Ŋi̱i̱c 2:10 - RUAC KUƆTH IN RƐL RƆ

¹⁰ Kä tin diaal tin göörä, cä kɛ jek. Kä cua̱ tekɛ tɛ̈th lɔaac, kɛ ɣöö ci lɔcdä tɛɛth kɛ tin diaal tin cä la̱t, kä kɛn ti̱ti̱ kɛ kɛn tin cä jek kä läk kä diaal.

Ŋi̱i̱c 2:10 Iomraidhean Croise

Tuk Cäkä Ɣɔaa 3:6

Inɔ, mëë ci ciek jiath car ɛn ɣöö ɛ mi dëë rɔ lot kɛ mi̱eth, kɛnɛ ɣöö gɔaa nëndɛ, kä di̱t lɔcdɛ kɛ jɛ kɛ ɣöö ɛ mi dëë pɛlran jak kä ro̱ŋ, cuɛ rɔ puɔ̱t dɔw jiaath ɛmɔ kä cuɛ jɛ cam, kä cuɛ gua̱n cieŋdɛ moc bä.

Tuk Cäkä Ɣɔaa 6:2

cu gaat Kuɔth ɛ nɛn ɛn ɣöö te nyiee nath kɛ maan, kä cukɛ rɔ̱ li̱eny män kä kɛ kɛ pe̱k lo̱cnikiɛn.

I-yob 31:1

“Kä ɣän cä rɔ yac, kɛ ɣöö /cä nyal bi met di̱el guec.

Diit 119:37

/Cu waŋdä jak kä guicni ti thil luɔt, jakni ni ɣä kä tëk kɛ ruacdu.

Diit 128:2

Bi cam ni min ci la̱t kɛ tetdu, bɛ gɔaa kɛ ji̱ kä bi lɔcdu tɛɛth kɛ jɛ.

Ruac Pɛli 23:5

Kɛn yio̱w dëë kɛ riaw mi wi̱i̱ lɔcdu la̱th thi̱n, dëë kɛ rɔ̱ bar ce̱tkɛ mi tekɛ kɛ gɔ̱k ce̱tkɛ cuɔɔr.

Ŋi̱i̱c 11:9

A lɔcdu tɛth ŋuɛɛtädu lö ŋuɛ̈t. Kä guuri ni min go̱o̱r lɔcdu jɛ kä guic waŋdu jɛ. Kä ŋäc ni jɛ ɛn ɣöö kä kɛn ti diaal ti̱ti̱ bi Kuoth ji̱ luk kɛ kɛ.

Ŋi̱i̱c 2:1

Kä cua̱ jɛ lɛ car kɛ lɔcdä i̱, “Bä ŋa̱c, ɛn ɣöö ɛŋu ro̱ŋ ŋɔaani ti gɔw.” Kä cua̱ jɛ jek bä thilɛ jɛ luɔt.

Ŋi̱i̱c 2:22

Ɛŋu mi bi raan ɛ jek kä lät diaal tin ca jɛ cuc rɛy ɣɔaa?

Ŋi̱i̱c 2:24

Thilɛ mi gɔaa kä raan ɛ ni ɣöö bɛ mi̱th kä bɛ maath kɛ kɔaŋ bɛɛl tin cɛ la̱t a bi lɔcdɛ ro̱ŋ. Kä cua̱ jɛ jek bä bëë tetdä Kuɔth,

Ŋi̱i̱c 3:22

Kä cua̱ jɛ nɛn thilɛ mi gɔaa kɛ raan ɛ ni ɣöö bɛ la̱t ni la̱tdɛ kɛ ɣöö thilɛ mi dɔ̱ŋ mi derɛ la̱t. Kɛ ɣöö thilɛ ram mi dee jɛ nöŋ min ci lɔ̱ɔ̱ tuɔɔk kɔɔrɛ.

Ŋi̱i̱c 5:10

Kä ram nhɔk yio̱w /cɛ bi ro̱ŋ kɛ kɛ. Kä ram nhɔk ria̱ŋ /cɛ jɛ bi jek. Kä ɛn nɔmɔ bä thilɛ jɛ luɔt.

Ŋi̱i̱c 5:17

Thuukɛ ni̱nkɛ diaal rɛy muɔ̱th kɛ cuɔ̱c mi di̱t bɛ̈cdɛ kɛ gak.

Ŋi̱i̱c 5:18

Kä cua̱ jɛ ŋa̱c ɛn ɣöö gɔaa ni ɣöö bi raan min cɛ la̱t cam kä bɛ jɛ math rɛy ni̱ni tin tɔt tin ci Kuoth kɛ ka̱m jɛ rɛy ɣɔaa ɛmɛ. Kɛ ɣöö ɛ jɛn min ca ca̱k jɛ.

Ŋi̱i̱c 6:2

Kuoth cɛ raan moc ria̱ŋ kɛ ti ŋuan kɛ luth, thilɛ mi dak kä tin diaal tin go̱o̱rɛ, kä /ken Kuoth ɛ moc buɔ̱m mi bɛ camkɛ, cua kɛ wä cam ɛ juɔ̱r. Nɔmɔ thilɛ jɛ luɔt, ɛ duer midi̱i̱t.

Ŋi̱i̱c 6:9

Gɔaa ni guec waŋ kä ram mi go̱o̱r ŋɔak ti/cɛ jek. Kä ɛn nɔmɔ thilɛ jɛ luɔt, ɛ wuɔ̱ɔ̱r kɔɔr jiɔam.

Ŋi̱i̱c 8:15

Kä ɣän cua̱ lar ni tëk mi gɔaa, kɛ ɣöö thilɛ mi gɔaa kɛ raan ɛn rɛy ɣɔaa ɛmɛ, ɛ ni ɣöö bɛ mi̱th kä bɛ maath, kɛ ɣöö bɛ tekɛ tɛ̈th lɔaac rɛy la̱tdɛ kɛ ni̱n teekädɛ diaal tin ci Kuoth kɛ ka̱m jɛ rɛy ɣɔaa.

Ŋi̱i̱c 9:6

Ci nhökdiɛn kɛnɛ lo̱kdiɛn kɛ tiɛɛliɛn thuɔ̱k, thilɛ mi bi la kui̱diɛn kä tin diaal tin la̱t kɛ rɛy ɣɔaa.

Ŋi̱i̱c 9:9

Ciëŋɛ agɔaa yɛnɛ ciekdu min nhɔki kɛ ni̱n teekädu diaal tin thil luɔt tin ci Kuoth kɛ ka̱m ji̱ ɛn rɛy ɣɔaa ɛmɛ. Kɛ ɣöö ɛ jɛn min ca ca̱k ji̱ rɛy teekä kɛnɛ lätku rɛy ɣɔaa.

1 Jɔ̱ɔ̱n 2:16

Kɛ ɣöö ti diaal tin te rɛy ɣɔaa kɛ kɛn tin go̱o̱r puɔ̱nykɛ, kɛ ti go̱o̱r waŋ kɛ, kɛ kɛn tin liak naath rɔ̱ kɛ kɛ, bäkɛ kä ɣɔw ɛmɛ, /cikɛ bä kä Gua̱a̱r in te nhial.

Ruëëc 14:2

Cuɛ ben kä cuɛ ben la̱r gua̱n kɛnɛ man i̱, “Ɣän cä nya Pi-li-thɛt kɛl nɛn kä Tim-naa. Kuënɛ jɛ ɣä ɛn täämɛ ala ciek.”