Mikaa 7:9 - RUAC KUƆTH IN RƐL RƆ

⁹ Ɣän bä ŋɛ̈ɛ̈ny Kuɔth Nhial rut, kɛ ɣöö cä jɛ lät kä duer, amäni mi cɛ ɣä gaŋ rɛy luɔ̱k kä cɛ ɣä ka̱m cuɔ̱ɔ̱ŋdä. Bɛ ɣä cu nööŋ rɛy buɔyä, kä bä cuŋkɛ ku nɛn.

Mikaa 7:9 Iomraidhean Croise

2 Tham 24:17

Kä cu Dee-bid ruac kɛ Kuoth Nhial min cɛ jääk Kuɔth in näk naath nɛn, wëë i̱, “Ɣän cä duer, ɣän cä lät a jiäk. Kä kɛn det ti̱ti̱ cikɛ ŋu lɛl? Näk ni ɣä kɔnɛ dhɔr gua̱a̱r.”

I-yob 23:10

Kä jɛn ŋäcɛ duɔ̱ɔ̱p in cä guɔ̱ɔ̱r, kä mi wëë ɣä ɣɔ̱n, bä ce̱tnikɛ da̱a̱p mi lɛy lɛy.

I-yob 35:14

Kä derɛ kulɛ te i̱di mi loori jɛ i̱ /cä jɛ nɛn, kä te ruacdu nhiamdɛ kä liipi ni jɛ!

Diit 119:154

Käni lukdä kä kän ɣä, jakni ɣä kä tëk ce̱tnikɛ ruacdu.

Diit 37:6

Bɛ cuŋku jak kä riawkɛ ce̱tnikɛ bak ɣɔaa, kä bɛ thuɔ̱ɔ̱ku jak kä buɔy ce̱tnikɛ cäŋ ca̱ŋda̱a̱r.

Diit 43:1

Ga̱ŋ ɣä ɛ ji̱n lö Kuoth, guic lukdä kɔnɛ döör ti thil Kuoth ti, luäk ɣä kä nɛy ti ji̱ mɛɛtdä ti nɛy tin la̱tkɛ jiäk.

Diit 7:6

Jiɛc rɔɔdu lö Kuoth Nhial, kä bër guic ŋɛ̈ɛ̈ny ji̱ tɛ̈rä ɛ ji̱n. Jiɛyni lö Kuothdä bër luäk ɣä, kɛ ɣöö la lätdi ni cuŋ.

Diit 94:15

kɛ ɣöö ba luɔ̱ɔ̱k nyɔk kɛ luk kɛ thuɔ̱ɔ̱k, kä ba guɔ̱ɔ̱r ni jɛ ɛ ji̱ thuɔ̱ɔ̱kni diaal.

I-ca-yaa 42:16

Kä bä ciöör buɔth kɛ duɔ̱ɔ̱p mi /kuec kɛn ɛ, bäkɛ bo̱th kɛ duɔ̱ɔ̱p mi /kueckɛ. Kä bä muth loc ni buay nhiamdiɛn, kä bä dhuɔ̱li jak kä car caar. Ti̱ti̱ kɛ kɛn ŋɔak tin bä la̱t, kä /cäkɛ bi pa̱l ruëëc.

I-ca-yaa 42:7

Kɛ ɣöö bi yɛn wäŋ tin ci cɔr lɛp, kä bi yɛn ji̱ yieenä lony ɛ lɔr, nɛy tin te nyuurä rɛy muɔ̱th duëël yieenä.

I-ca-yaa 46:13

Ɣän cä cuɔ̱ɔ̱ŋdä nööŋ ni thiäkä, jɛn /cɛ nɔ̱a̱n ɛlɔ̱ŋ, kä /ci ka̱ndä bi jääny. Ɣän bä Dha-yɔn kän, kä bä liakdä ka̱m I-thɛ-rɛl.”

I-ca-yaa 51:22

Nɛmɛ ɛ min ci Kuäär ni Kuoth ɛ lar, ɛn Kuothdu min la gaŋ nɛɛkɛ wëë i̱, “Nɛnɛ ɣän cä liɛɛr kɔŋä min ci ji̱ jak kä yɔ̱ŋ woc tetkädu, cä jɛ woc ɛn tuɔ̱k gaakdä /ci jɛ bi nyɔk kɛ ma̱th.

I-ca-yaa 56:1

Cu Kuoth Nhial wee i̱, “Tit thuɔ̱k, kä lätni ni cuŋ, kɛ ɣöö ci gua̱a̱th känädä thia̱k, kä bi cuŋkä jɔɔc.

