Mikaa 7:18 - RUAC KUƆTH IN RƐL RƆ

¹⁸ Kä ɛ Kuoth in mith dee ce̱tkɛ ji̱ mɔ kɛ päl dueeri kɛ duɔth nɛɛnikɛ tin la nyinkɛ? Kä /ci gakdu la rɔmi amäni cäŋ kɛl, kä la nyuthi ni nɛɛku nhök mi thil pek.

Mikaa 7:18 Iomraidhean Croise

I-ca-yaa 43:25

“Ɛ ɣän, ɛ nëë päl dueerkun diaal kɛ ca̱r lɔaacdä, ɣän /cä dueerkun bi tim.

I-ca-yaa 44:22

Ɣän cä dueerku lɔak jɔ̱ɔ̱r ce̱tnikɛ pua̱r, kä cä jiäku woc ce̱tnikɛ ruur, luɔ̱nyɛ kä ɣä kɛ ɣöö cä yɛ luɛl.

Bok Go̱kä ni Yir-mɛ-yaa 50:20

Kɛn ni̱ni tɔ̱tɔ̱ ɛn guäth ɛmɔ, cu Kuoth Nhial ɛ lar ɛn ɣöö ba dueer I-thɛ-rɛl go̱r, kä thilɛ mi bi jek, kä ba dueer Juda go̱r, kä thilɛ mi ba jek. Kɛ ɣöö ɣän bä nɛy tëë ci kään pälikä.’

Bok Go̱kä ni Yir-mɛ-yaa 32:41

Kä bi lɔcdä tɛɛth kɛ lätnikiɛn kä mi gɔaa, kä bä kɛ yop ɛn muun ɛmɛ kɛ ŋa̱th mi di̱i̱t ɛlɔ̱ŋ, kɛ lɔcdä kɛɛliw kɛnɛ ti̱eydä.

Bok Go̱kä ni Yir-mɛ-yaa 3:12

Ji̱n wër lat rieet ti̱ti̱ kui̱ caam, jio̱kni jɛ i̱, ‘Ri̱t rɔ lö I-thɛ-rɛl mi thil ŋa̱th. Ɣän /cä ji̱ bi guic gaak, kɛ ɣöö ɛ ɣän ram mi kɔ̱c lɔc. Ɣän /ci gakdä bi te thi̱n amäni cäŋ kɛl.

Ɣöth 15:11

“Kua ŋa mi ce̱t ji̱, ji̱n Kuoth Nhial, rɛy kuthni? Kua ŋa päär ji̱ mɔ, mäni rɛy gɔɔyädu kɛɛliw, kɛ rɛy lätniku tin gɔw, kɛnɛ lätku tin ga̱ykɛ naath?

Diit 89:8

Kä lö Kuoth Nhial in la Ruey Ɣɔaa, ɛŋa mi bum ce̱tkɛ ji̱n Kuoth Nhial? Kä gɔɔydu tëë ni gekädu.

Diit 86:15

Duundɛ ɣöö ɛ ji̱n Kuoth mi gɔaa kä tekɛ pälikä, Kuoth mi kuiy gakdɛ kä tekɛ nhök mi di̱i̱t mi thil pek kɛnɛ ŋa̱th.

Diit 65:3

Mi wä lät jiäknikɔ nɛy wä puɔ̱t, päli kɔ nyuɔɔnkɔ.

Diit 89:6

Kä ɛŋa nhial dëë pa̱a̱r kɛ Kuoth Nhial ɔ? Ɛŋa kä nɛy diaal tin te puɔ̱ɔ̱rä cäätkɛ Kuoth Nhial ɔ?

Luk 24:47

Kä kɛ ciötdɛ ba ruac ri̱tdä nath dueeri kɛnɛ pälikä dueeri la̱t döör diaal, a tuɔkɛ jɛ nikä Jɛ-ru-tha-lɛm.

