Nyuuth 1:1 - RUAC KUƆTH IN RƐL RƆ

¹ Nyuuth Yecu Kritho mëë ca ka̱m jɛ ɛ Kuoth kɛ ɣöö bɛ ja̱ŋdɛ nyuɔ̱th tin bi bi dhil ben kɛ gua̱a̱th mi tɔt. Kä cuɛ jɛ jakä ŋa̱ckɛ, mëë cɛ jääkdɛ jäkä ja̱ŋdɛ ni Jɔ̱ɔ̱n,

Nyuuth 1:1 Iomraidhean Croise

Diit 25:14

Kä Kuoth Nhial, ɛ määth nɛɛni tin luɔ̱thkɛ jɛ, kä la nyuthɛ kɛ mat ruacdɛ.

Bok Go̱kä ni Da-ni-yel 8:16

Kä cua̱ jɔw ran liŋ lotdä kiɛɛr Ulay cio̱tdɛ wëë i̱, “Gab-ri-yel, luäk wut ɛmɔ kɛ duɔ̱ɔ̱p mi bɛ ŋäc ni luɔt nyuuthä.”

Bok Go̱kä ni Da-ni-yel 9:21

Kä min palä cu jääk ni Gab-ri-yel ëë cä kɔŋ nɛn kɛ la̱k ben kä ɣä kɛ pɛ̈th kɛ gua̱a̱th thiaŋ in la thöpkɛ muc tin waŋkɛ.

Bok Go̱kä ni Da-ni-yel 9:23

Kɛ min tooki pal, cua ji̱ loc, ɣän ba̱a̱ kɛ ɣöö bä jɛ ben la̱r ji̱ kɛ ɣöö ji̱n ci nhök jek kä Kuoth. Kɛ kui̱ ɛmɔ car ruac, kä ŋäcni luɔt läkä.

A-mɔth 3:7

Ɛpuc, thilɛ mi dee Kuäär ni Kuoth Nhial ɛ la̱t, ɛ ni mi cɛ ca̱pdɛ kɔŋ nyuɔ̱th kuaanykɛ ni go̱o̱k.

Jɔ̱ɔ̱n 12:49

Kɛ ɣöö /cä lat ni ruacdä, ɛ jɛn Gua̱a̱r in la puɔ̱nydɛ mëë jäk ɣä, ci ɣä ka̱m ruac in bä latɔ, kɛnɛ min bä lar.

Jɔ̱ɔ̱n 15:15

/Cä bi ŋot kɛ mi cɔalä yɛ i̱ ‘la̱a̱tkä’, kɛ ɣöö kui̱c läät min lät kuäärɛ jɛ. Kä cä yɛ cɔl i̱ ‘mäthnikä’, kɛ ɣöö cä ŋɔaani diaal tëë cä liŋ kä Gua̱a̱r la̱t yɛ.

Jɔ̱ɔ̱n 17:8

kɛ ɣöö cäkɛ ka̱m ruaacni tëë ci ka̱m ɣä. Cikɛ kɛ nhɔk, kä cikɛ jɛ ŋa̱c kɛ thuɔ̱k ɛn ɣöö ba̱a̱ kä ji̱. Kä cikɛ jɛ ŋäth ɛn ɣöö ɛ ji̱n jäk ɣä mɔ.

Jɔ̱ɔ̱n 3:32

Jɛn latdɛ ruacdɛ kɛ min cɛ nɛn kä cɛ liŋ, kä thilɛ ram min ci nëndɛ nhɔk.

Jɔ̱ɔ̱n 8:26

Ɣän ta̱a̱ kɛ ti ŋuan ti bä lat kɛ kui̱dun, kä ta̱a̱ kɛ ti ŋuan ti bä yɛ kuɛth kɛ kui̱diɛn, kä ram ëë jäk ɣä ɛ thuɔ̱k, kä cä wi̱c muɔ̱ɔ̱n la̱t min cä liŋ kä jɛ.”

Ji̱ Röm 16:25

A puɔny tekɛ Kuoth! Jɛn tëë kɛ lua̱ŋ kɛ ɣöö bɛ yɛ jakä bum rɛy ŋäthädun ce̱tnikɛ thuk ti gɔw tëë cä la̱t yɛ kɛ kui̱ Yecu Kritho. Kä ce̱tkɛ thuɔ̱ɔ̱k tëë ca nyoth tëë /ca ŋäc ni wal kɛ run tëë ci wä.

Ji̱ Gä-lëë-cia 1:12

Kɛ ɣöö /cä jɛ jek kä raan, kä thilɛ ram mi ci ɣä ŋi̱eec kɛ jɛ, kä duundɛ ɣöö jëkä jɛ kɛ nyuuth kä Yecu Kritho.

Ji̱ Ɛ-pɛ-thäth 3:3

Kä cɛ ruacdɛ min cuäŋ naath jakä ŋa̱cä jɛ kɛ ɣöö cɛ nyuɔ̱th ɣä. Ɣän cä mi tɔt gɔ̱r kɛ kui̱dɛ.

Tay-täth 1:1

Ɛ ɣän Puɔl, läät Kuɔth kä jak Yecu Kritho, kɛ ɣöö bä ŋa̱th nɛɛni tin ci Kuoth kɛ kuany jakä bum, kä bäkɛ jakä ŋa̱c thuɔ̱k min lot rɔ kɛ ciaŋ Kuɔth.

