Mikaa 7:8 - RUAC KUƆTH IN RƐL RƆ

⁸ Ɛ lɔcdun /ci tɛth kɛ ɣä lö ji̱ tɛ̈rä, a cäŋ cä tɛɛth ɣän bä rɔ lɛni jiɛc bä. Kä mi wa̱a̱ wä nyuur rɛy muɔ̱th, bi Kuoth Nhial a buaydä.

Mikaa 7:8 Iomraidhean Croise

I-yob 31:29

“Kä ɣän /ken lɔcdä met tɛɛth kɛ da̱k gua̱n tɛ̈rä, kä /ka̱n rɔ met liak kɛ ɣöö tëë kɛ riɛk.

Diit 112:4

Kä la buay ji̱ cuŋni a riaaw rɛy muɔ̱th, kɛ nɛy tin gɔw, kä kɔ̱c lo̱cni kä ji̱ cuŋni.

Diit 143:3

Ji̱ tɛ̈rä guɔ̱ɔ̱rkɛ ɣä, dhiɛlkɛ tëkdä ni piny, cikɛ ɣä jakä cieŋ ni rɛy muɔ̱th ce̱tnikɛ nɛy tëë ci li̱w ni wal.

Diit 20:8

Kɛn ca kɛ däk kä ba kɛ joc, duundɛ ɣöö bakɔ wä thi̱n kä bakɔ cuɔ̱ŋ ɛ bum.

Diit 27:1

Kuoth ɛ buaydä kä ɛ käändä, ɛŋa mi bä dual kɛ jɛ? Kuoth Nhial ɛ gääŋ yieynikä, kuɛ la ŋa bä dual kɛ jɛ mɔ?

Diit 35:19

/Cu ji̱ tɛ̈rä tin jiäk jak kä liakɛ rɔ̱ kɛ juɔ̱cdä, kiɛ ɛ nɛy tin lo̱kɛ ɣä baŋ /ca waŋ ɣär kɛ kui̱dä.

Diit 37:21

La ŋuäl gua̱n nyuɔɔni, kä /cɛ jɛ bi luɔc jɔk, duundɛ ɣöö jɛn gua̱n cuŋni la muc ni jɛn.

Diit 37:24

Cäŋ ba kɔa̱a̱th kɔ̱thikä, /cikɛ bi tëth kɛ wuɔ̱thkiɛn, kɛ ɣöö rɔm Kuoth Nhial tetkiɛn.

Diit 38:16

Kä cua̱ pal wa̱a̱ i̱, “/Cukɛ jak kä ba ɣä dɔl, kɛn nɛy ti la liakɛ rɔ̱ ti mi ca ɣä joc.”

Diit 84:11

Kɛ ɣöö Kuoth Nhial ni Kuoth ce̱tdɛ kɛ cäŋ kɛnɛ ko̱t, jɛn la ŋunɛ gɔɔy kɛnɛ luth. Thilɛ mi gɔaa mi la Kuoth Nhial jɛ a pen nɛy tin thil bɛ̈ɛ̈l.

Diit 97:11

Kä buay ɛ duŋ ji̱ cuŋni, kä tɛ̈th lɔaac ɛ duŋ nɛɛni tin gɔw lo̱ckiɛn.

I-ca-yaa 2:5

Lö dhɔr Je-kɔb, bër wanɛ ja̱l rɛy buɔyä Kuɔth Nhial!

I-ca-yaa 49:9

bä ji̱ yieenä jiök i̱, ‘Bia raar,’ kä bä nɛy tin cieŋ rɛy muɔ̱th jiök i̱, ‘Bia rɛy buɔyä.’ Bikɛ laak gëëkni duɔ̱pni, pääm diaal tin car caar ba gua̱a̱th la̱kdiɛn.

I-ca-yaa 50:10

Ɛŋa rɛydun luth Kuoth Nhial ɔ mɔ dëë jɔw jäŋädɛ liŋ ɔ, ram ɔ jäl rɛy muɔ̱th mi thil buay ɔ, kä ci ŋa̱thdɛ la̱th kä Kuoth Nhial ɔ mɔ ci rɔ thieŋ Kuothdɛ mɔ?