Mikaa 4:7

Kä bä tin ci duɔth jak kä kuay, kɛnɛ nɛy tin ca buath raar ɛ do̱r mi bum bum. Kä bi Kuoth Nhial kɛ ruac wi̱i̱ pa̱a̱m Dha-yɔn ɛn cäŋ ɛmɔ amäni cäŋ kɛl.

Mikaa 2:12

Kä ɣän ɛ puc bä yɛ ruɔ̱ɔ̱l yɛn diaal lö ji̱ I-thɛ-rɛl, ɛ puc ɣän bä duɔth ji̱ I-thɛ-rɛl ma̱a̱t. Ɣän bäkɛ ruɔl guäth kɛl ce̱tkɛ rɔɔm rɛy luaak, ce̱tnikɛ det rɛy tɔ̱ɔ̱rä, kä bi mun thia̱a̱ŋ kɛ nɛy ti ŋuan.

Yɛdh 33:11

Kä läri jɛ kɛ, ɛn ɣöö ce̱tnikɛ tëkdä, ɣän Kuäär ni Kuoth Nhial ɛn ɣöö, ɣän thilɛ mi nhɔakä kä lia̱a̱ ji̱ nyuɔɔni, mi cikɛ rɔ̱ ri̱t kä dueerkiɛn kɛ ɣöö bikɛ tëk, rietdɛ rɔ̱, rietdɛ rɔ̱ kä lät dueerikun, kɛ ɣöö ɛŋu bia li̱w ɔ lö thok duëël I-thɛ-rɛl?

1 Kua̱r 8:23

Kä cuɛ wee, “Aɣ Kuoth Nhial min la, Kuoth I-thɛ-rɛl, thilɛ Kuoth mi päär kɛ ji̱, puɔ̱rä nhial kiɛ wi̱c muɔ̱ɔ̱n piny, mi tiit gukdɛ, kä nyuth nɛɛkɛ tin guɔ̱ɔ̱rkɛ jɛ kɛ lɔcdiɛn kɛɛliw nhök mi thil pek.

Ŋuɔ̱t 33:26

Thilɛ Kuoth mi cäät kɛ Kuoth ji̱ I-thɛ-rɛl, mi jäl nhial kɛ ɣöö bɛ yɛ luäk, kɛ gɔɔydɛ rɛy puɔ̱rä nhial.

Je-mɛth 2:13

Kɛ ɣöö bi luk thil kɔ̱a̱c lɔaac kɛ kui̱ raam mi /ken kɔ̱a̱c lɔaac nyoth, kä kɔ̱a̱c lɔaac tiamɛ luk piny.

Dhɛp 3:17

Te Kuoth Nhial ni Kuoth I-thɛ-rɛl kɛɛl kɛ ji̱, ɛ wääth köör la ŋunɛ juc nath. Kä bi lɔcdɛ tɛɛth rɛydun kä kɛ nhökdɛ bɛ yɛ moc tëk mi pay tuɔɔk. Kä bɛ yɛ puany kɛ jɔw mi di̱i̱t kɛ dit.

Mikaa 7:14

Yien nɛɛku kɛnɛ detku kɛ kɛɛtdu, lö Kuoth Nhial, tin cieŋ kärɔ rɛy ruɔ̱ɔ̱p, rɛy muɔ̱ɔ̱n mi tëë wal. Jak nikɛ kä läk kä Ba-can kɛnɛ Gil-yad ce̱tnikɛ ni̱n tëë wal.

Jona 4:2

Kä cuɛ Kuoth Nhial jiök i̱, “Kuoth Nhial, nɛmɛ, /ciɛ jɛn ëë laarä ni mëë ta̱a̱ dhɔra ɛn ɣöö bi ji̱n la̱t niɛ nɛmɛ? Ɛ jɛn ɛ nëë barä ni rɔɔdä kä Tar-cic, kɛ ɣöö ŋa̱cä jɛ ɛn ɣöö ɛ ji̱n Kuoth nho̱kä kɛnɛ kɔ̱a̱c lɔaac, Kuoth mi tekɛ dhi̱eel gua̱thni diaal, kä gua̱thni diaal nhökdu thilɛ jɛ pe̱k, kä /ci gal kɛ mi luuci ca̱ru piny kä mi ci lar ɛn ɣöö bi naath moc kɛ riɛk.

