Mikaa 6:6 - RUAC KUƆTH IN RƐL RƆ

⁶ “Kä ɛŋu dee wä kɛ ɣä nhiam Kuɔth Nhialɔ, min dëë wä pal ni jɛ? A dëë ku wä kä jɛ kɛ kɔa̱a̱l ala muc ti waŋkɛ?

Mikaa 6:6 Iomraidhean Croise

Lät Jaakni Yecu 2:37

Täämɛ mëë ci naath ruac ɛmɛ liŋ, cu lo̱ckiɛn ŋɛ̈p, kä cukɛ Pi-tɔr kɛnɛ jaak tin kɔ̱kiɛn jiök i̱, “Dämaari, kɔn bakɔ ŋu la̱t?”

Mak 5:7

Cuɛ wiee kɛ jɔw mi di̱i̱t wëë i̱, “Ji̱n Yecu, Gat Kuɔth nhial in di̱i̱t, ti kɛ ŋu kɛ ɣä? Ɣän la̱ŋä ji̱ kɛ ciöt Kuɔth, /cu ɣä lät kä mi jiääk.”

Mɛ̈t 19:16

Kä nɛnɛ, cu ram kɛl ben kä Yecu wëë i̱, “Ŋi̱i̱c, ɛŋu mi gɔaa mi bä la̱t, kɛ ɣöö bä tëk mi do̱raar jek?”

Bok Go̱kä ni Da-ni-yel 3:26

Kä cu Nɛ-bu-kad-nɛ-dhar ben thi̱ek in thia̱k kɛ gua̱a̱th in pɛt mac thi̱n, cuɛ wëë i̱, “Cad-rak kɛnɛ Me-cak kɛ Ä-bed-nɛ-go bia raar yɛn la̱a̱t Kuɔth in Di̱t ni Jɛn in leny buɔ̱mdɛ ti diaal! Bia wanɛ mɛ.” Ɛ jɛn cu Cad-rak kɛnɛ Me-cak kɛ Ä-bed-nɛ-go ben raar rɛy maac in pɛt.

Lät Jaakni Yecu 16:30

Cuɛ kɛ nööŋ raar kä cuɛ wee i̱, “Kua̱r, ɛŋu mi bä dhil kɛ la̱t kɛ ɣöö bä kään?”

Lät Jaakni Yecu 16:17

Kä cuɛ kɔ kɛ Puɔl guɔ̱ɔ̱r, kä rɔalɛ wëë i̱, “Kɛn wutni ti̱ti̱ kɛ ja̱a̱ŋ Kuɔth nhial in Di̱t ni Jɛn, tin la̱tkɛ yɛ duɔ̱ɔ̱p känä.”

Jɔ̱ɔ̱n 6:26

Cu Yecu kɛ loc i̱, “Ɛpuc, ɛpuc, ɣän la̱rä jɛ yɛ, /ci yɛn ɣä go̱r kɛ ɣöö cia nyuuthni ti ga̱ykɛ naath nɛn, ɛ ɣöö cia mi̱th a cia ria̱ŋ kɛ jurayni.

Luk 10:25

Kä cu ram mi bo̱o̱th ŋuɔ̱tni rɔ jiɛc kɛ ɣöö bɛ Yecu ɣɔ̱n. Kä cuɛ wee i̱, “Ŋi̱i̱c, ɛŋu mi bä la̱t kɛ ɣöö bä tëk mi do̱raar jek?”

Bok Go̱kä ni Da-ni-yel 5:21

Kä cua jɛ woc rɛy nath, kä cua ca̱rɛ jakä ce̱tkɛ ca̱r leyni. Kä cuɛ wä cieŋ ni kɛɛl kɛ muɔ̱li dɔaar, kä cuɛ lak ni wal ce̱tnikɛ yaŋ, kä cuɛ puaak nikɛ thäc nhial, amäni mëë cɛ ŋa̱c ɛn ɣöö Kuoth Nhial ɛ jɛn ruaac kuäär nath ɔ, la kämɛ kuäär ram min go̱o̱rɛ.

Bok Go̱kä ni Da-ni-yel 5:18

Kuoth Nhial in Di̱t ni Jɛn cɛ guur ni Nɛ-bu-kad-nɛ-dhar ka̱m kuäär mi bum kä tekɛ ti̱el mi di̱i̱t lö kuäär.

Bok Go̱kä ni Da-ni-yel 4:9

‘Bel-tɛ-ca-dhar, bo̱o̱th ti̱tni, ɣän ŋa̱cä jɛ ɛn ɣöö ji̱n ci thia̱a̱ŋ kɛ yiëë kuthni mi gɔaa, kä thilɛ mi gääy naath mi bum kä ji̱. Kä la̱k in cä nɛn jɛn ɛn, lätni ɣä luɔtdɛ.

Diit 95:6

Kua ben, bia ka̱mnɛ rɔ̱ mua̱a̱l kä palnɛ jɛ, bia ka̱mnɛ rɔ̱ mua̱a̱l nhiam Kuɔth Nhial in la cääkdan!

Diit 22:29

Nɛy diaal tin liakɛ rɔ̱ bikɛ mi̱th nhiamdɛ kä ba jɛ pal, nɛy diaal tin wä li̱th ba rɔ̱ goŋ nhiamdɛ kɛn nɛy tin /ca rɔ̱ dëë jak kä tëk.

