Ŋi̱i̱c 5:10 - RUAC KUƆTH IN RƐL RƆ

¹⁰ Kä ram nhɔk yio̱w /cɛ bi ro̱ŋ kɛ kɛ. Kä ram nhɔk ria̱ŋ /cɛ jɛ bi jek. Kä ɛn nɔmɔ bä thilɛ jɛ luɔt.

Ŋi̱i̱c 5:10 Iomraidhean Croise

Diit 52:1

Ɛŋu mi liaki rɔ lö ram mi bum, ɛ kac in lat, kɛ kui̱ gɔɔyä Kuɔth?

Diit 52:7

“Guɛcɛ ram mëë lo̱k ɣöö bi gääŋdɛ a Kuoth, mëë ŋääth ni kuakɛ ti ŋuan, kä cuɛ go̱r ni ria̱ŋ kɛ däk nɛɛni tin kɔ̱ŋ.”

Diit 62:10

Ji̱n /cu ŋäth ni kar, kä /cu rɔ liak kɛ tin kualkɛ, cäŋ ci ria̱ŋ jek, /cu lɔcdu läth thi̱n.

Ŋi̱i̱c 1:17

Kä cua̱ jɛ lɛ go̱r ɛn ɣöö bä ŋäc ŋɔaani kɛnɛ pɛl kɛ yɔ̱ɔ̱ŋ kɛ dɔ̱ɔ̱r lɛni ŋa̱c. Kä cua̱ jɛ lɛni jek ɛ wuɔ̱ɔ̱r kɔɔr jiɔam.

Ŋi̱i̱c 1:8

Ti diaal nööŋkɛ cuɔ̱c, a /ci raan kɛ dee luäŋ kɛ lat. /Ci waŋ ran thieŋ kɛ guec, kä /ci ji̱th ran thieŋ kɛ lieŋ.

Ŋi̱i̱c 2:10

Kä tin diaal tin göörä, cä kɛ jek. Kä cua̱ tekɛ tɛ̈th lɔaac, kɛ ɣöö ci lɔcdä tɛɛth kɛ tin diaal tin cä la̱t, kä kɛn ti̱ti̱ kɛ kɛn tin cä jek kä läk kä diaal.

Ŋi̱i̱c 2:11

Kä min guɛcä tin diaal tin cä la̱t kɛ tetkä kɛnɛ la̱t in cä luäŋ. Cu kɛn diaal thil luɔt, cua ni wuɔ̱ɔ̱r kɔɔr jiɔam. Thilɛ mi dëë jek rɛy ɣɔaa.

Ŋi̱i̱c 2:26

Kɛ ɣöö la Kuoth ram in jak lɔcdɛ kä tɛth a moc ŋäc ŋɔaani kɛnɛ tiit lɔaac kɛ tɛ̈th lɔaac. Kä la mocɛ gua̱n dui̱rä la̱t ruuli kɛnɛ duɔ̱l riäŋä kɛ ɣöö bɛ jɛ ba̱ny ram mi tɛɛth lɔc Kuɔth. Ɛn nɔmɔ bä thilɛ jɛ luɔt, ɛ wuɔ̱ɔ̱r kɔr jiɔam.

Ŋi̱i̱c 3:19

Kɛ ɣöö riɛk nath ce̱tdɛ kɛ riɛk leeyni. Bi raan li̱w ce̱tnikɛ lia̱a̱ lɛ̱̈ɛ̱̈. Kɛ ɣöö te kɛn diaal kɛ yiëë ɔ kɛlɔ, thilɛ mi gɔaa kä raan mi lenyɛ ni ley. Kɛn diaal thilɛ kɛ luɔt.

Ŋi̱i̱c 4:16

Cäŋ ŋuan nɛy tin ruaacɛ a thilɛ kɛ pek. Ŋotdɛ bä nɛy tin bi lɔ̱ɔ̱ ben kɔɔrɛ /ci lo̱ckiɛn bi tɛɛth kɛ jɛ. Kɛ thuɔ̱k ɛn nɔmɔ bä thilɛ jɛ luɔt, ɛ wuɔ̱ɔ̱r kɔɔr jiɔam.

Ŋi̱i̱c 4:4

Kä cua̱ jɛ nɛn bä ɛn min la lät kɛ raan ɛlɔ̱ŋ, ɛ nyiɛth gua̱n thieekädɛ. Kä nɔmɔ bä thilɛ jɛ luɔt, ɛ wuɔ̱ɔ̱r kɔr jiɔam.

Ŋi̱i̱c 4:8

Cua̱ ram mi thil raan nɛn, jɛn thilɛ jɛ gat kiɛ däman. Kä ŋotdɛ thilɛ la̱tdɛ pek, kä /kenɛ ro̱ŋ kɛ ria̱ŋ in tekɛ jɛ, kä /kenɛ thiec i̱, “Ɛŋa mi la̱tdä ikä mɔ pënä rɔ tɛ̈th lɔaacɔ?” Ɛn nɔmɔ bä thilɛ jɛ luɔt, kä ɛ la̱t mi /ci gɔaa.

Ŋi̱i̱c 5:9

Kä te kuay muɔ̱ɔ̱n kɛ kɛ. Kä ku kuäär ŋɔak lɛ jek rɛy ka̱a̱kni.

Ŋi̱i̱c 6:7

Lät ran diaal lätdɛ kɛ kɛ ɣöö bɛ kɛ cam, kä ŋotdɛ /cɛ ni ro̱ŋ.

Mɛ̈t 6:19

“/Cuarɛ rɔ̱ dul nyin riäŋä tin nhɔakɛ wi̱i̱ muɔ̱ɔ̱n, kɛ ɣöö ɛ jɛn gua̱a̱th in camkɛ ŋɔaani thi̱n ɛ tor kɛnɛ kɛ̈th, kä to̱l kuëël duël kä kualkɛ ŋɔaani.

Mɛ̈t 6:24

“Thilɛ ram mi dee kua̱r da̱ŋ rɛw latdi kä, bɛ kɛl nyir, kä bɛ min dɔ̱diɛn nhɔk, kiɛ bɛ lɔcdɛ kɛɛliw ka̱m kɛl, kä bɛ min dɔ̱diɛn cany. Yɛn /cia Kuoth kɛnɛ ria̱ŋ dee latdi kä.”

Luk 12:15

Kä cu Yecu naath jiök i̱, “Tiɛtdɛ rɔ̱ kä gaŋɛ rɔ̱ agɔaa kɛ nyin di̱tdä lɔaac diaal kɛ ɣöö /ci tëk ran a pek ŋɔaani ti ŋuan tin tekɛ jɛ.”

1 Tim 6:10

Kä nhök yio̱o̱ni ɛ jɛn tuk jiäkni diaal. Kä kɛ göriɛn kɛ göriɛn kɛ ria̱ŋ, cu tha̱a̱ŋkiɛn ciɛc raar rɛy ŋäthä, cikɛ nöŋ ni tɔ̱ bɛ̈c bɛ̈ɛ̈c ti ŋuan.