Yo-el 2:32

Kä kɛn tin diaal tin cɔalkɛ ciöt Kuɔth Nhial bikɛ cu kään, nikɛ mëë ci Kuoth Nhial ɛ lar ba ka̱n jek pääm Dha-yɔn kɛnɛ rɛk Jɛ-ru-tha-lɛm, rɛy nɛɛni tin ci kään ba tha̱a̱ŋkiɛn kuany ɛ Kuoth Nhial.”

I-ca-yaa 57:16

Kɛ ɣöö cä bi göny amäni cäŋ kɛl, kä /cä bia̱ gakä ni ciaŋ, kɛ ɣöö yiëë ran kɔ̱cɛ nhiamdä, ɛn yiëë ran in cä cak.

Diit 86:5

Kɛ ɣöö ɛ ji̱n ram mi gɔaa kä tekɛ pälikä, moc nɛy tin cɔalkɛ ji̱ kɛ nhökdu min thil pek.

Bok Go̱kä ni Da-ni-yel 9:9

Kä ji̱n Kuothda ti̱i̱kɛ kɔ̱a̱c lɔaac kɛnɛ pälikä, a cäŋ cakɔ rɔ̱ luɔ̱c ji̱.

Bok Go̱kä ni Yir-mɛ-yaa 3:5

A bi ku gaak ni ciaŋ, ɛ bi gakdu ku te thi̱n amäni cäŋ kɛl?’ Kä nɛnɛ, ɛ jɛn ruacdu ɛn nɛmɛ, kä curi la̱t ni jiäk diaal tin luäŋi kɛ lätni.”

I-ca-yaa 65:19

Bi lɔcdä tɛɛth kɛ Jɛ-ru-tha-lɛm, kä bi lɔcdä gɔaa kɛ nɛɛkä, /ca wiee bi nyɔk kɛ li̱eŋ thi̱n, kä /ca jɔw jiɛthkä lɔaac bi nyɔk kɛ li̱eŋ thi̱n.

I-ca-yaa 55:7

kä ɛ la̱a̱t jiäkni pa̱lkɛ dupkiɛn, kä ɛ nɛy tin thil cuŋ pa̱lkɛ cärkiɛn, akɛ loc kä Kuoth Nhial, dɔ̱ŋ bɛ tekɛ kɔ̱a̱c lɔaac kɛ kɛ, akɛ bä kä Kuothdan, kɛ ɣöö tëë kɛ pälikä mi di̱i̱t.

I-ca-yaa 1:18

Cu Kuoth Nhial wee i̱, “Bër ruacnɛ kɛ kui̱ kä ti̱ti̱, cäŋ ni mɔ tith dueerku ce̱tnikɛ riɛm ɔ, bikɛ buay ce̱tnikɛ cak, kä cäŋ tithkɛ ce̱tnikɛ töc, bikɛ buay ce̱tnikɛ kën.

Diit 130:4

Duundɛ ɣöö la päli dueer nath, kɛ kui̱c ɛmɔ ba ji̱ luɔ̱th.

Diit 71:19

Kä cuŋku kɛnɛ buɔ̱mdu cikɛ räth ni nhial puɔ̱ɔ̱rä lö Kuoth. Ji̱n ci ti ga̱ykɛ naath la̱t, Kä ɛŋa mi cäätkɛ ji̱ lö Kuoth?

Nɛ-ɣɛm-yaa 9:17

Cukɛ lieŋdɛ lo̱k kä /kenkɛ tëë ga̱ykɛ naath tëë ci la̱t rɛydiɛn tit. Cu buɔ̱m ni wuɔ̱thkiɛn a ba kuëny ni rɔ̱ bo̱o̱th mi lockɛ kuaanyä kä I-jëp. Duundɛ ɣöö ɛ ji̱n Kuoth mi tekɛ pälikä, kä tekɛ kɔ̱a̱c lɔaac kä kuiy gakdɛ kä tekɛ nhök mi di̱i̱t, ɛ jɛn /keni kɛ ba̱ny piny ɔ.

