Ŋi̱i̱c 2:18 - RUAC KUƆTH IN RƐL RƆ

¹⁸ Ɣän lökä lät kä diaal tin cä la̱t rɛy ɣɔaa, kɛ ɣöö bäkɛ ba̱ny ram mi bi lɔ̱ɔ̱ ben kɔɔrä.

Ŋi̱i̱c 2:18 Iomraidhean Croise

Diit 17:14

Bër kän ɣä lö Kuoth Nhial kɛ buɔ̱mdu kä nɛy tin ca tëkdiɛn la̱th kä nyin ɣɔaa ɛmɛ. Dëë jia̱a̱ckiɛn thia̱a̱ŋ kɛ tɔ̱ɔ̱ŋ in ci tɔ̱w kɛ kui̱diɛn, a dëë gaatkiɛn tekɛ kui̱c in di̱t ni jɛn thi̱n, a dëë tha̱a̱ŋdɛ jek ɛ gaat gankiɛn.

Diit 39:6

Ɛ puc raan ce̱tdɛ nikɛ ti̱ep, ɛ puc, lät ran diaal kɛ lɔar. La dol kɛn ti ŋuan kä /kueckɛ ram in bikɛ cam.

Diit 49:10

Kä nɛ̈nkɛ nɛy tin pɛl a li̱wkɛ, kä nɛy tin dɔa̱a̱r kɛnɛ nyɔapni li̱w kɛ kɛɛl, kä bikɛ ria̱ŋdiɛn ba̱ny nɛy ti kɔ̱ŋ.

Ŋi̱i̱c 1:13

Ɣän cua̱ jɛ go̱r kɛ ŋäc wecdä ɛn ɣöö dëë tin diaal tin ca la̱t rɛy ɣɔaa ŋa̱c. Cua̱ jɛ jek ɛ la̱t mi thiɛk ci Kuoth ɛ ka̱m naathɛ.

Ŋi̱i̱c 1:3

Ɛŋu mi jek raanɛ kä lätkɛ diaal tin cɛ la̱t?

Ŋi̱i̱c 2:11

Kä min guɛcä tin diaal tin cä la̱t kɛ tetkä kɛnɛ la̱t in cä luäŋ. Cu kɛn diaal thil luɔt, cua ni wuɔ̱ɔ̱r kɔɔr jiɔam. Thilɛ mi dëë jek rɛy ɣɔaa.

Ŋi̱i̱c 2:21

Kɛ ɣöö bi raan ti cɛ la̱t kɛ ŋäc ŋɔaanidɛ kɛnɛ pɛlɛ kɛ buɔ̱mdɛ ba̱ny piny, a ba kɛ lɔ̱ɔ̱ ka̱n ɛ ram mi /ken kɛ la̱t. Ɛn nɔmɔ bä thilɛ jɛ luɔt, ɛ duer mi di̱i̱t.

Ŋi̱i̱c 2:26

Kɛ ɣöö la Kuoth ram in jak lɔcdɛ kä tɛth a moc ŋäc ŋɔaani kɛnɛ tiit lɔaac kɛ tɛ̈th lɔaac. Kä la mocɛ gua̱n dui̱rä la̱t ruuli kɛnɛ duɔ̱l riäŋä kɛ ɣöö bɛ jɛ ba̱ny ram mi tɛɛth lɔc Kuɔth. Ɛn nɔmɔ bä thilɛ jɛ luɔt, ɛ wuɔ̱ɔ̱r kɔr jiɔam.

Ŋi̱i̱c 3:22

Kä cua̱ jɛ nɛn thilɛ mi gɔaa kɛ raan ɛ ni ɣöö bɛ la̱t ni la̱tdɛ kɛ ɣöö thilɛ mi dɔ̱ŋ mi derɛ la̱t. Kɛ ɣöö thilɛ ram mi dee jɛ nöŋ min ci lɔ̱ɔ̱ tuɔɔk kɔɔrɛ.

Ŋi̱i̱c 4:3

Duundɛ ɣöö ku lɛ gɔw ni nɛy tin /ka̱n ni dap kä kɛn diaal, kɛ ɣöö thilɛ lät ti jiäk ti /ca ni nɛn a la̱tkɛ rɛy ɣɔaa.

Ŋi̱i̱c 5:18

Kä cua̱ jɛ ŋa̱c ɛn ɣöö gɔaa ni ɣöö bi raan min cɛ la̱t cam kä bɛ jɛ math rɛy ni̱ni tin tɔt tin ci Kuoth kɛ ka̱m jɛ rɛy ɣɔaa ɛmɛ. Kɛ ɣöö ɛ jɛn min ca ca̱k jɛ.

Ŋi̱i̱c 9:9

Ciëŋɛ agɔaa yɛnɛ ciekdu min nhɔki kɛ ni̱n teekädu diaal tin thil luɔt tin ci Kuoth kɛ ka̱m ji̱ ɛn rɛy ɣɔaa ɛmɛ. Kɛ ɣöö ɛ jɛn min ca ca̱k ji̱ rɛy teekä kɛnɛ lätku rɛy ɣɔaa.

Luk 12:20

Kä cu Kuoth ɛ jiök i̱, ‘Ji̱n dɔ̱a̱r! Ba tëkdu go̱r kä ji̱ ni ɛn wäär. Kä bi ŋɔak tin ci rialikä kula nyin ŋa?’

1 Kor 3:10

Kä ce̱tkɛ puɔ̱th baaŋ Kuɔth in cɛ ka̱m ɣä, cä keŋ rialikä ce̱tkɛ läät mi kuur, kä lät radɔ̱diɛn wi̱cdɛ. A ramɔ nik la̱t in lätdɛ ni jɛ.