Bok Go̱kä ni Yir-mɛ-yaa 10:19

Kä cu naath wee i̱, “Ta̱nɛ kɛ riɛk kɛ kui̱ buɔ̱ɔ̱tni kɔn! Buɔ̱ɔ̱t kɔn /cikɛ bi gɔw. Kä cuanɛ ŋa̱c ni ɣöö ɛmi dɔ̱ŋ dënɛ luäŋ kɛ ruɔ̱t.”

Bok Go̱kä ni Yir-mɛ-yaa 14:7

“A cäŋ ni mi ci dueer kɔ nɛy gɔnyɛ, ku kɔ luäk lö Kuoth Nhial kɛ kui̱ cio̱tädu. Kɛ ɣöö cakɔ loc jɔk kä ji̱ ɛlɔ̱ŋ, cakɔ ji̱ lät kä duer.

Bok Go̱kä ni Yir-mɛ-yaa 51:10

Ci Kuoth Nhial cuɔ̱ŋdan nyoth, bia wanɛ jɛ lat ni kä Dha-yɔn ɛn la̱t Kuɔth Nhial ni Kuothdan.

Jiɛth 1:18

“Te Kuoth Nhial kɛ cuɔ̱ɔ̱ŋ, kɛ ɣöö cä ruacdɛ lo̱k. Kä liɛŋɛ jɛ yɛn nɛy diaal, guɛcɛ cuɔ̱cdä. Ca ŋuɛ̈tni wutni kä kɛnɛ nyieekä naŋ ala pɛ̈ɛ̈c.

Liib 26:41

kɛ kui̱ ɛmɔ cä kɛ thɛr kä cä kɛ nööŋ muun ji̱ tɛ̈riɛn, ɛ ni mi ci lo̱ckiɛn ti jiäk rɔ ri̱t kɛ dueerkiɛn

Mɛ̈l 3:18

Kä bia dääk lɛni nɛn bä kam raam mi tëë cuŋ kɛnɛ ram mi thil cuŋ, kɛnɛ kam raam mi ŋääth Kuoth kɛnɛ ram mi /ci Kuoth ŋäth.”

1 Kor 4:5

Kɛ kui̱ ɛmɔ, /cu luk ŋok mi /ken gua̱a̱thdɛ ni ben. Li̱epɛ amäni mi ci Kuäär ni Yecu ben. Jɛn bɛ ŋɔaani tin ca tɛ̱̈ɛ̱̈ täämɛ rɛy muɔ̱th nööŋ rɛy buɔyä, kä bɛ cär lo̱cni jakä jɔc. Kä bi ram ɔ liakdɛ jek kä Kuoth.

2 Tim 4:8

A tɛmɛ ni ɛn täämɛ a wä nhiam ca kum kuäärä cuŋni tɔ̱a̱w ɣä, min bi Kuäär ni Yecu in la luuk cuŋni jɛ ka̱m ɣä ɛn cäŋ ɛmɔ, kä /ciɛ ɣän kärɔa, amäni nɛy diaal tin liɛpkɛ jɔacdɛ bä.

Nyuuth 18:20

A lɔcdu tɛth kɛ kui̱dɛ, lö nhial, yɛn nɛy tin ci Kuoth kɛ lɛy, kɛ ja̱a̱k kɛnɛ göök! Kɛ ɣöö ci Kuoth ɛ kuɛth kɛ kui̱ kä min cɛ lät kä yɛ.”

1 Tham 24:15

Kɛ kui̱c ɛmɔ bi Kuoth Nhial kamdan luk, kä bɛ jɛ guic, bɛ ɣä gaŋ, kä bɛ ɣä kän kä ji̱.”

1 Tham 25:39

Kä mëë ci Dee-bid ɛ liŋ i̱ ci Na-bal li̱w, cuɛ wee i̱, “Puɔ̱th akɛ Kuoth Nhial in ci Kuëthdä min cä jek kä Na-bal col, kä cɛ ja̱ŋdɛ gaŋ kä mi jiääk. Ci Kuoth Nhial jiäk Na-bal luɔc ni wi̱i̱dɛ.” Kä cu Dee-bid Ä-bi-ga-yil jäk kä riet, thiecɛ jɛ kɛ ɣöö derɛ jɛ kuɛn ala ciekdɛ.

1 Tham 26:10

Kä cu Dee-bid wee i̱, “Nikɛ ciöt Kuɔth Nhial in tëk, bi Kuoth Nhial jɛ näk, kiɛ bi cäŋ liethdɛ ben. Kiɛ ba jɛ näk ko̱o̱r.

1 Tham 3:18

Inɔ cu Tha-muɛl jɛ la̱t ti diaal thilɛ mi cuɛ tëë kä jɛ. Kä cu Eli wee i̱, “Ɛ Kuoth Nhial. A jɛ lät mɔ gɔaa kɛ jɛ mɔ.”