Ɣöth 34:9

Cuɛ wee i̱, “Aɣ, Kuäär ni Kuoth täämɛ ɣän mi jekä gɔɔy lɔaac kä ji̱, kua läŋ ni ji̱, kuäär, ku wä cieŋ rɛyda, cäŋ lapkɔ nɛy ti bum wuɔ̱thkiɛn bä, kä päli kɔ jiäkɔ kɛnɛ dueerkɔ, kä käni kɔ ala nyinku pa̱ny.”

Ji̱ Röm 11:4

Kä ci Kuoth ɛ loc i̱di? Cuɛ wee i̱, “Cä rɔɔdä ka̱p nɛy ti bathdɔɔri da̱ŋ bärɔw ti /ka̱n rɔ̱ ka̱m mua̱a̱l kɛ kuoth Baal.”

Luk 15:32

Kä banɛ ŋar kä bi lo̱ckun tɛɛth, kɛ ɣöö dämuɔɔr ɛmɛ, cɛ li̱w kä cɛ tëk, cɛ bath kä ca jɛ jek.’ ”

Mikaa 5:3

Kɛ kui̱c ɛ mɔ, bɛ nɛɛkɛ päl amäni mi ci gua̱a̱th in bi dap kɛ ram in dap gatdɛ dap. Ɛ jɛn bi duɔth gan man kulɛ luny rɛy ji̱ I-thɛ-rɛl ɔ.

A-mɔth 8:2

Cu Kuoth Nhial ɣä thiec i̱, “Ɛŋu mi nɛɛni, A-mɔth?” Kä cua wee i̱, “Ɛ diëny mi thiäŋ kɛ dɛy wal guutdä ŋër.” Ɛ jɛn, cu Kuoth Nhial ɣä ku jiök i̱, “Ci guut nɛɛnikä ni ji̱ I-thɛ-rɛl gua̱a̱thdɛ cop, /cä kɛ bi lɛ nyɔk kɛ pälikä.”

A-mɔth 7:8

Cuɛ ɣä thiec i̱, “A-mɔth, ɛ lɛ ŋu mi nɛɛni?” Kä cua jɛ loc i̱, “Ɛ theem cuŋä.” Ɛ jɛn cuɛ ku wee i̱, “Nɛn ɛ, ɣän bä theem cuŋä nɛmɛ cuŋ däär nɛɛnikä ni ji̱ I-thɛ-rɛl. /Cä kɛ bi nyɔk kɛ pälikä.

Bok Go̱kä ni Yir-mɛ-yaa 31:34

Kä /ci raan gua̱n thieekädɛ kɛnɛ däman bilɛ ŋi̱eec a wëë i̱, ‘Ŋäcni Kuoth Nhial’, kɛ kui̱ kä ɣöö kɛn diaal ba ɣä ŋa̱c ɛ kɛn nikä gaat ti tɔatni amäni dɔŋkiɛn. Kɛ kui̱c kä ɣöö ɣän bä dueerkiɛn päl, ɛ puc /cä kɛ bi nyɔk kɛ ti̱em.” Ruac ni ɣän Kuoth Nhial.

I-ca-yaa 57:10

Curi cuuc kɛ bär duɔ̱pdu, duundɛ ɣöö /keni wee i̱, “Thilɛ jɛ luɔt”, curi rɔ nyɔk kɛ jek buɔ̱m, kɛ kui̱c ɛmɔ /keni rɔ ka̱p cuɔ̱ŋ.

I-ca-yaa 40:25

Kä ɛŋa mi bia ɣän Kuoth ca̱a̱t kɛ jɛ, kiɛ ɛŋa mi la gua̱n päärädä? Ruac ni ɣän Kuoth in Rɛl rɔ.

