Mikaa 7:1 - RUAC KUƆTH IN RƐL RƆ

¹ Riɛk akɛ ɣä! Kɛ ɣöö cä ce̱tkɛ ram mi ruul dɛy jiɛɛn kɛ mey, rɛy kakä, a cɛ cu thil dɔw mi dëë cam, a cäŋɛ ni dɛy ŋɔ̱a̱p tin ciɛk, kɛ nhiam tin go̱o̱r lɔcdä kɛ.

Mikaa 7:1 Iomraidhean Croise

Diit 120:5

Riɛk akɛ ɣä kɛ ɣöö ciëŋä muun Mɛ-cɛk, ɛ ciëŋä rɛy ji̱ Ke-dhar.

Ruac Pɛli 20:6

Ŋuan ni nɛy tin latkɛ ŋa̱thdiɛn kɛ rɔ, kä dɔ̱ŋ dëë jek ni ram kɛl.

I-ca-yaa 17:6

Bɛ tekɛ bɛl ti doth thi̱n, ce̱tnikɛ min la tɛ̈ŋkɛ dɛy jiaath Ɔ-lip, min la wäŋ rɛw kiɛ diɔ̱k a doth yuanä, kä bi ŋuaan kiɛ dhieec duɔth, kä kaar jiaath mi tekɛ dɛy,” ruac ni ɣän Kuoth Nhial ni Kuoth I-thɛ-rɛl.

I-ca-yaa 24:13

Nɔmɔ ɛ jɛn bi tuɔɔkɔ, rɛy dööri diaal wi̱i̱ muɔ̱ɔ̱n, bɛ ce̱tnikɛ min la dɛy Ɔ-lip a puɔnkɛ, kiɛ min la dɛy buɔ̱cni a guɔ̱thkɛ.

I-ca-yaa 24:16

Liɛŋä diit kui̱ni diaal rɛy ɣɔaa, puanykɛ Kuoth, a Gua̱n cuŋni. Duundɛ ɣöö cua̱ wee i̱, “Ɣän li̱ewä, ɣän li̱ewä! Kä riɛk akɛ ɣä! Ci ji̱ la̱a̱t jiäkni lät a jiäk, kɛ ciaaŋ jiääkädiɛn luɔmkɛ naath.”

I-ca-yaa 28:4

Bi gɔɔy liakä bööthni ti̱ti̱ thuɔ̱k, bɛ jiɛn ce̱tnikɛ dɛy ŋɔ̱a̱p tin nhiam, tin la camkɛ mɔ cikɛ ciɛkɔ.

I-ca-yaa 6:5

Kä cua̱ wee i̱, “Riɛk akɛ ɣä! Kɛ ɣöö cä bath, ɛ ɣän ram mi jiäk thokdɛ kɛ ɣöö ciëŋä rɛy nɛɛni ti jiäk thukiɛn. Kä ŋotdɛ cua̱ kuäär ni Kuoth Nhial in la Ruey Ɣɔaa nɛn!”

Bok Go̱kä ni Yir-mɛ-yaa 15:10

Riɛk akɛ ɣä, kɛ ɣöö ci maar ɣä dap, ɣän ram mi bi ɣɔw kɛɛliw ruac kɛ jɛ! Ɣän ram mi thilɛ mi cä ka̱m raan kɛ ŋua̱l kä thilɛ mi cä ka̱n kɛ ŋua̱l, kä ŋotdɛ lam kɛn diaal ni ɣä.

Bok Go̱kä ni Yir-mɛ-yaa 24:2

Te dieny kɛl kɛ dɛy ti gɔw ɛlɔ̱ŋ, ti ce̱tnikɛ dɛy ŋɔ̱a̱p ti nhiam, te dieny in rɛwdɛ kɛ dɛy ti jiäk ɛlɔ̱ŋ, ti jiäk ti /ca dee cam.

Bok Go̱kä ni Yir-mɛ-yaa 4:31

Kä ɣän cä jɔw mi ce̱tkɛ jɔw ciëk mi dap liŋ, mi ce̱tkɛ pa̱c nyaal mi dap kɛ kɛ̱̈ɛ̱̈dɛ, cua jɔw nya Dha-yɔn liŋ ɛ yuuthɛ yieykɛ, kä cuŋɛ tetkɛ nhial wee i̱, “Riɛk akɛ ɣä! Naŋkɛ tëkdä ɛ luɔ̱ɔ̱c nath.”

Bok Go̱kä ni Yir-mɛ-yaa 45:3

mëë wi̱i̱ i̱, ‘Riɛk akɛ ɣä! Ci Kuoth Nhial ma̱t ni ɣä rik rɛy cucädä. Ɣän cä cuuc kɛ kui̱ riknikä kä thilɛ ɣä lɔ̱a̱ŋ.’

Bok Go̱kä ni Yir-mɛ-yaa 5:1

Kä cu Kuoth Nhial wee i̱, “Wiaa ja̱lɛ duɔ̱p Jɛ-ru-tha-lɛm, wiaa guicɛ jɛ agɔaa! Wiaa go̱rɛ gua̱th tin la naath a te thi̱n, mi tëë kɛ ram kɛl mi bia jek, ram mi lat cuŋ kä go̱o̱r ni thuɔ̱k, kɛ ɣöö ɣän dëë wec ɛmɛ pälikä.”

Ɣocä 9:10

Kä mëë jëkä I-thɛ-rɛl ce̱tdɛ nikɛ thoŋɛdit därdɔaar, kä mëë nɛ̈ɛ̈nä guuri, ce̱tkɛ nikɛ dɛy jiaath ŋɔa̱a̱p tin nhiam. Min cikɛ ben kä Baal-pɛ-or, cikɛ rɔ cu ley kuoth ni Baal. Kä cikɛ cu jiääk ce̱tnikɛ min nhɔk kɛn ɛ.

Kuen 18:13

Kɛn tin diaal tin ŋɛ̈rkɛ kɛ nhiam kä ca nöŋ ɣä, bikɛn a nyinku. Bi nɛy diaal tin gɔw dhɔru mi̱th thi̱n.