Ŋi̱i̱c 2:3 - RUAC KUƆTH IN RƐL RƆ

³ Kä cua̱ maath kɛ kɔaŋ kɛ ɣöö bi lɔcdä tɛɛth, cua̱ ŋot gaŋ pɛl wecdä ɣä. Cua̱ jɛ go̱r i̱ dëë min lät naathɛ nɛn rɛy ɣɔaa kɛ ni̱n teekädiɛn ti tɔt ti̱ti̱.

Ŋi̱i̱c 2:3 Iomraidhean Croise

Tuk Cäkä Ɣɔaa 47:9

Cu Je-kɔb ɛ loc i̱, “Ɣän runkä kɛ run ti kuɔ̱r kɛl wi̱cdɛ jiɛn diɔ̱k, kɛn runkä kɛ run ti tɔt ti ri̱wdiɛn rik jiɛthä lɔaac kä ca kɛ le̱ny ɛ pe̱k runi gua̱ndɔɔŋnikä.”

I-yob 14:14

Kä mi ci raan li̱w, derɛ rɔ nyɔk kɛ tëk? Bä liep kɛ ni̱n la̱tdä diaal amäni mi ci cäŋ luɔ̱nydä ben.

Diit 104:15

kɛnɛ kɔaŋ mi bi raan moc kɛ tɛ̈th lɔaac, kɛ liɛɛth mi bi jɛ moc puath pua̱a̱ny, kɛnɛ mi̱eth mi bi jɛ moc kɛ buɔ̱m pua̱a̱ny.

Ruac Pɛli 20:1

Kɔaŋ ɛ gua̱n rɔlä, yɔ̱ɔ̱ŋɛ naath, kä ram mi wä rɔ jak kä yɔ̱ŋ kɛ kɔaŋ ɛ dɔ̱a̱r.

Ŋi̱i̱c 1:17

Kä cua̱ jɛ lɛ go̱r ɛn ɣöö bä ŋäc ŋɔaani kɛnɛ pɛl kɛ yɔ̱ɔ̱ŋ kɛ dɔ̱ɔ̱r lɛni ŋa̱c. Kä cua̱ jɛ lɛni jek ɛ wuɔ̱ɔ̱r kɔɔr jiɔam.

Ŋi̱i̱c 10:19

Ŋar naath kɛ ɣöö ba to̱k dɔl, kä mathkɛ kɔaŋ kɛ ɣöö bi lo̱c nath tɛɛth, kä yio̱w kɛ kɛn no̱o̱ŋ ti diaalɔ.

Ŋi̱i̱c 12:13

Kä täämɛ ti diaal ca kɛ liŋ. Kä nɛmɛ ɛ jɛn thuɔ̱k ruac, luthni Kuoth, kä tit lueekɛ. Kɛ ɣöö nɔmɔ ɛ jɛn la̱t nɛɛni diaal.

Ŋi̱i̱c 2:24

Thilɛ mi gɔaa kä raan ɛ ni ɣöö bɛ mi̱th kä bɛ maath kɛ kɔaŋ bɛɛl tin cɛ la̱t a bi lɔcdɛ ro̱ŋ. Kä cua̱ jɛ jek bä bëë tetdä Kuɔth,

Ŋi̱i̱c 5:18

Kä cua̱ jɛ ŋa̱c ɛn ɣöö gɔaa ni ɣöö bi raan min cɛ la̱t cam kä bɛ jɛ math rɛy ni̱ni tin tɔt tin ci Kuoth kɛ ka̱m jɛ rɛy ɣɔaa ɛmɛ. Kɛ ɣöö ɛ jɛn min ca ca̱k jɛ.

Ŋi̱i̱c 6:12

Kä ɛŋa mi ŋäc mi gɔaa kɛ raan ni̱ni teekädɛ ti tɔt ti thiel luɔt ti, ti ci wä ti ce̱tkɛ ti̱eep ti? Kä ɛŋa mi dëë jɛ la̱t min bi lɔ̱ɔ̱ tuɔɔk kɔɔrɛ mɔ rɛy ɣɔaa?

Ŋi̱i̱c 7:18

Gɔaa ɛ ɛn ɣöö bikɛ käp kɛn ti̱ti̱, kä /cu kɛl jak kä wä. Kɛ ɣöö ram mi luth Kuoth /ci ciɛŋ kɛ bi ba̱l kä ti diaal.

Ŋi̱i̱c 7:25

Kä cua̱ jɛ lɛ go̱r ɛn ɣöö dëë pɛl luɔtdɛ ŋa̱c kɛnɛ tha̱a̱ŋ ŋɔaani, kä cua̱ go̱r ɛn ɣöö bä dɔ̱ɔ̱r kɛnɛ nyuɔɔn in la yɔ̱ɔ̱ŋ dɔ̱ɔ̱rä luɔtdiɛn lɛ ŋa̱c.

Ŋi̱i̱c 8:15

Kä ɣän cua̱ lar ni tëk mi gɔaa, kɛ ɣöö thilɛ mi gɔaa kɛ raan ɛn rɛy ɣɔaa ɛmɛ, ɛ ni ɣöö bɛ mi̱th kä bɛ maath, kɛ ɣöö bɛ tekɛ tɛ̈th lɔaac rɛy la̱tdɛ kɛ ni̱n teekädɛ diaal tin ci Kuoth kɛ ka̱m jɛ rɛy ɣɔaa.

Mɛ̈t 6:24

“Thilɛ ram mi dee kua̱r da̱ŋ rɛw latdi kä, bɛ kɛl nyir, kä bɛ min dɔ̱diɛn nhɔk, kiɛ bɛ lɔcdɛ kɛɛliw ka̱m kɛl, kä bɛ min dɔ̱diɛn cany. Yɛn /cia Kuoth kɛnɛ ria̱ŋ dee latdi kä.”

Ji̱ Ɛ-pɛ-thäth 5:18

Kä /cuarɛ yɔ̱ŋ kɛ kɔaŋ, kɛ ɣöö nɔmɔ bɛ ya̱r ni yɛ, kä a thiäŋ ni yɛn kɛ Yiëë.

Ruëëc 9:13

Kä cuɛ kɛ loc i̱, ‘A bä ku päl ni kɔaŋdä min la kuth kɛnɛ naath lo̱ckiɛn a jak kä tɛth, kɛ ɣöö bä yɛ wä ruac?’

1 Tham 25:36

Kä cu Ä-bi-ga-yil ben kä Na-bal. Min ci mi̱eth la̱t cieŋ ce̱tnikɛ kuäär. Kä tɛth lɔcdɛ, kɛ ɣöö cɛ yɔ̱ŋ kɛ kɔaŋ. Kä /ken Ä-bi-ga-yil ɛ la̱r duɔ̱ɔ̱r amäni runwaŋ.