Ŋi̱i̱c 4:1 - RUAC KUƆTH IN RƐL RƆ

¹ Kä min cä rɔ nyɔk kɛ guec, cua̱ ciaŋ yiöŋ in la̱tkɛ rɛy ɣɔaa nɛn. Kä cua̱ nɛy tin yiɔaŋkɛ nɛn wieekɛ kä thilɛ ram mi luäk kɛ! Kɛ ɣöö te buɔ̱m kui̱ nɛɛni tin yiɔaŋkɛ kɛ, kä thilɛ ram mi luäk kɛ.

Ŋi̱i̱c 4:1 Iomraidhean Croise

I-yob 16:4

Ɣän bä dëë ruac ce̱tkɛ yɛ mi ku yɛn lɛ te guäthdä. Dëë yɛ la̱t ruac mi jiääk, a dëë wi̱cdä a ti̱eŋä yɛ.

I-yob 35:9

“La wiee naath kɛ ciaŋ mi jiääk, kä la kɛn luäk go̱o̱r.

I-yob 6:29

A ji̱ kua̱ ka̱p cuɔ̱ŋ, /cu lɛ wä ɛlɔ̱ŋ, cu ɣä bɛl ta̱a̱ kɛ cuɔ̱ɔ̱ŋ.

I-yob 9:24

Mi te ɣɔw tetdä raam mi gua̱n dueeri, la bathɛ kua̱r luɔ̱ɔ̱kni. Kä mi /ci jɛ lät Kuoth, ɛŋa ku jɛ lɛ la̱t ɔ?

Diit 12:5

Cu Kuoth Nhial ruac wëë i̱, “Kä kɛ kui̱ ciɛɛŋä mi jiääk kɛ nɛy tin thil lua̱ŋ, kɛnɛ lul cani, ɛn täämɛ, ɣän bä ben, bäkɛ ben gaŋ kä nɛy tin yakɛ kɛ.”

Diit 142:4

Kä min cä pek cuëëcdä liɛc, thilɛ ram kɛl mi diɛɛr kɛ kui̱dä. Thilɛ ɣä gua̱a̱th känä, thilɛ ram mi diɛɛr kɛ tëkdä.

Diit 142:5

Ɣän cɔalä ni ji̱ lö Kuoth Nhial. Cua̱ wee i̱, “Ɛ ji̱n luääkdä, kä göörä ni ji̱ rɛy teekä nɛmɛ.”

Diit 42:3

Ci merkä ce̱tnikɛ mi̱eth kä ɣä kɛ wäär kɛnɛ cäŋ däär, la naath ɣä cua̱ thiec ni ciaŋ wäkɛ i̱, “Kä Kuothdu anikä?”

Diit 42:9

Kä cua̱ gääŋdä ni Kuoth jiök i̱, “Ɛŋu mɔ ci ɣä pa̱l ruëëc ɔ? Kä ɛŋu mɔ ja̱lä kɛ wiee ɔ mɔ yɔŋ gua̱n tɛ̈r ɣä mɔ?”

Diit 69:20

Kuethni cɛ lɔcdä ŋuɔk ni piny, a cɛ ɣä cu jak kä can. Ɣän cua̱ go̱r kɛ ram mi com ɣä kä cuɛ thil raan, Kä cua̱ go̱r kɛ ram mi buum ɣä, kä cuɛ thil raan.

Diit 69:21

La kɛn a käm ni ɣä lueŋ i̱ mɔ mi̱eth, kä la ka̱mkɛ ni ɣä mi kɛc kɛc mi ci rɛw ɣä näk.

Diit 80:5

Ci mi̱eeth ni nɛɛku kɛ mi̱eth wi̱i̱kä, kä ci ma̱a̱thnikɛ kɛ mer jiɛthä lɔaac.

Ɣöth 1:16

“Mi wiaa män ji̱ Ɣi-bɛ-ru la gamɛ, kä bia kɛ nɛn dapkɛ ni dhɔɔl, mi wa dhɔl na̱kɛ jɛ kä mi wa nyal pa̱lɛ jɛ.”

Ɣöth 1:22

Cu pɛro nɛɛkɛ diaal cu gok, kä cuɛ kɛ jiök i̱, “Yɛn bia dho̱li dhɔɔli diaal tin ba di̱eth ɛ ji̱ Ɣi-bɛ-ru yuɔr kiir kä bia dho̱li nyieet diaal päl a tëk.”

