̱ri nɛmɛ jääk nhial in te dueel Kuɔth kä Per-ga-mäm i̱, ‘Ti̱ti̱ kɛ rieet raam in te thɛp in moth kui̱ni da̱ŋ rɛw i̱,

Nyuuth 2:18

“Kä gɔ̱ri nɛmɛ jääk nhial in te dueel Kuɔth kä Thay-tay-ra i̱, ‘Ti̱ti̱ kɛ rieet Gatdä Kuɔth, min tekɛ wäŋ ti bo̱l ce̱tkɛ mac, kä ce̱t ciökɛ kɛ ciɛk in yian mi ca toth.

Nyuuth 2:24

Kä kɛ kui̱dun, yɛn nɛy tin te kä Thay-tay-ra tin /ka̱nɛ ŋi̱i̱c ɛ jiääk ɛmɛ guɔ̱ɔ̱r, yɛn /ka̱n nɛmɛ ŋa̱c min cɔɔl nɛy tin kɔ̱ŋ jɛ i̱ “pɛl Cɛy-tan,” ɣän cä lar ɛn ɣöö /cä yɛ bi lɛ moc riɛk dɔ̱diɛn.

Nyuuth 2:8

“Kä gɔ̱ri nɛmɛ jääk nhial in te dueel Kuɔth kä Thɛ-mer-na i̱, ‘Ti̱ti̱ kɛ rieet raam in jio̱l kä ram in jɔak, mëë ci li̱w kä ci rɔ nyɔk kɛ tëk i̱,

Nyuuth 21:5

Kä cu ram min nyuur wi̱i̱ kɔam kuäärä wee i̱, “Nɛnɛ, payä ŋɔaani diaal la̱t agɔaa.” Kä jɛn bä cuɛ wee i̱, “Gɔ̱r mɛmɛ, kɛ ɣöö rieet ti̱ti̱ kɛ thuɔ̱ɔ̱k kä dëë kɛ ŋäth.”

Nyuuth 22:10

Kä cuɛ ɣä jiök i̱, “/Cu rieet go̱o̱kä buɔk ɛmɛ tey kä naath, kɛ ɣöö ci gua̱a̱th thia̱k.

Nyuuth 22:16

“Ɛ ɣän, Yecu, ci jääkdä jäkä ji̱ mɔ kɛ ruac ɛmɛ kɛ kui̱ duëli Kuɔth. Ɛ ɣän cuut, kä ɛ ɣän kaar Dee-bid in la cier bakä.”

Nyuuth 3:1

“Kä gɔ̱ri mɛmɛ jääk nhial in te dueel Kuɔth kä Thar-dith i̱, ‘Ti̱ti̱ kɛ rieet raam min tekɛ yiey Kuɔth da̱ŋ bärɔw kɛnɛ kuɛl da̱ŋ bärɔw. “ ‘Ɣän ŋa̱cä lätkun, kä ŋa̱cä jɛ ɛn ɣöö te yɛn kɛ kɛ̈k teekä, kä cia li̱w.

Nyuuth 3:14

“Kä gɔ̱ri nɛmɛ jääk nhial in te dueel Kuɔth kä La-o-di-thia i̱, ‘Ti̱ti̱ kɛ rieet raam in cɔali Inɔnɔ, in la neen in thuɔ̱k kä ŋa̱thkɛ, min la tuk cäkä ŋɔaani tin ci Kuɔth kɛ cak.

Nyuuth 3:4

Ŋot nɛy ti tɔt kä Thar-dith ti /ken bieynikiɛn lɔth, bikɛ ja̱l kɛ bieyni ti bo̱o̱r kɛ ɣä kɛɛl, kɛ ɣöö gɔwkɛ.

Nyuuth 3:7

“Kä gɔ̱ri nɛmɛ jääk nhial in te dueel Kuɔth kä Pi-la-dɛl-pia i̱, ‘Ti̱ti̱ kɛ rieet raam in rɛl gɔɔydɛ rɔ, jɛn min la thuɔ̱k, kä tekɛ leep Dee-bid, mi lɛpɛ duɔ̱ɔ̱r thilɛ ram mi gääk jɛ, kä mi gääkɛ duɔ̱ɔ̱r thilɛ ram mi lɛp jɛ.