Ŋi̱i̱c 8:11 - RUAC KUƆTH IN RƐL RƆ

¹¹ Kä mi /ka̱n jiäk ran mal lat, la lo̱c nath a thiäŋ kɛ ca̱r lätni ti jiäk.

Ŋi̱i̱c 8:11 Iomraidhean Croise

2 Tham 11:15

Ɛn rɛy warɛgakä cɛ gɔ̱r i̱, “Jäk ni U-ri-yaa nhiam ko̱o̱r mi ci leeth, kä kua rɔ yuɔ̱th jɔk kä a jɛ na̱kɛ.”

I-yob 24:23

Derɛ raan pa̱l tëk rɛy malä, duundɛ ɣöö guicɛ lätkɛ gua̱thni diaal.

Diit 10:4

Kä ji̱ dueeri la liakɛ ni rɔ̱, kä lökɛ Kuoth. Cärkiɛn diaal la latkɛ ni ɣöö thil ɣɔw Kuoth.

Diit 10:6

Kä ruackɛ kɛ lo̱ckiɛn wäkɛ i̱, “Kɔn /cakɔ bi pɛ̈ɛ̈n, kä /cakɔ bi tekɛ riɛk ni̱nikɔ rɛy ri̱cni diaal.”

Diit 86:15

Duundɛ ɣöö ɛ ji̱n Kuoth mi gɔaa kä tekɛ pälikä, Kuoth mi kuiy gakdɛ kä tekɛ nhök mi di̱i̱t mi thil pek kɛnɛ ŋa̱th.

Ɣöth 34:6

Kä cuɛ rët kɛ nhiam Muthɛ, kä köökɛ i̱, “Kuoth Nhial, ɛ Kuoth mi kɔ̱c lɔc, kä gɔaa lɔc, mi gua̱n dhi̱i̱lä, mi /ci nhökdɛ min thil pek kɛnɛ ciaŋ thuɔ̱ɔ̱knikɛ rɔ̱ wany.

Ɣöth 8:15

Mëë ci Pɛro ɛ nɛn i̱ ci riɛk wecdɛ wä raar, cu wi̱cdɛ rɔɔdɛ nyɔk kɛ buɔ̱m, /kenɛ ruacdiɛn liŋ ni kɛ mëë ci Kuoth Nhial ɛ dhil lar.

Ɣöth 8:32

Cu Pɛro lɔcdɛ lɛni buɔ̱m bä ɛn guäth ɛmɔ, kä /kenɛ naath nhök wä.

Ŋi̱i̱c 9:3

Kä nɔmɔ ɛ duer kä tin diaal tin tuɔɔk ɛn rɛy ɣɔaa ɛ mi, ɛn ɣöö bi guut nɛɛni diaal a kɛl. Kä lo̱c nɛɛni diaal thiäŋkɛ kɛ jiäk, kä te yɔ̱ɔ̱ŋ lɔɔcdiɛn min ŋot kɛ teekä. Kä kɛ kɔrɛ bikɛ li̱w.

I-ca-yaa 26:10

A cäŋ ca nɛy ti jiäk nyuɔ̱th gɔɔy, /cikɛ ciaaŋ cuŋni dëë ŋa̱c, ɛ cäŋ tekɛ muun cuŋni, la lät kɛn ni ti jiäk, kä /ca buɔ̱m Kuɔth Nhial ŋäc.

I-ca-yaa 57:11

Ɛŋa mi duali kɛ jɛ, mɔ lätdi ni ɣä kac ɔ, mɔ /ci ɣä tim ɔ, kä /ci ɣä car ɔ? Kä ciɛ ɣöö cä biɛt kɛ gua̱a̱th mi bäär, ɛ jɛn /keni ɣä luɔ̱th ɔ?

Bok Go̱kä ni Yir-mɛ-yaa 42:15

Kä ɛ jɛn kua ruac Kuɔth Nhial liŋ lö ka̱a̱n Juda. Kä mɛmɛ ɛ min ci Kuoth Nhial in la Ruey Ɣɔaa ni Kuoth I-thɛ-rɛl ɛ lar wëë i̱, ‘Mi bi yɛn wä kä I-jëp, a bia wä cieŋ ɛn wi̱ni,

Bok Go̱kä ni Yir-mɛ-yaa 48:11

“/Ken Mo-ab met tekɛ riɛk ni kuɛɛkädɛ, ce̱tdɛ nikɛ kɔaŋ mi ci nyuur, /kenɛ met jiɛɛn guäthdɛ a bɛ wä guäth pecä. Kä /ka̱nkɛ met naŋ pecä. Kä ɛ jɛn ŋot gɔɔydɛ ni thi̱n ɔ, kä /ken ta̱a̱dɛ rɔ gɛr.