Ŋi̱i̱c 3:6 - RUAC KUƆTH IN RƐL RƆ

⁶ Tëë kɛ gua̱a̱th kɛ jek duɔ̱ɔ̱rä, kɛ gua̱a̱th kɛ ba̱thdɛ. Tëë kɛ gua̱a̱th kɛ ti̱et duɔ̱ɔ̱rä, kɛ gua̱a̱th kɛ yiäkdɛ.

Ŋi̱i̱c 3:6 Iomraidhean Croise

Tuk Cäkä Ɣɔaa 31:18

kä ɣo̱o̱thɛ detkɛ kɛnɛ ŋɔakɛ diaal tëë cɛ jëk rɔ kä Pa-dan-a-ram, cuɛ jiɛɛn locɛ kä gua̱n ni Ay-dhɛk kä Kɛ-naan.

2 Kua̱r 5:26

Kä duundɛ ɣöö cu Ɛ-li-cä jɛ jiök i̱, “Ɛ ji̱n i̱ /ka̱nɛ wä kɛɛl kɛ yiëë min ci Naa-man rɔ ri̱t thurbiɛɛlɛ min ro̱mɛ kɛ ji̱? Ɛ gua̱a̱th mi dëë nhɔk yio̱w kɛnɛ bieyni, kiɛ liɛɛth kiɛ det kɛnɛ ɣɔ̱k, kiɛ la̱a̱t?

2 Kua̱r 7:15

Kä cukɛ wä kɔɔriɛn nikä Jɔr-dɛn. Kä nɛnɛ duɔ̱ɔ̱p kɛɛliw cukɛ jɛ jek a cɛ thia̱a̱ŋ kɛ bieyni kɛnɛ kuak tin ca yäk ɛ ji̱ Thi-ri-ya min pɛ̈th kɛ. Kä cukɛ luny jɔk cua ben la̱r kuäär.

2 Kua̱r 8:9

Kä cu Ɣä-dha-el wä jëk kɛ jɛ, kä cuɛ muc naŋ kɛɛl kɛ jɛ ŋɔak diaal tin gɔw kä Da-math-kɛth ti kapkɛ ɛ thɔ̱a̱rɔa̱a̱li ti jiɛn ŋuaan. Kä min cɛ ben nyuur nhiam Ɛ-li-cä cuɛ wee, “Ci gatdu ni Bɛn-a-dad kuäär Thi-ri-ya ɣä jäk kä ji̱ i̱, ‘Ɣän bä rɔ jiɛc kä juey ɛmɛ?’ ”

Diit 112:9

Kä la tho̱p kɛn nyinkɛ can ni baaŋ, te gɔɔydiɛn thi̱n amäni cäŋ kɛl, kä bikɛ tekɛ buɔ̱m kɛnɛ luth.

Ŋi̱i̱c 11:1

Kämni mi̱eth nɛy ti kɔ̱ŋ, biɛ nyɔk kɛ jek kɛ kɔr ni̱ni ti ŋuan.

Ŋi̱i̱c 3:5

Tëë kɛ gua̱a̱th kɛ riaw päämni piny, kä tëë kɛ gua̱a̱th kɛ ruɔ̱liɛn. Tëë kɛ gua̱a̱th kɛ ɣöö bi naath rɔ̱ bom, kä tëë kɛ gua̱a̱th kɛ ɣöö /ci naath rɔ bi bom.

Ŋi̱i̱c 3:7

Tëë kɛ gua̱a̱th kɛ rët duɔ̱ɔ̱rä, kɛ gua̱a̱th kɛ köcdɛ. Tëë kɛ gua̱a̱th bitdä, kɛ gua̱a̱th ruac.

I-ca-yaa 2:20

Ɛn cäŋ ɛmɔ bi naath kuthkiɛn tin ca täth kɛ ciɛk in bo̱r kɛnɛ da̱a̱p tin palkɛn kɛ. Bikɛ kɛ yuɔ̱r li̱kli̱kni kɛnɛ ŋaprɔ̱kɛdhɔ̱tni.

Jona 1:5

Cu gëër babuurä lo̱ckiɛn jiath ɛlɔ̱ŋ a cu ramɔ cɔl ni kuothdɛ. Kä cukɛ kuak diaal tin te rɛy babuurä yuɔr yie̱e̱r kɛ ɣöö deekɛ babuur jakä puɔl. Kä ni wen Jona cɛ wä ni piny babuurä rɛci, kä cɛ tɔ̱ɔ̱c a cɛ niɛɛn ɛyum.

Mɛ̈t 19:29

Kä ram mi bäny duelɛ piny kiɛ dämani, kiɛ nyimani, kiɛ gua̱n, kiɛ man, kiɛ gaat, kiɛ ka̱a̱k kɛ kui̱ cio̱tädä, bɛ rëëp ti kuɔ̱r jek, kɛnɛ tëk mi do̱raar.

Lät Jaakni Yecu 27:19

Kɛ cäŋ in diɔ̱ɔ̱kdiɛn cukɛ tin la yiankɛ ni murkäb yuɔr yieer kɛ tetkiɛn.

Lät Jaakni Yecu 27:38

Kä mëë cikɛ ria̱ŋ, cukɛ murkäb jakä puɔl, kɛ yoriɛn kɛ bɛl yieer.