Ŋi̱i̱c 3:4 - RUAC KUƆTH IN RƐL RƆ

⁴ Tëë kɛ gua̱a̱th kɛ lul, kɛ gua̱a̱th kɛ to̱k. Tëë kɛ gua̱a̱th jiɛthkä lɔaac, kɛ gua̱a̱th kɛ duth.

Ŋi̱i̱c 3:4 Iomraidhean Croise

Tuk Cäkä Ɣɔaa 21:6

Kä nɛ̈nɛ jɛ cu Thara wee i̱, “Ci Kuoth to̱kdä la̱th guäthdɛ. Nɛy diaal tin ba jɛ liŋ bikɛ kiit kɛ ɣä kɛɛl.

2 Tham 6:16

Kä min ci thanduk matdä ruac Kuɔth cop wi̱c Dee-bid, cu Mi-kal nya Thɔɔl guic kɛ wernyin, cuɛ kuäär ni Dee-bid nɛn yuurɛ rɔ kä duthɛ nhiam Kuɔth Nhial. Cuɛ jɛ lat jɔ̱ɔ̱r kɛ rɛy lɔacdɛ.

Diit 30:11

Kä jakni jiath lɔaacdä kä bul tɛthä lɔaac, kä woc bi̱i̱ pärädä kum ni ɣä kɛ tɛ̈th lɔaac,

Diit 30:5

Kä gakdɛ la thuukɛ ni gua̱a̱th mi tɔt, duundɛ ɣöö gɔɔydɛ tëë thi̱n a thil pek. Dëë lɔcdu jiath kɛ wäär, duundɛ ɣöö dëë lɔcdu tɛɛth kɛ runwaŋ.

Ɣöth 15:20

Cu Mir-yam in la cääk din, min mɔ nyiman Ä-ron, bul ka̱n, kä cu män diaal buɔ̱l ka̱n kɛ jɛ kɛɛl, cukɛ wä raar kɛ puɔ̱t buɔ̱li kä duɔŋkɛ.

Ŋi̱i̱c 3:5

Tëë kɛ gua̱a̱th kɛ riaw päämni piny, kä tëë kɛ gua̱a̱th kɛ ruɔ̱liɛn. Tëë kɛ gua̱a̱th kɛ ɣöö bi naath rɔ̱ bom, kä tëë kɛ gua̱a̱th kɛ ɣöö /ci naath rɔ bi bom.

Ŋi̱i̱c 7:14

Mi gɔw ŋɔak kɛ ji̱ a lɔcdu tɛth, kä mi ci ŋɔak jiääk kɛ ji̱ carɛ bä, i̱ ci Kuoth raan cak ce̱tkɛ ram in dɔ̱ŋ. Kɛ kui̱c ɛmɔ ci raan min bi ben kɔɔrɛ dee ŋa̱c.

I-ca-yaa 40:1

Cu Kuothdu wee, bum naath bum nɛɛkä.

I-ca-yaa 40:2

Ruacni a määth kɛ ji̱ Jɛ-ru-tha-lɛm, lät ni jɛ kɛ ɛn ɣöö, ci gua̱a̱th la̱tdiɛn thuɔ̱k, ɛn ɣöö ca dueerkiɛn päl, ci Kuoth Nhial kɛ duäc nikä rɛɛw kɛ kui̱ dueerikiɛn.

Mɛ̈t 11:17

‘Cakɔ yɛ pua̱t thom, kä /ka̱nɛ duth. Cakɔ wiee, kä /ka̱nɛ pa̱r.’

Mɛ̈t 9:15

Kä cu Yecu kɛ jiök i̱, “Dee ja̱a̱l kuën pa̱r, mi ŋot cɔ nyaal kɛɛl kɛ kɛ? Bi ni̱n tin ba naŋ ni cɔ nyaal kä kɛ ben, kä inɔ bikɛ mi̱th cu thɛk.

Luk 1:58

Kä cu ji̱ thieekädɛ kɛnɛ watkɛ jɛ liŋ ɛn ɣöö ci Kuäär ni Kuoth ɛ nyuɔ̱th kɔ̱a̱c lɔaac mi di̱i̱t, kä cu lo̱ckiɛn tɛɛth kɛ jɛ kɛɛl.

Ji̱ Röm 12:15

A lo̱ckun tɛth kɛɛl kɛ nɛy tɔ̱ tɛth lo̱ckiɛn tɔ̱, kä ro̱tdɛ kɛɛl kɛ nɛy tɔ̱ ro̱t tɔ̱.

2 Kor 7:10

Kɛ ɣöö jiath lɔaac in lät Kuoth no̱ŋɛ naath riet kɛ rɔ̱ dueeri min bo̱th naath känä, kä thilɛ bɛ̈l mi no̱o̱ŋɛ, kä duundɛ ɣöö jiath lɔaac in no̱o̱ŋ ɣɔwɛ no̱o̱ŋɛ lia̱a̱.

Je-mɛth 4:9

A lo̱ckun jiath kä pa̱rɛ kä rötdɛ. A to̱kdun la pa̱run, kä ɛ tɛ̈th lɔaacdun la bath lɔaacdun.