Mikaa 5:6 - RUAC KUƆTH IN RƐL RƆ

⁶ Kä bikɛ mun A-thi-ri-ya kɛnɛ mun Nim-rɔd ruac kɛ buɔ̱m. Kä ba kɔn gaŋ kɛ ji̱ A-thi-ri-ya mi wa kɔn wä mak a bikɛ ben këthdan.

Mikaa 5:6 Iomraidhean Croise

2 Kua̱r 15:29

Kɛ ni̱n kua̱r. I-thɛ-rɛl ni peka cu Tig-lath-pi-lɛ-thɛr kuäär Thi-ri-ya I-yon, A-bel-beth-mä-kaa, Ya-no-a, Kɛ-dɛc, Ɣa-dhor, Gil-yad, kɛ Gɛ̈-lɛ-li, wi̱i̱ Nap-ta-li diaal ka̱n. Kä cuɛ naath naŋ kä Thi-ri-ya ala pɛ̈ɛ̈c.

1 Kuɛ̈n 1:10

Kä cu Kuc a gua̱n Nim-rɔd mëë cu piith ala wääth ko̱o̱r wi̱i̱ muɔ̱ɔ̱n.

2 Kuɛ̈n 33:11

Kɛ kui̱c ɛmɔ cu Kuoth Nhial kɛ nöŋ bööth rɛm kua̱r A-thi-ri-ya, tin cua Ma-na-thɛ ben naŋ ala ram mi ca yiɛn, kä cukɛ womdɛ gɔn kɛ gɔɔr, kä cua jɛ pua̱t kɛ ciik yieethä min yian, kä cua jɛ naŋ kä Bɛ̈-bi-lɔn.

I-yob 29:22

Kä mi cä ruac, /ci kɛ la ruac, kɛ ɣöö la cup ruacdä lɔɔcdiɛn.

Diit 110:3

Kä bi nɛɛku rɔ̱ ma̱t ji̱, kɛ cäŋ in bi tɛɛr ni ko̱r. Bi ŋuɛ̈tniku ben kä ji̱ wi̱i̱ pa̱a̱m in rɛl gɔɔydɛ rɔ, ce̱tnikɛ thäc ruɔ̱nwaaŋ.

Diit 72:6

A kuäär ce̱tnikɛ nhiaal mi ci juaac demikä, a jɛ ce̱tkɛ nyuɛ̈ɛ̈r ti ci piny wac!

I-ca-yaa 14:2

Kä bi döör kɛ luɔc muundiɛn, kä bi ji̱ I-thɛ-rɛl kɛ jak kä kuaany, wutni kɛnɛ män muun Kuɔth Nhial. Bikɛ nɛy tëë pɛɛckɛ jak kä pɛ̈ɛ̈c, kä bikɛ nɛy tëë ciaŋkɛ kɛ a jiäk ruac.

I-ca-yaa 14:25

Ɣän bä kuäär A-thi-ri-ya däk muundä, kä bä jɛ dɔany kɛ ciök wi̱i̱ pa̱a̱mdä. Ɣän bä gäkdɛ woc kä nɛɛkä, bä la̱tdɛ min bɛc woc kä nɛɛnikä.”

I-ca-yaa 33:1

Riɛk akɛ ji̱ lö dääk, ji̱n ram mi /ka̱n met däk, riɛk akɛ ji̱ lö gua̱n luɔm, ji̱n ram mi /ka̱n met luɔm! Mi wi̱i̱ däk nath wä päl, ba ji̱ däk, kä mi wi̱i̱ lom nath wä päl, ba ji̱ cu luɔm bä.

I-ca-yaa 37:36

Kä cu jääk Kuɔth Nhial wä nhiam, cuɛ nɛy ti bathdɔɔri ti kuɔ̱r wi̱cdɛ jiɛn bädäk wi̱cdɛ dhieec näk rɛy wec ji̱ A-thi-ri-ya. Kä min ci naath keer kɛ runwaŋ, cua nɛy tɔ̱tɔ̱ jek ala ti ci li̱w kɛn diaal.

I-ca-yaa 37:37

Kä cu kuäär A-thi-ri-ya ni Thɛ̈n-ke-rib loc cieŋ, kä cuɛ wä cieŋ kä Ni-nɛ-be.

I-ca-yaa 6:13

Mi ci nɛy da̱ŋ wäl duɔth muun, ba nyɔk nikɛ wa̱ŋ ɛn mun, bikɛ ce̱tnikɛ jiath ŋɔ̱a̱p mi ca jɔap piny.” Kä kɛn nɛy tɔ̱ bi ŋot kɛ tëk tɔ̱ bikɛ ce̱tnikɛ jiath mi nyɔk rɔ kɛ tunh.

Bok Go̱kä ni Yir-mɛ-yaa 14:22

Kä tëë kɛ kuth jiɛn kä kuth dööri mi dee nhiaal nööŋ? Kiɛ dee pua̱a̱r nhiaal ŋun? Kä /ciɛ ni ji̱n, lö Kuoth Nhial min la Kuothda? Kɔn cakɔ ŋa̱thda ka̱m ni ji̱, kɛ ɣöö ɛ ji̱n lät ti diaal ɔ.

Nɛ̈m 2:11

Kä duel lonyni a nikä, kɔa̱a̱k ŋuɛ̈tni lonyni, gua̱a̱th in la lony a mi̱th thi̱n, gua̱a̱th in la tuut luɔny kɛnɛ ŋuɔ̱ɔ̱t luɔny kɛ dɛykiɛn a wä thi̱n a thil dual?

Dhɛp 2:13

Kä bi Kuoth Nhial A-thi-ri-ya däk kɛ buɔ̱mdɛ. Kä bɛ Ni-nɛ-be ba̱ny piny ni baaŋ, ala mi day ce̱tnikɛ dɔr mi luɔ̱t.

Dhɛp 3:12

Kɛ ɣöö bä cieŋ rɛydun yɛn nɛy ti mua̱l mua̱a̱l ti tekɛ ŋuɔ̱t, ti ba luäk go̱r kä Kuoth Nhial.

Luk 1:71

Kɛ ɣöö ba kɔn kän kä ji̱ tɛ̈ran, kɛnɛ tet nɛɛni diaal ti nyiɛrkɛ kɔn.

Luk 1:74

ɛn ɣöö ca kɔn kän tetni ji̱ tɛ̈ran, banɛ jɛ lätikä a thil dual.

Luk 24:27

Kä cu Yecu kɛ la̱t min ca lat kɛ kui̱dɛ rɛy buɔkni diaal a tookɛ jɛ ni kä buɔkni Muthɛ kɛnɛ buɔkni göökni diaal.

Ŋuɔ̱t 32:2

Ɛ ŋi̱i̱cdä dɛm ce̱tkɛ nhiaal. Kä ɛ ruacdä ce̱tkɛ thec juaacni, ce̱tkɛ nyuɛ̈ɛ̈r rɛy juɔl, kä bɛ ce̱tkɛ nhiaal kɛ dut.