Ŋi̱i̱c 5:6 - RUAC KUƆTH IN RƐL RƆ

⁶ A thokdu /ci ji̱ naŋ dui̱rä kä /cu jɛ lat nhiam jääkä Kuɔth ɛn ɣöö ya̱cdu ci lot ni jɛ. Cu Kuoth jak kä gak kɛ ji̱ a bɛ lätku tin ci la̱t riaw.

Ŋi̱i̱c 5:6 Iomraidhean Croise

Tuk Cäkä Ɣɔaa 48:16

Kä akɛ puɔthkɛ ɛ jääk Kuɔth Nhial ëë ci ɣä kän rɛy rikni diaal kɛ ɣöö dëë kɛ ciöl ɣä kɔnɛ gua̱a̱ri ni A-bɛ-ram kɛnɛ Ay-dhɛk, kä a thuk duëlikiɛn rëpkɛ rɔ̱ wi̱i̱ muɔ̱ɔ̱n.”

Ruac Pɛli 23:17

A lɔcdu /ci go̱r ni ji̱ dueeri, luthni ni Kuoth Nhial ni ciaŋ.

Ŋi̱i̱c 10:12

Ruac nɛɛni ti pɛl no̱ŋkɛ kɛ nhök, ku ruac nɛɛni ti dɔ̱a̱r kɛ lɛ näk.

Ŋi̱i̱c 3:14

Kä ŋa̱cä jɛ ɛn ɣöö mi ci Kuoth ɛ la̱t, bɛ te thi̱n amäni cäŋ kɛl. Thilɛ mi ba mat thi̱n, kä thilɛ mi ba woc thi̱n. Lät Kuoth nɔmɔ kɛ ɣöö ba jɛ luɔ̱th ɛ naath.

Liib 4:2

“Jio̱kni ji̱ I-thɛ-rɛl. Ɛn ɣöö mi wä raan ŋutdä wä töl kɛ guäc a jɛ lät ti̱ti̱.

Liib 4:22

“Kä mi ɛ rueec ci ŋuɔ̱tdä kɛl tölɔ kɛ guäc, cɛ duer.

Mɛ̈l 2:7

Kä dee bo̱o̱th palä lat ni ŋäc, kä dee naath ruac thiec kä jɛ, kɛ ɣöö ɛ jääk Kuɔth Nhial in la Ruey Ɣɔaa.

Mɛ̈l 3:1

“Kä nɛ̈nɛ jɛ, ɣän cä jääkdä ja̱k kɛ ɣöö bɛ duɔ̱ɔ̱p wä rialikä nhiamdä. Kä kuäär in go̱rɛ bɛ rɔ pär kɛ ben rɛy luaakdɛ, ɛn jääk in nhɔakɛ, jɛn a bëëni, ruac ni ɣän Kuoth Nhial in la Ruey Ɣɔaa.

Kuen 15:25

Kä bi bo̱o̱th palä ji̱ I-thɛ-rɛl diaal luɛl kä ba kɛ cu pälikä, kɛ ɣöö ɛ duer mi /ca lot ni jɛ, kä bikɛ mucdiɛn nööŋ. Kä ba wa̱ŋ Kuoth Nhial, kɛnɛ muc dui̱rädiɛn, kɛ ɣöö cikɛ duer.

1 Kor 11:10

Kɛ kui̱c ɛmɔ gɔaaɛ ɛn ɣöö dee ciek wi̱cdɛ kum mi la nyuuth bumä kɛ kui̱ jaakni nhial.

1 Tim 5:21

Kä ɣän nhiam Kuɔth kɛnɛ Kritho Yecu, kɛ ja̱a̱k nhial tin ca mɛk jiökä ji̱ ɛn ɣöö bi ti̱ti̱ la̱t a thil ram mi nyuthi nhökdu kä kɛ.

Ji̱ Ɣi-bɛ-ru 1:14

Kä /ci ja̱a̱k diaal a yiey ti la̱tkɛ Kuoth ikä kä ja̱kɛ kɛ, kɛ kui̱ lua̱k nɛɛni tin ba ka̱n jek?

Je-mɛth 1:26

Kä mi caar raan ɛn ɣöö ɛ gua̱n ŋäthä, kä /cɛ thokdɛ yien, mɛɛtdɛ ni rɔ. Ɛn ciaŋ ŋäthädɛ thilɛ jɛ luɔt.

Je-mɛth 3:2

Kɛ ɣöö kɔn diaal la̱tnɛ dueer ti ŋuan. Kɛ ɣöö nɛy diaal tin /ca duer lät rɛy ruacdiɛn kɛ kɛn nɛy ti gɔaa a thil diw, kä tekɛ kɛ lua̱ŋ kɛ yiën pua̱nydiɛn kɛɛliw.

2 Jɔ̱ɔ̱n 1:8

Niɛkɛ rɔ, kɛ ɣöö /ci tin cia la̱t bi bath, kä duundɛ ɣöö bia jek ni muc mi gɔaa kɛɛliw.