Mikaa 5:4 - RUAC KUƆTH IN RƐL RƆ

⁴ Kä bɛ ben cuɔ̱ŋ, kä bɛ detkɛ yien rɛy bumä Kuɔth Nhial, kɛnɛ gɔɔy ciötdä Kuɔth Nhial Kuothdɛ. Kä bikɛ cieŋ kɛ mal, kä ba di̱tdɛ cu ŋa̱c ɛ wi̱c muɔ̱ɔ̱n kɛɛliw.

Mikaa 5:4 Iomraidhean Croise

Diit 145:12

kɛ ɣöö ba lätku tin buɔ̱m buɔ̱ɔ̱m ŋa̱c ɛ nɛy diaal, kä bikɛ buɔ̱m kuäärädu lat.

Diit 22:27

Bi pëk ɣɔaa diaal ɛ tim kä bikɛ rɔ̱ ri̱et Kuoth Nhial. Kä bi thuk duëli dööri diaal ben pal nhiamdɛ.

Diit 72:19

Ɛ liak tekɛ ciötdɛ min bum amäni cäŋ kɛl, kä ɛ buaydɛ thiäŋ wi̱c muɔ̱ɔ̱n kɛɛliw! Inɔnɔ inɔnɔ!

Diit 72:8

Ɛ ruecdɛ jiɛy ni yieer a wä yieer, ɛ lɛnɛ jiɛɛn ni Kiir Yu-pɛ-ree-tidh amäni pek ɣɔaa.

Diit 93:1

Jɛn Kuoth Nhial ɛ kuäär, kä cɛ rɔ rony kɛ gɔɔy kɛnɛ buɔ̱m, Kuoth Nhial cɛ rɔ kum kɛ buɔ̱m. Kä jɛn cɛ ɣɔw cak kä thilɛ mi bi jɛ wany.

Diit 98:3

Kä jɛn cɛ nhökdɛ min thil pek tim kɛnɛ ŋa̱thdɛ min di̱i̱t, kɛ kui̱ thuɔk duëël ji̱ I-thɛ-rɛl. Kɛn pëk ɣɔaa diaal cikɛ juɔ̱c Kuɔthda nɛn.

Ɣöth 23:21

Niɛkɛ rɔ̱, kä liɛŋɛ ruacdɛ, /cuɔrɛ gua̱c kɛ jɛ, kɛ ɣöö /cɛ duerun bi päl, kɛ ɣöö ta̱a̱ kɛɛl kɛ jɛ.

I-ca-yaa 45:22

Luɔ̱nyɛ kä ɣä bia kään, yɛn diaal yɛn ji̱ pekni ɣɔaa! Kɛ ɣöö ɛ ɣän la Kuoth Nhial ɔ, thilɛ Kuoth mi dɔ̱ŋ ɛ ni ɣän.

I-ca-yaa 49:5

Kä cu Kuoth Nhial ɣä cak ni ji̱, kɛ ɣöö bi ɣän a ja̱ŋdɛ kɛ ɣöö bä I-thɛ-rɛl luɔ̱c jɛ, kɛ ɣöö bi kɛn a nɛɛkɛ. Kɛ kui̱c ɛmɔ ta̱a̱ kɛ luth waaŋ Kuɔth Nhial, kä ɛn Kuothdä ɛ jɛn la buɔ̱mdä mɔ.

I-ca-yaa 52:10

Bi Kuoth Nhial buɔ̱mdɛ nyoth nhiam dööri diaal, kä bi pek wec muɔ̱ɔ̱n diaal ka̱n Kuɔthda nɛn.

I-ca-yaa 52:13

Kä cu kuoth nhial wee i̱, “Nɛ̈nɛ ja̱ŋdä bɛ la̱tdɛ luäŋ, ba jɛ liak kä ba jɛ kap nhial, bɛ te ni nhial ɛlɔ̱ŋ.

I-ca-yaa 8:7

kɛ kui̱c ɛmɔ ɣän Kuäär ni Kuoth, bäkɛ jak kä makɛ ɛ kuäär A-thi-ri-ya kɛnɛ rɛmdɛ. Bikɛ Juda ban ce̱tnikɛ pi̱w nyɔac ti bä raar Kiir Yu-pɛ-ree-tidh, ti thia̱ŋkɛ lölikɛ diaal.

Mikaa 7:14

Yien nɛɛku kɛnɛ detku kɛ kɛɛtdu, lö Kuoth Nhial, tin cieŋ kärɔ rɛy ruɔ̱ɔ̱p, rɛy muɔ̱ɔ̱n mi tëë wal. Jak nikɛ kä läk kä Ba-can kɛnɛ Gil-yad ce̱tnikɛ ni̱n tëë wal.

