Mikaa 6:8 - RUAC KUƆTH IN RƐL RƆ

⁸ Kä jɛn cɛ ji̱ nyuɔ̱th ti gɔw ji̱n raan. Kä ɛŋu go̱o̱r Kuoth Nhial ɛ kä ji̱ mɔ? Ɛ ɣöö bi thuɔ̱k lat, kä bi gɔɔy nhɔk, kä bi ja̱l agɔaa yɛnɛ Kuothdu.

Mikaa 6:8 Iomraidhean Croise

Tuk Cäkä Ɣɔaa 18:19

Eey, kɛ ɣöö ɛn ram in cä mɛk kɛ ɣöö bɛ gaatkɛ kɛnɛ kuaykiɛn luek kɛ ɣöö bikɛ ciɛŋkä guɔ̱ɔ̱r kɛ lätni cuŋni kɛnɛ thuɔ̱ɔ̱k. Kɛ ɣöö inɔ, dëë kɔ mëë cakɔ gok kamäda cuɔ̱p.”

Tuk Cäkä Ɣɔaa 5:22

Kɛ kɔr däpä Mɛ-thu-cɛ-la cu Ä-nɔk ja̱l kɛɛl kɛnɛ Kuoth kɛ run ti kur diɔ̱k, kä cuɛ dhɔɔl kɛnɛ nyi̱er kɔ̱kiɛn lɛni di̱eth.

2 Kuɛ̈n 30:11

Kä cu tha̱a̱ŋ nath kä ji̱ A-cɛr kɛnɛ ji̱ Ma-na-thɛ kɛ ji̱ Dhɛ-bu-lun ben kä Jɛ-ru-tha-lɛm.

2 Kuɛ̈n 32:26

Duundɛ ɣöö cu ɣidh-ki-yaa rɔ ri̱t liakä Lɔaacdɛ, jɛn kɛ ji̱ Jɛ-ru-tha-lɛm. Kä /ken kɛ̈c Kuɔth Nhial lɛ ben kä kɛ, kɛ ni̱n ruëc Ɣidh-ki-yaa.

2 Kuɛ̈n 33:19

Kɛ palɛ, kɛnɛ mëë ci Kuoth ɛ liŋ, kɛ dueerkɛ diaal, kɛ thil luthädɛ, kɛ duer mëë lätdɛ ni gua̱th pali kuthni baaŋ, kɛ lätnidɛ kɛ kuth Ä-ce-rim, kɛ kolaaŋ mëë /kenɛ rɔ ni ri̱t, cakɛ gɔ̱a̱r rɛy buɔk kuɛ̈ɛ̈ni göökni.

2 Kuɛ̈n 33:23

Kä /kenɛ rɔ ka̱m Kuoth Nhial, ce̱tkɛ mëë ci gua̱n rɔ luär, kä cuɛ gul rep ni dueer ɛ ŋuan.

2 Kuɛ̈n 34:27

kɛ ɣöö cɛ rɔ ri̱t kä cɛ rɔ jak kä muɔ̱l nhiam Kuɔth mëë ci rieet ti̱ti̱ liŋ kɛ kui̱ wec ɛmɔ kɛnɛ ji̱kɛ. Kä curi rɔ jak kä kui̱c nhiamdä, kä ci bieyniku rɛ̈t, kä ci wiee nhiamdä, ɣän ca ji̱ liŋ,” ruac ni Kuoth Nhial.

Nɛ-ɣɛm-yaa 9:13

Kä curi ben wi̱i̱ pa̱a̱m Thi-nay, kä curi ruac kɛ kɛ ni nhial, kä curi kɛ la̱t ciɛŋ ti cuŋ kɛnɛ ŋuɔ̱t ti thuɔ̱ɔ̱k kɛ luëëk ti gɔw.

Diit 101:1

Ɣän bä diit kɛt kɛ kui̱ nhökdu kɛnɛ wuɔ̱tdu, ɣän bä puany ni ji̱ kɛ diit lö Kuoth Nhial.

Diit 112:4

Kä la buay ji̱ cuŋni a riaaw rɛy muɔ̱th, kɛ nɛy tin gɔw, kä kɔ̱c lo̱cni kä ji̱ cuŋni.

Diit 112:9

Kä la tho̱p kɛn nyinkɛ can ni baaŋ, te gɔɔydiɛn thi̱n amäni cäŋ kɛl, kä bikɛ tekɛ buɔ̱m kɛnɛ luth.