Nyuuth 1:19

Kä täämɛ gɔ̱r min ci nɛn, min te thi̱n amäni min bi ben kɔɔr kä nɛmɛ.

Nyuuth 1:9

Ɣän dämuɔɔrun ni Jɔ̱ɔ̱n, min nyuak rik kɛ yɛ kɛnɛ kuäär amäni ruɔ̱t kä ti bɛ̈c bɛ̈ɛ̈c rɛy Yecu. Ɣän ca ɣä la̱th wi̱i̱ dhuulä mi cɔali Pɛ̈t-mɔth kɛ kui̱ ruac Kuɔth kɛnɛ nyuuth Yecu.

Nyuuth 17:1

Kä cu ram kɛl kä ja̱a̱k nhial da̱ŋ bärɔw tin tekɛ thääk da̱ŋ bärɔw ben, kä ɣä cuɛ wee i̱, “Bër, bä ji̱ ben nyuɔ̱th luk lerä in di̱i̱t in ci nyuur wi̱i̱ pi̱i̱ni ti ŋuan.

Nyuuth 19:10

Kä cua rɔ yuɔr piny ciöknikɛ kɛ ɣöö, bä jɛ pal, kä duundɛ ɣöö cuɛ ɣä jiök i̱, “/Cu mɔmɔ lät! Ɛ ɣän läät kɛ ji̱ kɛɛl yɛnɛ dämuɔɔri tin ka̱pkɛ ruac nenä Yecu. Pal ni Kuoth. Kɛ ɣöö ruac nenä min ci Yecu ɛ lat ɛ jɛn yiëë göökni.”

Nyuuth 19:9

Kä cu jääk nhial ɣä jiök i̱, “Gɔ̱r mɛmɛ. A puɔ̱th tekɛ nɛy tin ca cɔal guäth mi̱thni kuën Ruath Dɛ̈ɛ̈l.” Kä cuɛ ɣä jiök i̱, “Ti̱ti̱ kɛ rieet Kuɔth ti thuɔ̱ɔ̱k.”

Nyuuth 21:2

Kä cua wec Jɛ-ru-tha-lɛm in rɛl rɔ min pay la̱t nɛn, bëë piny nhial kä Kuoth a ca rialikä ce̱tkɛ kaw mi ci rɔ pik kɛ yio̱w kɛ kui̱ cɔaadɛ.

Nyuuth 21:9

Kä cu ram kɛl kä ja̱a̱k nhial da̱ŋ bärɔw tin tekɛ thääk da̱ŋ bärɔw ti ci thia̱ŋ kɛ liaw tin jɔak da̱ŋ bärɔw ben kä ɣä, wëë i̱, “Bër, bä ji̱ nyuɔ̱th kaw, in la ciek Ruath Dɛ̈ɛ̈l.”

Nyuuth 22:1

Kä cu jääk nhial ɣä nyuɔ̱th kir pi̱i̱ni teekä ti wi̱er wi̱eer ce̱tkɛ neen, mi bä lönydɛ kɔm Kuɔth kɛnɛ Ruath Dɛ̈ɛ̈l,

Nyuuth 22:16

“Ɛ ɣän, Yecu, ci jääkdä jäkä ji̱ mɔ kɛ ruac ɛmɛ kɛ kui̱ duëli Kuɔth. Ɛ ɣän cuut, kä ɛ ɣän kaar Dee-bid in la cier bakä.”

Nyuuth 22:6

Kä cu jääk nhial ɣä jiök i̱, “Kɛn rieet ti̱ti̱ ro̱ŋkɛ kɛ ŋa̱th, kä kɛ thuɔ̱ɔ̱k, kɛ ɣöö bi Kuäär ni Kuoth yieeni göökni jääk nhialɛ ja̱k kɛ ɣöö bɛ ja̱a̱ŋkɛ nyuɔ̱th min bi dhil tuɔɔk kɛ gua̱a̱th mi tɔt.”

Nyuuth 22:8

Ɛ ɣän, Jɔ̱ɔ̱n, ɛn min ci ŋɔaani ti̱ti̱ liŋ kä cä kɛ nɛn. Kä mëë cä kɛ liŋ kä cä kɛ nɛn, cua rɔ yuɔr piny ciökni jääkä nhial min nyuth kɛ ɣä kɛ ɣöö dëë jɛ pal.

Nyuuth 22:9

Kä duundɛ ɣöö cuɛ ɣä jiök i̱, “/Cu mɔmɔ la̱t! Ɛ ɣän läät kɛ ji̱ kɛɛl yɛnɛ dämuɔɔri tin la göök, amäni nɛy tin ka̱pkɛ rieet buɔk ɛmɛ. Pal ni Kuoth!”

Nyuuth 4:1

Kɛ kɔr kä mɛmɛ cua guic, kä nɛnɛ, te ciëŋ nhial kɛ thok mi ɣööŋ! Kä jɔw in jio̱l in cä liŋ ruacɛ kɛ ɣä ce̱tkɛ jɔw kaaŋä, wee i̱, “Bër nhial wanɛ mɛ, kä bä ji̱ nyuɔ̱th ŋɔaani tin bi dhil tuɔɔk kɛ kɔr kä mɛmɛ.”

Nyuuth 5:7

Kä cuɛ wä, cuɛ ko̱l gɔ̱rä ka̱n tetdä cuëëc raam in nyuur kɔam kuäärä.