Mikaa 7:6 - RUAC KUƆTH IN RƐL RƆ

⁶ Kɛ ɣöö ciɛŋ gaat gua̱ni ce̱tkɛ dɔa̱a̱r, kä ŋɛ̈ɛ̈ny nyal kɛ man, kä gak ciek kɛnɛ manthudɛ. Kä ji̱ tɛ̈r ran bikɛn a ni ji̱ dhɔaarɛ.

Mikaa 7:6 Iomraidhean Croise

Tuk Cäkä Ɣɔaa 49:4

Ci ji̱n a lɛny lɛny ce̱tkɛ pi̱ nyɔac, /ci rɔ bi nyɔk kɛ di̱t rɛy gankä, kɛ ɣöö ci män guur ka̱n, kä inɔ, ci thil luth kɛ kölkä.

2 Tham 16:11

Kä cu Dee-bid Ä-bi-cay jiök kɛnɛ ji̱ kɔarɛ diaal i̱, “Nɛ̈n ɛ jɛ, gatdä pa̱ny go̱rɛ näkdä. Dërɛ kulɛ ga̱a̱c i̱di kɛ raan Ben-ya-min! Pa̱lɛ jɛ kärɔa, a kueth. Kɛ ɣöö ci Kuoth Nhial ɛ la̱r jɛ.

Diit 41:9

Ɛ cäŋɛ ni mäthnikä tin ŋa̱a̱thä tin cakɔ mi̱th ni kɛɛl, cikɛ rɔ̱ ri̱et ɣä ala ji̱ gaakdä.

Ruac Pɛli 30:11

Tëëkɛ nɛy ti kuëthkɛ gua̱ni, kä /ca mani nhɔk.

Ruac Pɛli 30:17

Kä ram mi dɔl gua̱n kä lo̱k man, ba waŋdɛ lööl raar ɛ jakɔa̱a̱k, kä ba jɛ cam ɛ nyoŋgool.

I-ca-yaa 3:5

Kä bi naath rɔ̱ yak kärɔ̱, ba ram ɔ yak ɛ ram ɔ kä ba ram ɔ yak ɛ gua̱n thieekädɛ. Kä bi ŋuɛ̈t ram mi di̱i̱t yak, kä /ci ram mi duɛk ram mi tekɛ luth bi luɔ̱th.

I-ca-yaa 9:19

Kɛ ŋɛ̈ɛ̈ny Kuɔth Nhial in la Ruey Ɣɔaa cɛ mun waŋ, cu naath kula tɔŋ maac, thilɛ ram mi dëë däman luäk.

Bok Go̱kä ni Yir-mɛ-yaa 12:6

Cäŋɛ ni gaatmuɔɔr kɛnɛ ji̱ ciëŋdun, kɛn ca̱pkɛ ji̱ kä mi jiääk. Kɛn görkɛ däkdu ɛlɔ̱ŋ, cu kɛ ŋäth, a cäŋ lat kɛn ruac mi gɔaa kɛ ji̱.”

Bok Go̱kä ni Yir-mɛ-yaa 20:10

Kɛ ɣöö ɣän liɛŋä jiööth ti nyin ŋuan wä kɛ i̱, “Riɛk a kui̱ni diaal! Lar nɛ jɛ! Wanɛ jɛ lar!” Mäthnikä diaal liɛpkɛ ni pɛ̈ɛ̈ndä, wä kɛ i̱, “Dɔ̱ŋ ba jɛ mɛt a banɛ jɛ cu tiam, kä banɛ rɔ̱ cu col kɛ jɛ.”

Bok Go̱kä ni Yir-mɛ-yaa 9:4

Ɛ ramɔ tiit määthdɛ, kä ɛ raan /ci däman ŋäth, kɛ ɣöö dämani nath kɛ ji̱ mɛɛtkä, kä määth ran latdɛ ti jiäk kɛ kui̱du.

Yɛdh 22:7

Kä /ca gua̱ni nath kɛnɛ mani nath luth rɛydu. Kä ciaŋkɛ jur tin cieŋ rɛydu a jiäk. Kä rɛ̈tni kɛnɛ män jɔɔkni thilkɛ luɔt rɛydu.

Obad 1:7

Kä bi ji̱ kɔaaru ji̱ mɛ̈t, kä bikɛ ji̱ juɔc ni këth, ba ji̱ wän pɛl ɛ ji̱ maarädu, kä bikɛ ca̱pdu kuëŋ, kä bikɛ nyuaakdu jak kä dhuur ciökniku, kä bikɛ ŋɛ̈r i̱, ‘Jɛn thilɛ mi ŋäcɛ.’ ”

Mɛ̈t 10:21

Bɛ tekɛ nɛy ti bi dämani gɔany li̱th, kɛnɛ wutni ti ba gaatkiɛn luɔm. Kä bi gaat tekɛ tɛ̈r kɛ diëëthkiɛn, kä bikɛ gua̱ni jakä li̱w.

Mɛ̈t 26:23

Cuɛ jɛ loc i̱, “Ɛ jɛn ram in ci jiɔam rɛy tokä kɛ ɣä kɛɛl ɛ ni̱n bi ɣä kɔak.

Luk 12:53

Kɛn, bakɛ da̱a̱k, bi gua̱n gatdä tekɛ gɛ̈m kɛnɛ gatdɛ, kä gat kɛnɛ gua̱n, kɛ man kɛnɛ nyaadɛ, kɛ nyal kɛnɛ man, kä bi manthu gɛɛm kɛnɛ ciek gatdɛ, kɛ ciek gatdä kɛnɛ manthudɛ.”

Luk 21:16

Kä cäŋɛ ni diëëthkun, kɛnɛ dämuɔɔri kɛnɛ watkun kɛ mäthnikun bikɛ yɛ kɔak, kä bikɛ tha̱a̱ŋdun näk.

Jɔ̱ɔ̱n 13:18

Ɣän /cä ruac kɛ kui̱dun yɛn diaal, ɣän ŋa̱cä nɛy tin cä mɛk. Duundɛ ɣöö bi ruaacni Kuɔth tëë ca gɔ̱r a thuɔ̱k mëë wee i̱, ‘Ram mi ci mi̱eth cam kɛ ɣä kɛɛl, cuɛ ɣä la̱t jiäk kɛ ka̱p ŋul cio̱kädɛ nhial kɛ kui̱dä.’