2 Tham 21:3

Kä cu Dee-bid ji̱ Gib-yon jiök i̱, “Ɛŋu mi bä lät kä yɛ? Kä bä yɛ luɔ̱c nɛmɛ i̱di, kɛ ɣöö dëë yɛn nɛɛ Kuɔth Nhial poth?”

Ɣöth 12:5

Ba ruath dɛ̈ɛ̈l mi thil mɛ̈ɛ̈ny, kä ba gur kɛl, ka̱nɛ jɛ rɛy rɔɔmni kiɛ böwni.

Ji̱ Ɛ-pɛ-thäth 3:14

Kɛ kui̱ ɛmɛ ka̱mä rɔ mua̱a̱l nhiam Gua̱a̱r in te nhial,

Mak 12:33

Kɛnɛ ɣöö bi raan Kuoth nhɔk kɛ lɔcdɛ kɛɛliw, kɛ ca̱rɛ kɛɛliw, kɛ buɔ̱mdɛ kɛɛliw, kɛnɛ ɣöö bi raan gua̱n thieekädɛ nhɔk ce̱tnikɛ rɔɔdɛ. Kä gɔaa ni jiɛn kä muc diaal tin la thöpkɛ Kuoth kä waŋkɛ kɛ kɛn diaal kɛ kui̱dɛ.”

Ji̱ Ɣi-bɛ-ru 10:11

Bööth palä diaal cuŋkɛ lätnikiɛn ni ciaŋ, kä nyiöökɛ muc kɛ tho̱p gua̱thni diaal, ti /ca dueer dee met luäŋ kɛ wuɔ̱c.

Kuen 7:51

Kɛ ruath tha̱a̱k kɛl, dɛl kɛl, ruath dɛ̈ɛ̈l kɛl mi waŋkɛ.

1 Tham 15:22

Kä cu Tha-muɛl wee i̱, “A ku Kuoth Nhial nhɔk ni luuri kɛnɛ muc, Ɛ lɔŋ kä ɣöö ba jɔwdɛ luɔ̱th? nɛnɛ, luth gɔaa ni jɛn kä muc, Kä lieŋ gɔaa ni jɛn kä thiɔl rueeth rɔɔmni.

Diit 95:2

Wanɛ nhiamdɛ kɛ tɛ̈th lɔaac, puanynɛ jɛ kɛ diit tɛthä lɔaac!

I-ca-yaa 40:16

Jiɛn Lɛ-ba-nɔn /cikɛ ro̱ŋ ala tɔŋ maac yi̱kä, kä /ci leykɛ ro̱ŋ ala muc tin waŋkɛ.

Bok Go̱kä ni Yir-mɛ-yaa 6:20

Ɛŋu mɔ nöŋɛ ɣä muc wa̱l in kɔp ɔ kä Cɛba, kiɛ wal tin kur ro̱o̱l mi na̱n ɔ? /Ca mucku tin waŋkɛ bi nhɔk kɛ ɣöö mucku jiäkɛ kä ɣä.

Yɛdh 46:9

“Kä mi wä naath ben nhiam Kuɔth Nhial kɛ ɣöö bikɛ ben pal kɛ cäŋ ti̱mä, ramɔ bi ben rɛc ɔ kɛ thok kuec caam, bɛ wä raar kɛ thok kuec cuëëc. Kä ram mi wä coth rɛc kɛ thok kuec cuëëc bɛ wä raar kɛ thok kuec caam. /Cikɛ bi luny raar kɛ thok kal in wee kɛ rɛc, duundɛ ɣöö bi wä nikɛn raar kɛ nhiamdiɛn.

Ɣocä 5:6

Cäŋ wäkɛ wä jiɛɛn kɛ detkiɛn nikɛ ɣɔ̱ɔ̱kiɛn i̱ waa Kuoth Nhial go̱r, /ci kɛn ɛ bi jëk, kɛ ɣöö cɛ jiɛɛn rɛydiɛn.

A-mɔth 5:22

A cäŋ bia ɣä nöŋ muckun ti̱n waŋkɛ kɛnɛ muc bɛɛl, cä kɛ bi nhɔk, kä /cä muckun kɛ kui̱ malädan kä le̱y ti̱n cuay bi liɛc.

Ɣöth 23:15

Bia mi̱eth ŋarä mi thil thuɔp la tiit. Bia la̱t ni kɛ duɔ̱ɔ̱p mi cä la̱r yɛ, bia juray mi thil thuɔp a cam kɛ ni̱n bärɔw kɛ gua̱a̱thdɛ in ca ŋuɔk thi̱n paay in cɔal i̱ Duɔ̱ɔ̱ŋ (Abib) kɛ ɣöö ɛ jɛn gua̱a̱th ëë be̱e̱ kɛ yɛ raar kä I-jëp. Thilɛ ram mi bä nɛn bëë nhiamdä a thil tetdɛ duɔ̱ɔ̱r.

Diit 116:12

Kuɛ la ŋu mi bä luɔ̱c Kuoth Nhial, kɛ kui̱ gɔɔyädɛ kɛ ɣä?

Ruac Pɛli 15:8

Kä muc gua̱n dueeri lo̱k Kuoth Nhial ɛ, kä nhɔkɛ ni pal gua̱n cuŋni.

Ruac Pɛli 21:3

La̱t cuŋni kɛnɛ thuɔ̱ɔ̱k gɔw ni kɛn kä Kuoth Nhial kä tho̱p mucä.