Ŋi̱i̱c 11:2 - RUAC KUƆTH IN RƐL RƆ

² Dääkni nyinku kä nɛy da̱ŋ bärɔw kiɛ bädäk, kɛ ɣöö kui̱ci riɛk ɔ bi ji̱ jek ɔ rɛy ɣɔaa.

Ŋi̱i̱c 11:2 Iomraidhean Croise

Nɛ-ɣɛm-yaa 8:10

Kä cu Nɛ-ɣɛm-yaa kɛ jiök i̱, “Wiaa dho̱rikun, wiaa camɛ mi̱th tin com kä mathɛ kɔaŋ in gɔaa kä muɔcɛ nɛy tin thilɛ mi ca rialikä. Kɛ ɣöö ɛn cäŋ ɛmɛ ɛ cäŋ mi rɛl gɔɔydɛ rɔ kä Kuääran. Ɛ lo̱ckun /ci jiɛth, kɛ ɣöö tɛ̈th lɔaac Kuɔth Nhial ɛ jɛn la buɔ̱mdun ɔ.”

Ɛth-ter 9:19

Ɛn guäth ɛmɔ, cu ji̱ Juudh tëë cieŋ rɛy ciëŋ kɛnɛ gëëk wec cäŋ kä wäl ŋuaan kä pay in cɔal i̱ (Tio̱p in di̱i̱t) jakä cäŋ lɔ̱ŋä kɛnɛ tɛ̈th lɔaac, cuɛ la cäŋ lɔ̱ŋä mi la kɛn rɔ̱ a jäkä muc kɛnɛ mi̱th thi̱n kɛ̈l kɛ̈ɛ̈li.

Ɛth-ter 9:22

cäŋ ɛmɔ cuɛ ce̱tnikɛ cäŋ ëë tiam ji̱ Juudh ɛ ji̱ tɛ̈riɛn, kɛnɛ pay ëë dee la pay li̱ethdiɛn, mëë cu wieediɛn rɔ looc ni tɛ̈th lɔaac, kä cu cäŋ pärädiɛn rɔ looc ni cäŋ lɔ̱ŋä kä kɛ. Kä cukɛ ni̱n tɔ̱tɔ̱ jakä ni̱n ti̱mä kɛnɛ ni̱n tɛthä lɔaac, cu kɛn a ni̱n ti la rɔ̱ a ja̱k kɛ kä muc mi̱thni kamnikiɛn kɛ̈l kɛ̈ɛ̈li thi̱n, kä muɔckɛ can thi̱n kɛ muc.

I-yob 5:19

Bɛ ji̱ kän kä rik nikä bäkɛl, kä kɛ bärɔwdiɛn thilɛ riɛk mi bi ben kä ji̱.

Diit 112:9

Kä la tho̱p kɛn nyinkɛ can ni baaŋ, te gɔɔydiɛn thi̱n amäni cäŋ kɛl, kä bikɛ tekɛ buɔ̱m kɛnɛ luth.

Ruac Pɛli 19:17

Kä ram mi gɔaa kɛ can thi̱ŋɛ rɔ kɛ Kuoth Nhial, kä ba jɛ cuɔ̱l la̱tdɛ.

Ruac Pɛli 6:16

Tëë kɛ ŋɔak da̱ŋ bäkɛl ti lo̱k Kuoth Nhial kɛ, kɛ bärɔw ti jiäk kɛ jɛ.

Ŋi̱i̱c 11:3

Mi ci pua̱a̱r thia̱ŋ kɛ pi̱w, la nhiaal a dɛm. Kä kui̱c ɔ ci jiath tɛth thi̱n ɔ, ɛ jɛn la tëë thi̱n ɔ.

Ŋi̱i̱c 11:8

Kä mi ci raan ni̱nkɛ ŋuan teekä, akɛ niinɛ kɛn diaal agɔaa. Kä timɛ bä ɛn ɣöö bi ni̱n li̱eth ŋuan bä. Kä kɛn diaal thilɛ kɛ luɔt.

Ŋi̱i̱c 12:1

Car cääkdu kɛ ni̱n ŋuɛɛtädu, a /ken ni̱n rikä ni ben. Kɛ ɣöö ci run thia̱k tin bi ruac thi̱n i̱, “/Ka̱n tɛ̈th lɔaac jek thi̱n.”

Bok Go̱kä ni Da-ni-yel 4:27

Kɛ kui̱c ɛmɔ lö kuäär ku lui̱kdä liŋ. Ji̱n ri̱t rɔɔdu kä dueerku kɛ lätni cuŋni, kä päl jiäku kä nhɔk ni nɛy tin ciaŋkɛ a jiäk, kɛ ɣöö bi ria̱ŋdu te thi̱n kɛ gua̱a̱th mi bäär.”

Mikaa 5:5

Kä bɛ cua̱ maliɛn. Kä mi wä ji̱ A-thi-ri-ya wecdan wä mak a bikɛ ben muundan, banɛ bööthkɔn jak kä wä nyiëëny kɛ kɛ.

Mɛ̈t 18:22

Cu Yecu jɛ loc i̱, “/Ciɛ nikä bärɔw kärɔ̱, ɣän bä jɛ la̱r ji̱ nikä jiɛn bärɔw kä bärɔw.

Mɛ̈t 5:42

Moc ram mi lim ji̱, kä /cu ram mi kän duɔ̱ɔ̱r kɛ ŋua̱l kä ji̱ pen ŋua̱l.”

Luk 17:4

Kä mi cɛ ji̱ dui̱rä nikä bärɔw kɛ jɛn cäŋ ɔ kɛl ɔ, kä lunyɛ kä ji̱ kä bärɔw, a jio̱kɛ ji̱ i̱, ‘Cä duer,’ bɛ yi̱k pälikä.”

Ji̱ Gä-lëë-cia 6:1

Mäthnikä, mi ca raan käp kä yɛ a lätdɛ duer, kä yɛn nɛy tin ca Yiëë jek, gɔaa ni ɣöö deri ram ɛmɔ luɔ̱ɔ̱c duundɛ ɣöö kɛ duɔ̱ɔ̱p yieekä wutdä. Niɛkɛ rɔ kɛ ɣöö /ca yɛ bi ɣɔam bä.

Ji̱ Ɛ-pɛ-thäth 5:16

La̱tdɛ agɔaa gua̱thni diaal kɛ ɣöö ni̱n ti̱ti̱ jiäkɛ.

Ji̱ Ɣi-bɛ-ru 13:3

Tiɛmɛ nɛy tin te yieenä ce̱tkɛ mi ta̱yɛ yieenä kɛ kɛ kɛɛl. Kä tiɛmɛ nɛy tin ciaŋkɛ a jiäk, ce̱tkɛ mi ciaŋkɛ yɛ a jiäk ce̱tkɛ kɛ.

1 Tham 25:8

Thiec nɛɛku ba la̱r ji̱. Kɛ kui̱c ɛmɔ ɛ ŋuɛ̈tni kä jëkɛ gɔɔy kä ji̱. Kɛ ɣöö ci cäŋ ŋarä thia̱k. Mal ja̱a̱ŋku moc kɛ mɔ te thi̱n ɔ amäni gatdu ni Dee-bid.’ ”