Diit 37:26

La muckɛ ce̱tnikɛ pek lɔaacdiɛn kä luëlkɛ naath ikä baaŋ, kä la gaatkiɛn puɔ̱th cua̱ jek.

Diit 73:28

Duundɛ ɣöö kɛ ɣä gɔaaɛ ɛn ɣöö thie̱e̱kä kɛ Kuoth, kä cä Kuäär ni Kuoth jak kä gääŋdä, kä bä lätkɛ diaal lat.

Ruac Pɛli 21:3

La̱t cuŋni kɛnɛ thuɔ̱ɔ̱k gɔw ni kɛn kä Kuoth Nhial kä tho̱p mucä.

Ŋi̱i̱c 12:13

Kä täämɛ ti diaal ca kɛ liŋ. Kä nɛmɛ ɛ jɛn thuɔ̱k ruac, luthni Kuoth, kä tit lueekɛ. Kɛ ɣöö nɔmɔ ɛ jɛn la̱t nɛɛni diaal.

I-ca-yaa 56:1

Cu Kuoth Nhial wee i̱, “Tit thuɔ̱k, kä lätni ni cuŋ, kɛ ɣöö ci gua̱a̱th känädä thia̱k, kä bi cuŋkä jɔɔc.

I-ca-yaa 57:15

Kä cu Kuoth in te nhial min rɛl rɔ, min tëk a thil pek, min rɛl ciötdɛ rɔ wëë i̱, “Ɣän ciëŋä nhial guäth mi rɛl rɔ, kä ciëŋä bä kɛɛl kɛ nɛy tin jiɛth lo̱ckiɛn kä kɔ̱c, kä muɔɔcä nɛy tin kɔ̱c kɛ tëk, kä lua̱kä nɛy tin jiɛth lo̱ckiɛn.

I-ca-yaa 66:2

Kɛn ti diaal ti̱ti̱ lätkɛ ɣän, kä ci kɛn diaal cu te wa̱nɔ. Nɛmɛ ɛ jɛn ram min bä guic, jɛn ram in kɔ̱c kä thil liak, jɛn min dual kɛ ruacdä,” ruac ni ɣän Kuoth Nhial.

Bok Go̱kä ni Yir-mɛ-yaa 22:16

Cuɛ luk cani lat agɔaa, kä cu ti diaal gɔw. Kä ɛn nɔmɔ cɛ lot ni ɣöö ŋäcɛ ɣä?

Bok Go̱kä ni Yir-mɛ-yaa 22:3

Lat Kuoth nhial ɛ ɛn ɣöö la̱tdɛ cuŋ kɛnɛ thuɔ̱ɔ̱k, kä lua̱kɛ ram in mackɛ tetni nɛɛni tin ciaŋ kɛ kɛ a jiäk. Kä /cuarɛ juɔ̱r lät kä duer kä /cuarɛ nyiëëny kɛ jɛ, kä /cuarɛ rɛɛt kɛnɛ ciek jɔkä ciɛŋ ɛ jek, kä /cuarɛ riɛm raam mi kui̱c ŋu wuɔ̱th piny ɛn guäth ɛmɛ.

Bok Go̱kä ni Yir-mɛ-yaa 9:23

Kä cu Kuoth Nhial wee i̱, “Ɛ ram mi pɛl pɛl /ci rɔ liak kɛ pɛlɛ, kä ɛ ram mi bum /ci rɔ liak kɛ buɔ̱mdɛ, kä ɛ ram mi riäŋ riäŋ /ci rɔ liak kɛ ria̱ŋdɛ.

Jiɛth 3:26

Kä gɔaa ni ɣöö liipi luäk Kuɔth Nhial bitdä.

Yɛdh 16:63

Bi min ci la̱t tim kä bi pöc, kä /ci thokdu bi nyɔk kɛ lëp kɛ kui̱ po̱cädu, mi wa̱a̱ ji̱ wä pa̱l tëë diaal tëë ci la̱t, ruac ni Kuäär ni Kuoth Nhial.”

