Ŋi̱i̱c 5:11 - RUAC KUƆTH IN RƐL RƆ

¹¹ Kä mɔ ci ŋɔak ŋuan, la ŋuan nɛy tin camkɛ kɛ. Kä min jek gua̱ndiɛn ɛ, ɛ kɛ̈k kä ɣöö tëë kɛ ti ŋuan.

Ŋi̱i̱c 5:11 Iomraidhean Croise

Tuk Cäkä Ɣɔaa 12:16

Kä cu Pɛro Ab-ram ciɛŋ ni gɔaa kɛ kui̱dɛ. Kä cuɛ rɔ jëk det kɛnɛ ɣɔ̱k kɛ tut muɔ̱li kɛ kuaany wutni kɛnɛ män kɛ ŋut muɔ̱li kɛnɛ thɔ̱a̱rɔa̱a̱li.

Tuk Cäkä Ɣɔaa 13:2

Kä jɛn Ab-ram tëë kɛ det ti ŋuan, kɛ ɣɔ̱k amäni ciɛk in bo̱r kɛnɛ da̱a̱p.

Ruac Pɛli 23:5

Kɛn yio̱w dëë kɛ riaw mi wi̱i̱ lɔcdu la̱th thi̱n, dëë kɛ rɔ̱ bar ce̱tkɛ mi tekɛ kɛ gɔ̱k ce̱tkɛ cuɔɔr.

Ŋi̱i̱c 11:9

A lɔcdu tɛth ŋuɛɛtädu lö ŋuɛ̈t. Kä guuri ni min go̱o̱r lɔcdu jɛ kä guic waŋdu jɛ. Kä ŋäc ni jɛ ɛn ɣöö kä kɛn ti diaal ti̱ti̱ bi Kuoth ji̱ luk kɛ kɛ.

Ŋi̱i̱c 2:9

Kä cua̱ rɔ jek di̱t ni ɣän kä nɛy diaal tin cieŋ kä Jɛ-ru-tha-lɛm. Kä cu ŋäc ŋɔaanidä ŋot thi̱n kɛ ɣä kɛɛl.

Ŋi̱i̱c 5:12

Com ni ni̱en raam mi läät, a cäŋ cɛ cam ni mi tɔt kiɛ mi di̱i̱t. Kä ŋuan ŋɔaani raam mi riäŋ riäŋ, la pën kɛ jɛ ni̱en.

Ŋi̱i̱c 6:9

Gɔaa ni guec waŋ kä ram mi go̱o̱r ŋɔak ti/cɛ jek. Kä ɛn nɔmɔ thilɛ jɛ luɔt, ɛ wuɔ̱ɔ̱r kɔɔr jiɔam.

Bok Go̱kä ni Yir-mɛ-yaa 17:11

Kä ram mi jek ria̱ŋ kɛ duɔ̱ɔ̱p mi duer, ce̱tdɛ nikɛ dit mi kuɛm toŋ ti /ci tɔ̱a̱ toŋkɛ, kɛ där ni̱ni teekädɛ bikɛ jiɛn kä jɛ, kä kɛ thuɔ̱kdɛ bɛ jɔɔc ɛn ɣöö ɛ dɔ̱a̱r.

Bok Go̱kä ni Ɣä-bɛ̈-kuk 2:13

Kä /ciɛ Kuoth Nhial in la Ruey Ɣɔaa in leny buɔ̱mdɛ ti diaal laar jɛ mɔ ɛn ɣöö, min ca la̱t ɛ naath ɛ duŋ maac, kä min cuuc döör rɔ̱ kɛ jɛ ɛ baŋ?

1 Jɔ̱ɔ̱n 2:16

Kɛ ɣöö ti diaal tin te rɛy ɣɔaa kɛ kɛn tin go̱o̱r puɔ̱nykɛ, kɛ ti go̱o̱r waŋ kɛ, kɛ kɛn tin liak naath rɔ̱ kɛ kɛ, bäkɛ kä ɣɔw ɛmɛ, /cikɛ bä kä Gua̱a̱r in te nhial.