Ruac Pɛli 19:7

Kä ram mi can lökɛ jɛ ɛ gaat man diaal, kä dee mäthnikɛ kulɛ te i̱di! La ɣɔ̱nɛ kɛ kɛ ruac kä /cɛ kɛ jek.

Ruac Pɛli 28:3

Rueec mi ciɛŋ can a jiäk, ce̱tdɛ kɛ nhiaal kuɔny in la bɛl a näk.

Ruac Pɛli 29:2

Mi ruec ni ram mi gɔaa, la lo̱c nath a tɛth. kä mi ruec ni ram mi jiääk la naath a wiee.

Ŋi̱i̱c 3:16

Kä cua̱ mi dɔ̱ŋ lɛ nɛn bä rɛy ɣɔaa, cua̱ ji̱ dueeri nɛn guäth luɔ̱k, kä cua̱ kɛ nɛn bä guäth cuŋni.

Ŋi̱i̱c 5:8

/Cu ga̱a̱c mi wi̱i̱ can wä nɛn yɔaŋkɛ jɛ rɛy wec, mi wa thuɔ̱k kɛnɛ cuŋkɛ gak. Kɛ ɣöö gaŋ kɛ bo̱o̱th ɛ bo̱o̱th mi di̱t ni jɛn, kä ŋotdɛ te bööth ti di̱t ni kɛn wi̱i̱diɛn.

Ŋi̱i̱c 7:7

Ciaŋ jiääk jakɛ ram mi pɛl kä dɔ̱a̱r, kä kök yärɛ ciaŋ ran.

Ŋi̱i̱c 8:9

Kä cua ti̱ti̱ diaal nɛn mëë cä tin tuɔɔk rɛy ɣɔaa ɛ mi car, ɛn ɣöö nɛy tin tekɛ buɔ̱m cuɔ̱ckɛ nɛy tin te pinydiɛn.

I-ca-yaa 5:7

Kä ɛn kak wal kɛ kui̱ kɔaŋ Kuɔth Nhial in la Ruey Ɣɔaa ɛmɔ, ɛ dhɔr ji̱ I-thɛ-rɛl. Kä ji̱ Juda kɛ dɛy jiɛn tin gɔw tin cɛ pith. Kä jɛn guicɛ ni thuɔ̱k thi̱n, duundɛ ɣöö cuɛ nɛn ni näk nath. Kä derɛ jek ni cuɔ̱ɔ̱ŋ thi̱n, cuɛ kulɛ liŋ ni lul.

I-ca-yaa 51:23

Bä la̱th ni jɛ tetni nɛɛni tin gak kɛ ji̱, tin jiökɛ ji̱ i̱, ‘Goŋ rɔ bakɔ ja̱l jɔɔkdu’. Kä curi jɔkdu jak kä ce̱tkɛ piny, cuɛ ce̱tnikɛ duɔ̱ɔ̱p kä kɛ ja̱lkɛ jɛ.”

I-ca-yaa 59:7

La kɛn a ban ni mi jiääk, la kɛn cua̱ pɛ̈th kɛ wuth riɛm raam mi thil duer piny, cärkiɛn kɛ cär ti jiäk, kä dupkiɛn te ni da̱k thi̱n.

Bok Go̱kä ni Yir-mɛ-yaa 16:7

Kä thilɛ ram mi bi nɛy tin parkɛ kɛ nöŋ mi̱eth mi buumɛ ni kɛ. Kä thilɛ ram mi bi gua̱n raam mi ci li̱w kɛnɛ man moc kɔaŋ mi ba math kɛ kui̱ bumädiɛn.

Jiɛth 1:16

“Kɛ kui̱c ɛmɔ cua̱ wiee, a bi wäŋkä thia̱ŋ kɛ mer. Kɛ ɣöö thilɛ ram mi thia̱k, mi dee lɔcdä jak kä gɔaa, mi dee ɣä com kɛ ɣöö dëë buɔ̱m. Ci gaatkä ria̱r kɛ ɣöö ca ɣä puɔ̱t ɛ gua̱n tɛ̈r.”

Jiɛth 1:17

Dha-yɔn cɛ tetkɛ riny, duuŋdɛ ɣöö cuɛ thil ram mi cu jɛ luäk. Kɛ ɣöö ci Kuoth Nhial jɛ lar ɛn ɣöö bi ji̱ thieekä Je-kɔb a ji̱ tɛ̈rɛ. Cu Jɛ-ru-tha-lɛm a mi jiääk rɛydiɛn.