I-ca-yaa 9:2

Nɛy tin te rɛy muɔth, ca buay mi di̱i̱t nɛn, kä nɛy tin cieŋ däär muɔ̱th ci buay ben kä kɛ.

Bok Go̱kä ni Yir-mɛ-yaa 48:27

Kä /ciɛ ji̱n ɛ nëë la I-thɛ-rɛl a yaak? Ɛ ca ku jek rɛy kuëëli, mɔ la ki̱i̱thi wi̱cdu mi ruaci kɛ kui̱dɛ?

Bok Go̱kä ni Yir-mɛ-yaa 50:11

“Ɛ cäŋ kuɛ̈ɛ̈ ŋa̱th, kä kuɛ̈ɛ̈ rɔ̱ liak, lö yɛn nɛy tin pɛ̈cɛ nɛɛkä, kä cäŋ ɛmɔ kuɛ duth dɔ̱l yɛn ce̱tnikɛ jua̱ljio̱k ɔ, kä kuɔm yɛn ce̱tkɛ jio̱ŋko̱o̱ri,

Bok Go̱kä ni Yir-mɛ-yaa 8:4

Kä cu Kuoth Nhial ruac kɛ ɣä i̱ wër jio̱kni kɛ i̱, “Mi ci naath tëth, /cikɛ rɔ̱ la nyɔk kɛ mi jiackɛ rɔ̱? Kä mi ci raan wä dup mi jiääk, /cɛ la lunyɛ jɔk?

Yɛdh 25:6

Kɛ kui̱ ɛmɔ, cu Kuäär ni Kuoth Nhial mɛmɛ lar ɛn ɣöö, ‘Kɛ ɣöö cia tetkun pat, kä cia ciökun dua̱c piny, kä tɛth lo̱ckun kɛ kui̱ jiäkni diaal tëë ci tuɔɔk muun I-thɛ-rɛl,

Yɛdh 35:15

Kɛ min tɛth lo̱ckun kɛ mun ji̱ thuɔk duëël I-thɛ-rɛl kɛ ɣöö ca jɛ päl baaŋ, ɣän bä lät kɛ ji̱ ce̱tnikɛ min göörä. Ɣän bä ji̱ jakä pa̱lkɛ a thil raan ji̱n päm Ɛ-dɔm, ji̱n ro̱l ɛmɔ ni kɛɛliw. Kä bia jɛ cu ŋa̱c ɛn ɣöö ɛ ɣän Kuoth Nhial.”

Yɛdh 36:5

Kɛ kui̱ ɛmɔ, lar Kuäär ni Kuoth Nhial ɛ wëë i̱, ‘Ɣän ruacä a jiäk kɛ tiɛla min bɛc bɛc kɛ duɔth dööri ti̱ti̱, kä gakä kɛ ji̱ Ɛ-dɔm diaal, tëë ca mundä ka̱n ala duŋdiɛn nikɛ tɛ̈th lɔaac mi di̱i̱t, kɛ ɣöö bikɛ dɔr walkɛ min gɔaa ka̱n.’

A-mɔth 9:11

Ci Kuoth Nhial ɛ lar i̱, “Ɛn cäŋ ɛmɔ, bä bi̱lɛ Dee-bid in ci ria̱p cuŋ, kä bä kuiilkɛ diaal buɔt, kä bä pa̱nykɛ cuɔ̱ŋ, kä bä jɛ nyɔk kɛ lätni nikɛ ta̱a̱dɛ mëë walkä.

Obad 1:12

Dämuɔɔri tin te kä Juda, /ci kɛ dee kuɔ̱m waŋ kɛ cäŋ däkädiɛn, kä /ci lɔcdu dee tɛɛth kɛ cäŋ rikädiɛn, kä /ci kɛ dee dɔl kɛ jiɛ̈th lɔaacdiɛn.

Mikaa 4:10

Kä kuin rɔ lö nya Dha-yɔn, ce̱tkɛ ciek mi dap. Kä täämɛ bi wec ba̱ny piny, kä bi wä ciɛŋ ni piny wec, kä bi wä kä Bɛ̈-bi-lɔn. Ɛn wi̱ni ba ji̱ wä luäk, kä bi Kuoth Nhial ji̱ wä luɛl tetni ji̱ tɛ̈ru.