Yɛdh 33:14

Kä cäŋ cä ruac kɛ ji̱ dueeri a jiökä kɛ i̱, ‘Ɛpuc yɛn bia li̱w,’ kä ŋotdɛ kɛn mi wäkɛ rɔ̱ ri̱t kä dueerkiɛn kä bikɛ la̱t ni min la ŋuɔ̱t kä mɔ cuɔ̱ɔ̱ŋ,

Bok Go̱kä ni Da-ni-yel 4:37

Täämɛ ɣän Nɛ-bu-kad-nɛ-dhar liakä Kuoth Nhial kä puanyä jɛ kä ka̱mä jɛ luth, kɛ ɣöö lätkɛ diaal kɛ thuɔ̱ɔ̱k, kä duɔ̱pkɛ diaal kɛ cuŋ. Kä tëë kɛ lua̱ŋ mi locɛ ni nɛy tin kapkɛ rɔ̱ nhial piny.

Ɣocä 12:6

Kä yɛn kua rɔ riet Kuothdun kɛ luäkdɛ ɛ lat yɛn nhök kɛnɛ thuɔ̱k, kä liɛpɛ Kuothdun ni ciaŋ.

Ɣocä 6:6

Kɛ ɣöö ɣän göörä ni nhök mi thil pëk a /ci mɔ a muc, kɛnɛ ŋäc Kuɔth kä /ci mɔ a luuri ti waŋkɛ.

Liib 26:41

kɛ kui̱ ɛmɔ cä kɛ thɛr kä cä kɛ nööŋ muun ji̱ tɛ̈riɛn, ɛ ni mi ci lo̱ckiɛn ti jiäk rɔ ri̱t kɛ dueerkiɛn

A-mɔth 5:24

Ɛni ɣöö a thuɔk te wi̱i̱ muɔn ni ciaŋ ce̱tkɛ pi̱ ti lony, kä a lät cuŋni te thi̱n ce̱tkɛ yier mi kui̱c do̱n.

Mikaa 6:9

Liɛŋɛ jɛ, lö yɛn nɛy tin ci rɔ̱ dol wi̱c, ciöt Kuoth Nhial, kä luth cio̱tädɛ ɛ pɛl mi cuɔ̱ŋ.

Dhɛp 2:3

Go̱rɛ Kuoth Nhial yɛn nɛy diaal tin mua̱l mua̱a̱l wi̱i̱ muɔ̱ɔ̱n, tin luɔ̱thkɛ ruaacnikɛ. Thiec cuɔ̱ɔ̱ŋ kɛnɛ kɔ̱a̱c, dɔ̱ŋ ba ji̱ gaŋ kɛ cäŋ kɛcä lɔaac Kuɔth Nhial.

Dhɛk 7:9

ci Kuoth Nhial in la Ruey Ɣɔaa ruac ɛmɛ lat wëë i̱, “Latdɛ luk mi cuŋ, kä nyuɔ̱thɛ rɔ̱ nhök kɛnɛ kɔ̱a̱c lɔaac kamnikun.

Mɛ̈t 5:3

Cu Yecu wee i̱, “Puɔ̱th akɛ nɛy tin ŋa̱ckɛ rɔ̱ ɛn ɣöö kɛ can rɛydiɛn, kɛ ɣöö kuäär nhial ɛ duŋdiɛn.

Mɛ̈t 5:7

“Nɛy ti kɔ̱c lo̱ckiɛn cakɛ poth, kɛ ɣöö bikɛ kɔ̱a̱c lɔaac jek.

Luk 10:42

Kä ɛ kɛl kärɔa görkɛ mɔ. Kä ci Mɛri mɛkni min gɔaa ni jɛn, mi /ca bi woc kä jɛ.”

Luk 11:42

“Kä riɛk akɛ yɛ, yɛn ji̱ Pa-ri-thii! Kɛ ɣöö tho̱p yɛn Kuoth kɛl kä wäl nanani kɛnɛ wal kɔ̱kiɛn diaal ti gööl, kä duundɛ ɣöö /cia cuɔ̱ɔ̱ŋ kɛnɛ nhök Kuɔth päl. Ti̱ti̱ kɛ kɛn tin dërɛ la̱t, a thilɛ kɔ̱kiɛn ti pa̱lɛ jɔ̱ɔ̱r.

Luk 12:14

Kä cu Yecu jɛ jiök i̱, “Määthdä, ɛŋa mi ci ɣä jäk kä luuk kiɛ dääk mi bi yɛ dääk kä nyinkun?”

