Ŋi̱i̱c 3:11 - RUAC KUƆTH IN RƐL RƆ

¹¹ Cɛ ti diaal lät kä gua̱thkiɛn tin luɔtkɛ rɔ̱ kɛ kɛ. Kä cɛ raan moc kɛ ca̱r, kä ŋotdɛ /cɛ min ci Kuothɛ la̱t ni tukä amäni guut ŋäc.

Ŋi̱i̱c 3:11 Iomraidhean Croise

Tuk Cäkä Ɣɔaa 1:31

Täämɛ, cu Kuoth nyinkɛ diaal tëë cɛ cak cu guic, cuɛ kɛ nɛn gɔwkɛ ɛpuc. Cuɛ tekɛ thiaŋ kɛnɛ runwaŋ, kä cuɛ cua̱ cäŋ in bäkɛliɛn.

I-yob 11:7

“Kä ji̱n deri ca̱r Kuɔth ŋa̱c? Kiɛ deri pek bumä Kuɔth in leny buɔ̱mdɛ ti diaal jek?

I-yob 37:23

Ɛn Kuoth in leny buɔ̱mdɛ ti diaal nɔ̱a̱nɛ kɛ kɔn ɛlɔ̱ŋ, kä tëë kɛ buɔ̱m mi di̱i̱t, jɛn ɛ gua̱n cuŋni kɛnɛ thuɔ̱ɔ̱k, kä /cɛ naath luk kɛ baŋ.

I-yob 5:9

Jɛn la lätdɛ ti ga̱ykɛ naath ti /ca luɔtdiɛn ŋäc, ti ŋuan ti /ca dëë luäŋ kɛ kuën.

Diit 104:24

Aɣ Kuoth Nhial lätku ŋuankɛ ɛlɔ̱ŋ! Cikɛ la̱t kɛn diaal kɛ pɛl, ci piny thia̱a̱ŋ kɛ tin ci cak.

Ruac Pɛli 16:4

Ci Kuoth Nhial ti diaal la̱t kɛ luɔtdiɛn, amäni gua̱n dueeri kɛ cäŋ rikä.

Ŋi̱i̱c 1:13

Ɣän cua̱ jɛ go̱r kɛ ŋäc wecdä ɛn ɣöö dëë tin diaal tin ca la̱t rɛy ɣɔaa ŋa̱c. Cua̱ jɛ jek ɛ la̱t mi thiɛk ci Kuoth ɛ ka̱m naathɛ.

Ŋi̱i̱c 11:5

Kɛ ɣöö kui̱ci duɔ̱p in jäl kɛ jiɔam, kä kui̱c tuk gatda kɛ rɔ jic man, kä inɔ /ci lät Kuɔth in cak ti diaal dee ŋa̱c.

Ŋi̱i̱c 7:13

Kä car min ci Kuoth ɛ la̱t. Kä ɛŋa mi dee mi cɛ gɔ̱ŋ ri̱c?

Ŋi̱i̱c 7:23

Kä cua̱ kɛn ti diaal ti̱ti̱ ɣɔ̱n kɛ pɛl kä cua̱ wee i̱, “Ɛ ɣän i̱ pɛlä.” Duundɛ ɣöö cua̱ jɛ jek lenyɛ pɛlä.

Ŋi̱i̱c 7:29

Kä min cä jek kä rɔa, ɛ ɣöö Kuoth cɛ raan cak kɛ cuŋ, duŋdɛ ɣöö ci naath kulɛ wä go̱r ni ti kɔ̱ŋ ti ŋuan.

Ŋi̱i̱c 8:17

Kä cua̱ tin ci Kuoth kɛ la̱t nɛn. Thilɛ ram mi dee min ca la̱t wi̱i̱ muɔ̱ɔ̱n ŋa̱c. A cäŋ bi raan ti ŋuan la̱t, /cɛ luɔtdɛ dee met jek. A cäŋ laar raanɛ i̱ tëë kɛ pɛl, /cɛ luɔtdɛ bi met jek.

Mɛ̈t 11:27

Ŋɔaani diaal ca kɛ ka̱m ɣä ɛ Gua̱a̱r, kä thilɛ ram mi ŋäc Gat ɛ ni Gua̱n, kä thilɛ ram mi ŋäc Gua̱n ɛ ni Gat, kɛnɛ ram kɛl mi ci Gat ɛ nhɔk i̱ bɛ jɛ nyoth ɛ.

Mɛ̈t 13:22

Kä kɛ kui̱ kä tin ca piɛth rɛy jiɛn kuiyni ce̱tkɛ kɛ ram mi liŋ ruac, kä miɛtkɛ ruac Kuɔth in tekɛ jɛ ɛ gör nyinä ɣɔaa kɛnɛ tɛth lɔaac riäŋä, kä thilɛ jɛ dɛy.

Mak 7:37

Cu naath ga̱a̱c kɛ ga̱a̱c mi di̱i̱t i̱, “Cɛ ŋɔak diaal la̱t agɔaa! A cäŋɛ ni mi̱eeŋ cɛ kɛ jakä li̱ŋ, kä tin cɛ di̱w cikɛ ruac.”

Ji̱ Röm 1:28

Kä kɛ kui̱ kä ɣöö cikɛ thuɔ̱k lo̱k kɛ kui̱ Kuɔth, ci Kuoth kɛ pa̱l ca̱r mi baŋ kɛ ɣöö bikɛ la̱t ni tin /ca dee la̱t.

Ji̱ Röm 11:33

Kua di̱t riäŋä kɛnɛ pɛl amäni ŋäc Kuɔth mi ŋuɛɛnɛ! Kä ɛŋa mi dee lukdɛ ŋa̱c? Kä ɛŋa ŋäc dupkɛ mɔ?

Ŋuɔ̱t 32:4

“Ɛn Kuoth, latdɛ cuŋ. Kɛ ɣöö dupkɛ diaal cuŋkɛ. Ɛ Kuoth mi gɔaa mi thil duer, ɛ cuɔ̱ŋ ni kä rɔ.