Dhɛk 13:7

Kä cu Kuoth Nhial in la Ruey Ɣɔaa wee i̱, “Jiɛc rɔ lö mut, kä mak ni yiëën deetkä, kä näk ramɛ te cuŋä gekädä mi. Yɔ̱t yieen deet, kä bi det rɔ̱ cu wɛ̈r piny, kä bä tin tiɛtni mak.”

Dhɛk 9:10

Kä ɣän bä thurbiɛɛli woc kä Ɛ-pa-rim, kä bä jiöŋkööri woc kä Jɛ-ru-tha-lɛm. Kä bä bääri köör töl, kä bɛ la̱t ni dör mal. Kä bɛ ruecdɛ ka̱n ni yieer a wä ni yieer, kä bɛ lɛ ka̱n ni kiir amäni pek ɣɔaa.

Mɛ̈l 1:5

Kä bia jɛ nɛn kɛ nyinkun, kä bia wee i̱, “Kuoth Nhial di̱tdɛ, kɛ ɣɔw kɛɛliw!”

Mɛ̈t 16:18

Kä ɣän larä jɛ ji̱, ɛ ji̱n Pi-tɔr, kä wi̱i̱ pa̱a̱m ɛmɛ ɣän bä luaakdä la̱t thi̱n, kä /ci buɔ̱m li̱eth ɛ bi luäŋ kɛ tiëm.

Mɛ̈t 2:6

‘Ji̱n, Beth-lɛ-ɣɛm rɛy rööl Juda, a cäŋ kuiyi rɛy kua̱ri Juda, bi kuäär ben raar kä ji̱, mi bi nɛɛkä ni ji̱ I-thɛ-rɛl ruac.’ ”

Mɛ̈t 25:31

“Mi wä Gat Ran ben rɛy wutädɛ kɛɛl kɛ ja̱a̱k nhial diaal, bɛ nyuur wi̱i̱ kɔam kuäärädɛ min gɔaa.

Luk 1:32

Jɛn bɛ a ram mi di̱i̱t, kä ba jɛ cɔl i̱ Gat Kuɔth Nhial in Di̱t ni jɛn. Kä bi Kuäär ni Kuoth jɛ ka̱m kɔm kuäärä gua̱ndɔɔŋdɛ ni Dee-bid.

Jɔ̱ɔ̱n 10:38

Kä mi la̱tdä kɛ, a cäŋ /cia ɣä bi ŋäth, ŋa̱thɛ lät ti la̱tdä ti, kɛ ɣöö dërɛ jɛ ŋa̱c kä dërɛ jɛ ŋäth ɛn ɣöö te Gua̱a̱r rɛydä, kä ta̱a̱ rɛy Gua̱a̱r.”

Jɔ̱ɔ̱n 20:17

Cu Yecu jɛ jiök i̱, “/Cu ɣä gueer, kɛ ɣöö ŋuɔtdä /ka̱n ni wä nhial kä Gua̱a̱r. Duundɛ ɣöö wër jio̱kni dämaari i̱, ‘Ɣän wa̱a̱ nhial kä Gua̱a̱r in la Guurun, kä Kuothdä min la Kuothdun.’ ”

Ji̱ Ɛ-pɛ-thäth 1:3

A liak te kɛ Kuoth in la Gua̱n Kua̱ran ni Yecu Kritho, min ci kɔn poth rɛy Kritho kɛ nyin yieekä diaal tin te ro̱o̱l nhial.

1 Pit 1:5

Ca yɛ gaŋ ɛ buɔ̱m Kuɔth kɛ kui̱ ŋäthädun amäni mi ca ka̱n nyoth kɛ gua̱a̱th guutdä ɣɔaa.

Juud 1:1

Ɛ ɣän Juud in la läät Yecu Kritho, kä däman Je-mɛth. Gɔ̱a̱rä warɛgak ɛmɛ, yɛn nɛy tin ca mɛk kä ca nhɔk rɛy Kuɔth in la Gua̱a̱ra, kä ca gaŋ rɛy Yecu Kritho.

Nyuuth 11:15

Kä cu jääk nhial in bärɔwdiɛn kaaŋdɛ koth, cuɛ tekɛ jɔw mi di̱i̱t nhial, wëë i̱, “Ci kuäärä ɣɔaa a Kuäär Kua̱ra in Kuoth kɛnɛ Mɛ-thiadɛ, kä jɛn bɛ ruëc amäni cäŋ kɛl.”