Mikaa 7:10

Kä bi gua̱n tɛ̈rä jɛ cu nɛn, kä bɛ cu pöc ɛn ram in ci ɣä jiök i̱, “Kuoth Nhial Kuothdu a nikä?” Bä cu guic ala mi caanyä, kä bä cu dɔny kä piny ce̱tkɛ tuäk duɔ̱p.

Dhɛk 12:8

Kä ɛn cäŋ ɛ mɔ, bi Kuoth Nhial ji̱ Jɛ-ru-tha-lɛm gaŋ, kä bi kɔ̱a̱c kɔ̱a̱a̱ckiɛn ce̱tnikɛ Dee-bid, kä bi gaat Dee-bid kɛ bo̱th ce̱tnikɛ jääk Kuɔth Nhial, kiɛ ce̱tnikɛ Kuoth puɔ̱nydɛ.

Mɛ̈l 4:2

Kä yɛn tin luɔ̱thkɛ ciötdä, bi buɔ̱m luäŋädä lɛ̈p ce̱tkɛ cäŋ mi buɔy lɛ̈pdɛ bia wä raar yuɔ̱ɔ̱rɛ rɔ̱ ce̱tkɛ kɔ̱a̱l mi tuk.

Mɛ̈t 4:16

Nɛy tin te nyuurä rɛy muɔ̱th cikɛ buay mi di̱i̱t nɛn, kä kɛ kui̱ nɛɛni tin ci nyuur rɛy ti̱pä li̱eth, ci buay ben kä kɛ.”

Jɔ̱ɔ̱n 16:20

Ɛpuc ɛpuc, ɣän la̱rä jɛ yɛ, bia wiee, kä bia pa̱r, kä bi ji̱ ɣɔaa lo̱ckiɛn tɛɛth. Bia tekɛ bɛ̈c lɔaac, kä bi bɛ̈c lɔaacdun rɔ̱ loc ni tɛ̈th lɔaac.

Jɔ̱ɔ̱n 8:12

Cu Yecu lɛni ruac kɛ kɛ, wëë i̱, “Ɛ ɣän buay ɣɔaa. Kä ram mi guur ɣä /cɛ bi ja̱l rɛy muɔ̱th, bɛ tekɛ buay teekä.”

Lät Jaakni Yecu 26:18

Kä bi wäŋkiɛn lɛp, kɛ ɣöö dee kɛ rɔ̱ ri̱t kä muth kä dee kɛ wä buɔyä, kɛnɛ rietdiɛn kɛ rɔ̱ kä buɔ̱m Cɛy-tan, wädiɛn kä Kuoth, kɛnɛ ɣöö dee kɛ päl dueeri jek, kɛnɛ gua̱a̱th rɛy nɛɛni tin ca lɛy kɛ ŋa̱thdiɛn kɛ ɣä.’ ”

2 Kor 4:6

Kɛ ɣöö ɛ Kuoth ɛn ni̱n lar jɛ i̱, “A buay riaw kä muth,” ɛ jɛn Kuoth ci buaydɛ jakä buɔy rɛy lo̱cnikɔn, kɛ ɣöö bɛ kɔn nöŋ ŋäc buɔyä Kuɔth min buɔy nhiam Yecu Kritho.

2 Kor 4:9

Kä cakɔ ciɛŋ a jiäk, kä duundɛ ɣöö /ka̱n kɔ päl, cakɔ duäc a bɛc, kä duundɛ ɣöö /ka̱n kɔ näk.

Nyuuth 21:23

Kä /ci wec buay ca̱ŋ kɛnɛ pay lɛ go̱r, kɛ ɣöö gɔɔy puɔnyä Kuɔth ɛ jɛn la buaydɛ mɔ, kä lɛmbärɛ ɛ Ruath Dɛ̈ɛ̈l.

Nyuuth 22:5

Bɛ cu thil wäär. Kä /ci naath buay lɛmbärä kiɛ cäŋ bi lɛ go̱r, kɛ ɣöö bi Kuäär ni Kuoth a buaydiɛn, kä bikɛ ruëc a thil pek.