Ŋi̱i̱c 9:2 - RUAC KUƆTH IN RƐL RƆ

² Kä nɛy diaal tekɛ kɛ guut kɛl, ram mi gua̱n cuŋni kɛnɛ gua̱n dueeri, mi gɔaa kiɛ mi jiääk, mi lɛy lɛy kɛnɛ mi /ci mɔ a lɛy lɛy, kä ram mi tho̱p muc kɛnɛ ram mi /ci muc tho̱p. Ta̱a̱ ɔ bi tekɛ jɛ mɔ kä ram mi gɔaa, bɛ tekɛ jɛ kä gua̱n dueeri. Kä min la tekɛ nɛy tin yackɛ rɔ, bɛ tekɛ nɛy tin la po̱c kɛ ya̱c.

Ŋi̱i̱c 9:2 Iomraidhean Croise

Tuk Cäkä Ɣɔaa 24:3

ala nyuuth ɛn ɣöö bi rɔ yac kɛ ciöt Kuoth Nhial min cak nhial kɛnɛ piny ɛn ɣöö /ci gatdä bi go̱r ciek rɛy nyieet ji̱ Kɛ-naan ti ciëŋä kɛɛl kɛ kɛ ti.

I-yob 9:22

Kɛ ɣöö päär kɛn diaal, ɛ jɛn cä cu wee, cɛ ram mi thil bɛ̈l kɛnɛ gua̱n dueeri däk kɛɛl.

Diit 73:3

Cua̱ tekɛ tiɛɛl kɛ ji̱ liakä mëë cä nɛy ti ji̱ nyuɔɔni nɛn gɔw ŋɔakiɛn.

Ŋi̱i̱c 2:26

Kɛ ɣöö la Kuoth ram in jak lɔcdɛ kä tɛth a moc ŋäc ŋɔaani kɛnɛ tiit lɔaac kɛ tɛ̈th lɔaac. Kä la mocɛ gua̱n dui̱rä la̱t ruuli kɛnɛ duɔ̱l riäŋä kɛ ɣöö bɛ jɛ ba̱ny ram mi tɛɛth lɔc Kuɔth. Ɛn nɔmɔ bä thilɛ jɛ luɔt, ɛ wuɔ̱ɔ̱r kɔr jiɔam.

Ŋi̱i̱c 3:19

Kɛ ɣöö riɛk nath ce̱tdɛ kɛ riɛk leeyni. Bi raan li̱w ce̱tnikɛ lia̱a̱ lɛ̱̈ɛ̱̈. Kɛ ɣöö te kɛn diaal kɛ yiëë ɔ kɛlɔ, thilɛ mi gɔaa kä raan mi lenyɛ ni ley. Kɛn diaal thilɛ kɛ luɔt.

Ŋi̱i̱c 6:6

Ɛn wut ɛmɔ a cäŋ bɛ tëk kɛ run ti bathdɔɔr ti kɔ̱ŋ kä /ci lɔcdɛ tɛth. Kɛn diaal wäkɛ ɛn guäthɔ kɛlɔ.

Ŋi̱i̱c 7:18

Gɔaa ɛ ɛn ɣöö bikɛ käp kɛn ti̱ti̱, kä /cu kɛl jak kä wä. Kɛ ɣöö ram mi luth Kuoth /ci ciɛŋ kɛ bi ba̱l kä ti diaal.

Ŋi̱i̱c 7:2

Gɔaa ni ɣöö wi̱i̱ dhɔr mi pär ji̱kɛ kä ɣöö wi̱i̱ dhɔr mi ŋar ji̱kɛ. Kɛ ɣöö lia̱a̱ ɛ jɛn guut nɛɛni diaal, kä ba jɛ tit ɛ nɛy tin tëk kɛ lɔcdiɛn.

Ŋi̱i̱c 9:11

Kä cä mi dɔ̱ŋ lɛni nɛn rɛy ɣɔaa. Ɛn ɣöö /ci kɛ nɛy tin pual puaal wuurä la naath a leny tɔ̱, kä /ci kɛ nɛy tin buɔ̱m buɔ̱ɔ̱m la ko̱r a tɛɛrɔ, kä /ci kɛ nɛy tin pɛl jekɛ mi̱eth tɔ̱, kä /ci kɛ nɛy tin ŋa̱ckɛ ŋɔak jek kɛ ria̱ŋ tɔ̱, kiɛ ji̱ tiitdä jek kɛ nhök tɔ̱. La cup ni gua̱a̱th duɔ̱ɔ̱rä kɛnɛ baŋ kä kɛn diaal.

Ŋi̱i̱c 9:3

Kä nɔmɔ ɛ duer kä tin diaal tin tuɔɔk ɛn rɛy ɣɔaa ɛ mi, ɛn ɣöö bi guut nɛɛni diaal a kɛl. Kä lo̱c nɛɛni diaal thiäŋkɛ kɛ jiäk, kä te yɔ̱ɔ̱ŋ lɔɔcdiɛn min ŋot kɛ teekä. Kä kɛ kɔrɛ bikɛ li̱w.

Bok Go̱kä ni Yir-mɛ-yaa 43:6

wutni, män, kɛ gaat kɛ ruëëc kɛ nɛy diaal tëë ci Nɛ-bu-dhar-dan bo̱o̱th ga̱a̱ŋni kɛ ba̱ny Gɛ-dɛ̈l-yaa gat Ä-ɣi-kam gat Ca-pan mäni gök ni Yir-mɛ-yaa kɛnɛ Ba-ruk gat Ne-ri-yaa.

Mɛ̈l 3:15

Kä täämɛ cɔalkɛ nɛy i̱ ji̱ liakä ti tɛth lɔcdiɛn. Kä nɛy tin la̱tkɛ jiäk /ci gɔw nikɛn kärɔ, mɔ cikɛ Kuoth ɣɔ̱nɔ lakɛn rɔ̱ cua̱ bar.’ ”

Mɛ̈l 3:18

Kä bia dääk lɛni nɛn bä kam raam mi tëë cuŋ kɛnɛ ram mi thil cuŋ, kɛnɛ kam raam mi ŋääth Kuoth kɛnɛ ram mi /ci Kuoth ŋäth.”

Mɛ̈l 3:5

“Inɔ bä cu ben rɛydun kɛ luk, kä kɛ pɛ̈th bä cua̱ neen ji̱ kolaaŋni kɛnɛ dhööm kɛ nɛy tin yackɛ rɔ̱ baaŋ, kɛ nɛy tin mackɛ naath kɛ kökdiɛn, kɛ män jɔɔkni, kɛ gaat ti rɛ̈tni kɛ jur, kɛ ɣöö /ca ɣä luth, ruac ni ɣän Kuoth Nhial in la Ruey Ɣɔaa.

1 Tham 14:26

Mëë cikɛ coth ruup. Cua tuaar jëk pën ni jɛn, kä cuɛ thil ram mi me̱t jɛ, kɛ ɣöö dualkɛ kɛ ya̱c.