I-ca-yaa 40:18

Kuɛ la ŋa mi päär kɛ Kuoth, kiɛ ɛŋu mi dëë kulɛ ca̱a̱t kɛ jɛ?

Diit 103:13

Ce̱tkɛ min la gua̱n gan a tekɛ kɔ̱a̱c lɔaac kɛ gaatkɛ, bi Kuoth tekɛ kɔ̱a̱c lɔaac inɔ bä kɛ nɛy tin luɔ̱thkɛ jɛ.

Diit 35:10

Kä cu cɔ̱w pua̱a̱nydä ruac i̱, “Ɛŋa mi ce̱tkɛ ji̱ lö Kuoth Nhial? Kän nɛy tin thil lua̱ŋ kä nɛy tin bumnikɛn kä kɛ, kɛn nɛy tin can kä thil lua̱ŋ känkɛ kä nɛy tin yɔaŋkɛ kɛ.”

Kuen 23:21

Thilɛ duer mi cɛ nɛn kä Je-kɔb, kä thilɛ riɛk mi cɛ nɛn kä I-thɛ-rɛl. Te Kuoth Nhial Kuothdiɛn kɛɛl kɛ kɛ. Kä te ruac Kua̱r rɛydiɛn.

Bok Go̱kä ni Yir-mɛ-yaa 38:8

Cu Ɛ-bɛd-mɛ-lɛk wä dhɔr kua̱r kä cuɛ kuäär wä jiök i̱,

I-ca-yaa 62:5

Ce̱tkɛ min la ŋuɛ̈t nyal a kuɛɛn, inɔ bi gaatku mundu kuɛn, kä ce̱tkɛ min la lɔc cɔa nyaal a tɛth kɛ ciekdɛ, inɔ bi Kuothdu lɔcdɛ tɛɛth kɛ ji̱.

Tuk Cäkä Ɣɔaa 4:7

Mi lätdi ni cuɔ̱ɔ̱ŋ, /ca la̱tdu dëë nhɔk? Kä min /ci lät ni cuɔ̱ɔ̱ŋ, duer a bi̱mä thok duëël a liipɛ ni ji̱, kä nɛn ɛ, ɛ wi̱cdu ɛn ɣöö bi jɛ puɔ̱t.”

2 Kuɛ̈n 6:21

Liŋ palä kɛnɛ pal nɛɛniku ni ji̱ I-thɛ-rɛl mi palkɛ a ca wuɔ̱thkiɛn riet ɛn guäth ɛmɛ. Liŋɛ ni nhial guäth cieŋädu, kä mi wi̱i̱ jɛ liŋ päli nɛy ikä.

2 Kuɛ̈n 30:9

Mi wä yɛn rɔ̱ riet Kuoth Nhial, bi dämuɔɔri kɛ gaatkun gɔɔy jek kä nɛy tin cikɛ pɛc, a bikɛ luny ɛn muun ɛ mi. Kɛ ɣöö Kuoth Nhial Kuothdun gɔaa ɛ, kä tëë kɛ pälikä. Cɛ rɔ bi ri̱t kä yɛ, mi wä yɛn luny kä jɛ.”

I-ca-yaa 33:24

Kä bɛ thil ram mi cieŋ kä Dha-yɔn mi bi wee i̱, “Ta̱a̱ kɛ juey”, kä ba dueer nɛɛni tin cieŋ ɛn wi̱ni päl.

I-ca-yaa 64:9

Ɛ gakdu /ci pal ɛlɔ̱ŋ lö Kuoth Nhial, kä /cu dueerkɔ lɛ tim amäni cäŋ kɛl, carɛ ɛn ɣöö kɔn diaal nɛɛku.

