11 Pɛl ɛ mi dëë ba̱ny raan, gɔaaɛ. luäkɛ nɛy tin ŋot teekä.
“Kä ɛ wɛ̱̈ɛ̱̈nith dëë pɛl jek thi̱n ɔ? Kä ɛn ŋäc ŋɔaani kuɛ lɛ te nikä?
Kä ŋuɔ̱tku gɔw ni kɛn, kä da̱a̱p kɛnɛ ciɛk in bo̱r ti bathdɔɔr.
Kä ria̱ŋ raam mi ŋäc ŋɔak ɛ pɛlɛ, kä ram mi dɔ̱a̱r ɛni dɔ̱a̱r.
Kɛ ɣöö gɔaa ni min jekɛ kä ŋäc ŋɔaani kä min derɛ jek kä ciɛk in bo̱r, kɛnɛ min derɛ jekɛ kä da̱a̱p.
Kä gɔaa ni ŋäc ŋɔaani kä päm mi di̱t kökdɛ, kä thilɛ mi deri nhɔk mi dee ca̱a̱t kɛ ŋäc ŋɔaani.
Buay gɔaaɛ, lotdɛ rɔ ɛn ɣöö dee raan te rɛy buɔyä.
Kä cua̱ jek ni ɣöö gɔaa ni ŋäc kä dɔ̱ɔ̱r, ce̱tkɛ min gɔaa ni buay kä muth.
Kä /cu wee i̱, “Ɛŋu gɔw ni ni̱n tëë kɔn, kä ni̱n ti̱ti̱ ɔ?” Kɛ ɣöö /cɛ gɔaa ɛn ɣöö deri thiec inɔ.