Jiɛth 1:2

Cɛ wiee ɛlɔ̱ŋ kɛ wäär, a te mer ni waaŋdɛ. Kä thilɛ ram mi ci lɔcdɛ jak kä tɛth rɛy mäthnikɛ. Ca kɔak ni jɛ ɛ mäthnikɛ diaal, kä ci ka ji̱ tɛ̈rɛ.

Jiɛth 1:9

Kä cua jiääkdɛ nɛn, kä /kenɛ ca̱r kɛ kui̱ däkädɛ. Kɛ kui̱c ɛmɔ cuɛ da̱k ɛlɔ̱ŋ, kä thilɛ ram mi dee lɔcdɛ jak kä gɔaa. “Ɣa Kuoth Nhial nɛn riɛkdä, kɛ ɣöö ci ji̱ tɛ̈rä ɣä joc!”

A-mɔth 3:10

Lar Kuoth Nhial ɛ i̱, “Kɛn kuɛ̱ckɛ la̱t cuŋni, kɛn nɛy ti̱n ca ti̱eckiɛn ti̱n di̱t pik kɛ pɛ̈c kɛnɛ ti̱n mackɛ.”

A-mɔth 3:9

A liɛŋkɛ ɛ ji̱ ti̱ecni Ac-dod, kɛnɛ ji̱ ti̱ecni rööl I-jëp, kä jiökɛ kɛ i̱, “Ruɔlɛ rɔ̱ guäth kɛl päämni Tha-mɛ-ria. Kä bia nɛ̈nɛ rɔal mi di̱i̱t rɛydɛ, kɛnɛ nɛy ti̱n ca yɔŋ thi̱n.”

Mɛ̈l 2:13

Kä bi nɛmɛ nyɔk kɛ lätni. Bi yi̱k Kuɔth Nhial kum kɛ mer. Kä bi wiee kɛ ɣöö /cɛ mucku bi nhɔk tetkädu.

Mɛ̈l 3:18

Kä bia dääk lɛni nɛn bä kam raam mi tëë cuŋ kɛnɛ ram mi thil cuŋ, kɛnɛ kam raam mi ŋääth Kuoth kɛnɛ ram mi /ci Kuoth ŋäth.”

Mɛ̈l 3:5

“Inɔ bä cu ben rɛydun kɛ luk, kä kɛ pɛ̈th bä cua̱ neen ji̱ kolaaŋni kɛnɛ dhööm kɛ nɛy tin yackɛ rɔ̱ baaŋ, kɛ nɛy tin mackɛ naath kɛ kökdiɛn, kɛ män jɔɔkni, kɛ gaat ti rɛ̈tni kɛ jur, kɛ ɣöö /ca ɣä luth, ruac ni ɣän Kuoth Nhial in la Ruey Ɣɔaa.

Mɛ̈t 26:56

Kä ci ti̱ti̱ diaal tuɔɔk kɛ ɣöö bi ruaacni Kuɔth tëë ca lat ɛ göök a thuɔ̱k.” Kä cu ji̱ kɔaarɛ diaal ɛ ba̱ny piny kä cukɛ puɔ̱t.

Ŋuɔ̱t 28:33

Kä bi dör kɔ̱kiɛn ti kui̱c yɛn kɛ bɛl muɔ̱ɔ̱ndun tin cia la̱t cam. Ni ciaŋ ba ciɛŋ ni yɛ a jiäk kä ba näk ni yɛ.

Ŋuɔ̱t 28:48

kɛ kui̱ ɛmɔ, bia lät ni ji̱ tɛ̈runikä tin bi Kuoth Nhial kɛ nöŋ yɛ. Rɛy buath kɛnɛ rɛw kɛ görkä ti diaal. Kä bɛ moc riɛk mi di̱i̱t, amäni cia li̱w.

Je-mɛth 5:4

Nɛ̈nɛ jɛ, kök la̱a̱tni tëë ci lät rɛy ka̱a̱knikun /ken yɛnkɛ ka̱mkɛ wieekɛ, kä wiee la̱a̱tni tɔ̱tɔ̱ ca liŋ ɛ Kuäär in la Ruey Ɣɔaa.

Ruëëc 4:3

Ɛ jɛn cu ji̱ I-thɛ-rɛl wiee nhiam Kuɔth Nhial görkɛ luäk. Kɛ ɣöö te kuäär ɛ mɔ kɛ thurbiɛɛli ko̱o̱r ti kur bäŋuan, cuɛ ji̱ I-thɛ-rɛl ciɛŋ a bɛc kɛ run ti jiɛn da̱ŋ rɛw.