Bok Go̱kä ni Yir-mɛ-yaa 9:24

Kä ram mi liak rɔ, a rɔ liakɛ kɛ nɛmɛ, ɛ rɔ liakɛ kɛ ɣöö cɛ ɣä ŋa̱c, ɛn ɣöö ɛ jɛn ɣän Kuoth Nhial min tekɛ nhök mi thil pek, kɛ thuɔ̱k kɛnɛ cuŋ wi̱i̱ muɔ̱ɔ̱n. Kɛ ɣöö kɛn ti̱ti̱ nhɔakä kɛ, ruac ni ɣän Kuoth Nhial.”

Bok Go̱kä ni Yir-mɛ-yaa 31:20

“Ciɛ jɛn I-thɛ-rɛl min la gatdä min nhɔakä? Ciɛ jɛn gatdä min tɛth lɔcdä kɛ jɛ? Ɛ cäŋ ɛ min la ruacä ɛ jiäk kɛ kui̱dɛ, ɣän ŋuɔtdä kɛ mi tiɛmä jɛ. Kä inɔ lɔcdä carɛ ni jɛ, ɣän ɛ puc bä jɛ pälikä.

Bok Go̱kä ni Yir-mɛ-yaa 33:8

Kä bä dueerkiɛn tëë ci kɛn kɛ lät kä ɣä päl. Kä bä duer ëë ci kɛn ɛ dui̱r kɛ lo̱kdiɛn kɛ ɣä päl bä.

Yɛdh 18:23

Ɛ dëë lɔcdä ku gɔaa kɛ lia̱a̱ ji̱ dueeri ɛ /cä dëë ku go̱r ni ɣöö bikɛ rɔ̱ ri̱t kä dupkiɛn tin jiäk kɛ ɣöö bikɛ tëk? Ruac ni ɣän Kuäär ni Kuoth Nhial.

Ɣocä 14:2

Kä ka̱nɛ riet kɛ yɛ kɛɛl, kä rietdɛ rɔ Kuoth Nhial jiökɛ jɛ i̱, “Woc jiäkɔ diaal, kä nhɔk ni gɔy kɔ, kä bakɔ ji̱ liak.

A-mɔth 1:11

Nɛmɛ ɛ min lar Kuoth Nhial ɛ, “Kɛ ɣöö ci Ɛ-dɔm dueer kööt, /cä riɛkdɛ bi ka̱m thia̱k, kɛ ɣöö cɛ däman cuɔp lɛɛr kɛ ko̱r, a thil pälikä, kä ci waaŋ lɔaacdɛ kɛ däman ŋot thi̱n ni ciaŋ.

Ruëëc 10:16

Inɔ cukɛ kuth woc rɛydiɛn kä cukɛ pal ni Kuoth Nhial. Kä cuɛ bɛ̈c kä Kuoth ɛlɔ̱ŋ ɛn yaak ji̱ I-thɛ-rɛl.

Diit 65:4

Tɛ̈th lɔaac akɛ nɛy tin ci mɛk kä ci nööŋ kutdu, kɛ ɣöö bikɛ ben cieŋ rɛy kalu. Bakɔ ro̱ŋ kɛ gɔy dhɔaaru, luaakdu min rɛl gɔɔydɛ rɔ!

I-ca-yaa 38:17

Kɛ thuɔ̱k gɔaaɛ kɛ kui̱dä kɛ ɣöö cä cuuc ɛlɔ̱ŋ, kɛ nhökdu ci ɣä kän rɛy puɔ̱ɔ̱l däkä, kä ci dueerkä diaal ba̱ny jɔk.

Yɛdh 33:16

Thilɛ duer kɛl kä dueer tëë cikɛn kɛ la̱t mi ba nyɔk kɛ ti̱em ala mi jiääk kä kɛ. Kɛ ɣöö cikɛ la̱t ni ŋut kä mɔ cuɔ̱ɔ̱ŋ, ɛpuc kɛn bikɛ tëk.

Ɣocä 14:5

Kä bä cu ce̱tnikɛ thäc kɛ ji̱ I-thɛ-rɛl, kä bi gɔɔydiɛn ce̱tnikɛ tual wi̱i̱ pi̱i̱ni, kä bɛ ciökɛ yiath piny ce̱tkɛ jiɛn.