Luk 6:36

A lo̱ckun kɔ̱c, ce̱tkɛ min kɔ̱c lɔc Guurun in te nhial.”

Ji̱ Röm 7:16

Täämɛ mi la̱tdä ni min /cä go̱r, ɣän nhɔakä ɛn ɣöö ŋut ɛ mi gɔaa.

Ji̱ Röm 9:20

Kä ɛ ji̱n ŋa, a deri raan ŋaknɔm ŋak kɛ Kuoth? Dee duɔ̱ɔ̱r mi ca täth ram min täth jɛ thiec i̱, “Ɛŋu mɔ ci ɣä la̱t inɔ mɔ?”

1 Kor 7:16

Ciek, ŋäci jɛ i̱di ɛn ɣöö dɔ̱ŋ /ci cɔwdu bi kän? Cɔw, ŋäci jɛ i̱di ɛn ɣöö dɔ̱ŋ /ci ciekdu bi kän?

Ji̱ Ɛ-pɛ-thäth 4:32

A lo̱ckun kɔ̱c kɛ rɔ̱ kä nhɔakɛ rɔ̱, pa̱lɛ rɔ̱ ikä, ce̱tkɛ min ci Kuoth yɛ pälikä rɛy Kritho.

Ŋuɔ̱t 27:10

Kɛ kui̱ ɛmɔ luɔ̱thɛ jɔw Kuɔth Nhial Kuothdun, kɛ luth ŋuɔ̱tnikɛ ti cä la̱t yɛ ti walɛ.”

Ŋuɔ̱t 30:15

“Nɛ̈nɛ jɛ ɣän la̱thä tëk kɛnɛ ti gɔw, kɛ lia̱a̱ kɛnɛ ti jiäk nhiamdun walɛ.

Ji̱ Ko-lɔ-thi 3:12

Kä kɛ ɣöö ci Kuoth yɛ mɛk, ala ti rɛ̈lkɛ rɔ̱, kä nhɔkɛ, kä kuɔ̱mɛ rɔ̱ kɛ nhök, kɛ gɔɔy, kɛ mua̱l, kɛ kɔ̱a̱c, kɛ li̱ep bitdä.

2 Thɛ 2:16

Täämɛ a Kuääran ni Yecu Kritho puɔ̱nydɛ kɛnɛ Kuoth in la Gua̱a̱ra min nhɔk kɔn kä kɛ puɔ̱th cɛ kɔn ka̱m cuum mi do̱raar kɛnɛ ŋa̱th mi gɔaa,

Je-mɛth 2:20

Ji̱n dɔ̱a̱r ɛmɛ, go̱o̱ri jɛ ɛn ɣöö ba ji̱ nyuɔ̱th ɣöö ŋa̱th mi thil la̱t ɛ baŋ?

Jɔ-cua 24:14

“Kɛ kui̱ ɛmɔ, täämɛ, yɛn kuɛ̈ɛ̈ Kuoth Nhial luɔ̱th, kä la̱tdɛ jɛ ikä kɛ thuɔ̱k lɔaay kɛnɛ ŋa̱th mi ro̱ŋ. Ya̱kɛ kuth tëë ci guurikun kɛ pal mëëdan ëë tekɛ kä Bɛ̈-bi-lɔn kɛnɛ ro̱l I-jëp, kä palɛ ni Kuoth Nhial.

1 Pit 3:8

Kɛ jɔakdɛ bi yɛn diaal tekɛ mat rɛy yieekä, kɛnɛ ca̱r kɛl, kä nhɔakɛ rɔ ala ji̱ ciëŋ kɛ lo̱c ti kɔ̱c kɛnɛ cär ti mua̱l mua̱a̱l.

1 Tham 12:23

Kä a jɛ na̱n kɛ ɣä, ɛn ɣöö dëë duer lät kä Kuoth Nhial kɛ palä kɛ kui̱dun. Kä bä yɛ ŋi̱eec kɛ duɔ̱ɔ̱p in gɔaa kä thuɔ̱k.

1 Tham 15:22

Kä cu Tha-muɛl wee i̱, “A ku Kuoth Nhial nhɔk ni luuri kɛnɛ muc, Ɛ lɔŋ kä ɣöö ba jɔwdɛ luɔ̱th? nɛnɛ, luth gɔaa ni jɛn kä muc, Kä lieŋ gɔaa ni jɛn kä thiɔl rueeth rɔɔmni.