Ŋi̱i̱c 10:8 - RUAC KUƆTH IN RƐL RƆ

⁸ Kä ram mi wä pul wä tɛt, bi pɛn ni jɛn thi̱n. Kä ram ɔ bi kal to̱l ɔ, bi thɔ̱l ɛ kac.

Ŋi̱i̱c 10:8 Iomraidhean Croise

2 Tham 17:23

Kä min ci Ä-ɣi-tho-pɛl ɛ nɛn ɛn ɣöö /ka̱n luekdɛ guɔ̱r, cuɛ muulɛ rialikä, kä cuɛ wä wi̱i̱dɛ. Kä cuɛ kuakɛ rialikä cieeŋdɛ, kä cuɛ rɔ ŋap. Kä cuɛ li̱w. Kä cua jɛ kony wi̱i̱ muɔ̱n gua̱n.

2 Tham 18:15

Kä cu röm mutni Yo-ab da̱ŋ wäl Ɛ̈b-ca-lom göl, kä cua jɛ gi̱t.

Ɛth-ter 7:10

Kä cu kɛ Ɣa-man ŋap guäth ŋääpä min cɛ la̱t kɛ kui̱ Mɔr-da-kay. Ɛ jɛn cu ŋɛ̈ɛ̈ny kua̱r cu luäär.

Diit 57:6

Ci ji̱ tɛ̈r ɣä dɛp kɛ cambak, ci rik ɣä ku cuc. Ci ji̱ tɛ̈rä kɔ̱a̱k tɛt dupdä, duundɛ ɣöö ci pɛn ni kɛn thi̱n.

Ruac Pɛli 11:6

Kä cuɔ̱ɔ̱ŋ käänɛ ji̱ cuŋni, kä nɛy ti thil ŋa̱th yiankɛ kɛ ɛ di̱t lɔaacdiɛn.

Ruac Pɛli 26:27

Kä ram mi tɛt kɔ̱a̱k bi pɛn ni jɛn thi̱n, kä ram mi lɛɛr päm bɛ loc kä jɛ.

Ŋi̱i̱c 10:9

Kä ram mi tiath pääm, ba jɛ moc buɔ̱t ɛ kɛn. Kä ram mi bäk jiɛn, ba jɛ moc buɔ̱t.

A-mɔth 5:19

Bi ta̱a̱dɛ ce̱tkɛ ram mi bar rɔ kɛ lony, kä bɛ rɔ lɛ wä pi̱em kuac, kiɛ ce̱tdɛ kɛ ram mi ci wä cieŋ kä ca cu kac ɛ thɔ̱l min cɛ tetdɛ la̱th puɔ̱ny duëël.

A-mɔth 9:3

Cäŋ bikɛ rɔ tɔ̱w ni nhial kä Kar-mɛl, bäkɛ war thi̱n kä bäkɛ ka̱n, kä cäŋ bikɛ rɔ̱ tɛ̱̈ɛ̱̈ waaŋdä ni lool bar, niɛ thɔ̱ŋ ɔ bä thɔ̱l in di̱i̱t jak kä käc kɛ.

Ruëëc 9:5

Kä cuɛ wä dhɔr gua̱n kä Ɔp-ra, kä cuɛ gaat man wä näk gaat Gi-don ti jiɛn bärɔw wi̱i̱ pa̱a̱m kɛl. Duundɛ ɣöö cu Yo-tham gat in tɔtdiɛn kä Gi-don kään kɛ ɣöö cɛ rɔ tɛ̱̈ɛ̱̈.