Mikaa 5:2 - RUAC KUƆTH IN RƐL RƆ

² Duundɛ ɣöö ji̱n Beth-lɛ-ɣɛm Ɛp-ra-tha, kuiy ni yɛn rɛy thuɔk duëël Juda. Kä yɛ bi ram in bi I-thɛ-rɛl ruac ben thi̱n, min karkɛ lockɛ nikä nɛy tëë wal.

Mikaa 5:2 Iomraidhean Croise

Tuk Cäkä Ɣɔaa 35:16

Ɛ jɛn, cukɛ cu ɣöth kä Beth-ɛl. Kä mëë cikɛ Ɛp-rath ŋäth ikä, cua Re-cɛl käp ɛ mäc, cuɛ dap kɛ dap mi bɛc bɛc.

Tuk Cäkä Ɣɔaa 35:19

Cu Re-cɛl cu li̱w kä cua jɛ kony däär ɔ wäkädiɛn Ɛp-rath (min la Beth-lɛ-ɣɛm).

Tuk Cäkä Ɣɔaa 48:7

La̱tdä jɛ inɔ kɛ ɣöö mëëdan ëë luɔ̱nyä jɔk kä Pa-dan, cu lɔcdä jiääk ɛlɔ̱ŋ kɛ ɣöö muɔɔr ni Re-cɛl cɛ li̱w jäl rɛy rööl Kɛ-naan mëë cakɔ Ɛp-rath ŋäthikä kä mi tɔt. Cua jɛ kony dup wäkäda Ɛp-rath min mɔ Beth-lɛ-ɣɛm täämɛ.”

Tuk Cäkä Ɣɔaa 49:10

/Ci kɛɛt kuäärä bi luɛ̈ɛ̈r tetädɛ, kiɛ tetdä kuaynikɛ, amäni mi wä gua̱ndɛ ben, kä bi döör diaal jɛ cu luɔ̱th.

1 Kuɛ̈n 2:54

Kä cu Thɛ̈l-ma mëë yiɛɛth Beth-lɛ-ɣɛm a gua̱n Ji̱ Nɛ-to-paa kɛnɛ ji̱ At-rot-beth-yo-ab kɛ tha̱a̱ŋ ji̱ Dhora tin cieŋ kä Ma-naath.

1 Kuɛ̈n 4:4

Kä cu Pɛ-nu-el a gua̱n Gɛ-dhor kɛnɛ E-dhɛr kä cu E-dhɛr a gua̱n Ɣucaa. Kä cua kɛn gaat Ɣur kɛ̱̈ɛ̱̈ Ɛp-ra-tha mëë yiɛɛth Beth-lɛ-ɣɛm.

1 Kuɛ̈n 5:2

Kä cu buɔ̱m ni Juda kä gaatman, kä cu ruëëc ben kä jɛ, kä cu cuŋ ke̱e̱kä a nyin Jo-thɛp,)

Diit 132:6

Kɔn cakɔ thanduk matdä ruac liɛŋ kä Ɛp-ra-tha, kä cua̱kɔ jɛ jek rɛy ka̱a̱kni Yaar.

Diit 90:2

Ni mëë /keni pääm ni cak, ni mëë /keni ɣɔw ni cak, ɛ ji̱n Kuoth mi te thi̱n.

Ɣöth 18:21

Kä ji̱n, bi nɛy ti ro̱ŋ kɛ ŋäc luɔ̱ɔ̱kni rɛy nɛɛni diaal kuany, kä bikɛ a nɛy ti luɔ̱thkɛ Kuoth ti cieŋ thuɔ̱ɔ̱kni, ti lökɛ kök kua̱r, bi kɛ kuany ala kua̱r wec nath, bi nɛy ti bath dɔɔr, kɛ nɛy ti kuɔ̱r, kɛ nɛy ti jiɛn dhieec amäni nɛɛ wäl a kue̱nyi kuääriɛn.

Ɣöth 18:25

Cuɛ nɛy ti ro̱ŋ kɛ ŋäc luɔ̱ɔ̱kni kuany rɛy ji̱ I-thɛ-rɛl diaal. Cuɛ kɛ ka̱m rui̱c nath, cukɛ a ruëëc nɛɛni ti bath dɔɔr, kɛ nɛy ti kuɔ̱r kɛ nɛy ti jiɛn dhieec amäni nɛɛ wäl rɛy ji̱ I-thɛ-rɛl diaal.

I-ca-yaa 11:1

Bi kaar tunh puɔ̱ɔ̱ny jiaath, bi kuäär ben dhɔr Jɛthi.

I-ca-yaa 53:2

Kɛ ɣöö ci ja̱ŋdɛ piith nhiamdɛ ce̱tnikɛ juac, ce̱tnikɛ piɛth jiaath mi piɛɛr ko̱o̱tdä, thilɛ jɛ ta̱a̱ kiɛ gɔɔy mi dënɛ guic ɛ, kä thilɛ mi dënɛ bɛc kä nëndɛ.

I-ca-yaa 55:4

Nɛnɛ, cä jɛ jak kä neen nath, cä jak kä rueec kä bo̱o̱th dööri.

I-ca-yaa 7:14

Kɛ kui̱c ɛmɔ Kuäär ni Kuoth puɔ̱nydɛ bɛ yɛ moc kɛ nyuuth. Nɛ̈nɛ jɛ, nyal bɛ ruët kä bɛ dap kɛ gat mi dho̱o̱l, kä bɛ ciötdɛ cɔli I-manu-el.

Bok Go̱kä ni Yir-mɛ-yaa 30:21

Bi kuäär ben ni kä kɛ, kä bi rueec päl ni rɛydiɛn. Ɣän bä jɛ ti̱ec thiekä mi wa̱a̱ jɛ wä cɔl, kɛ ɣöö ɛŋa mi dee ben thiekä kä ɣä ɛ /ka̱n jɛ cɔl?

Ɣocä 6:3

Wanɛ kä jɛ kɛ ɣöö banɛ jɛ ŋa̱c ɛn Kuoth Nhial, kɛ ɣöö bendɛ jɔcɛ ce̱tnikɛ käny ca̱ŋ. Bɛ ben kä kɔn ce̱tkɛ nhiaal, ce̱tkɛ nhiaal mi yi̱k piny kɛ ruel.”

A-mɔth 9:11

Ci Kuoth Nhial ɛ lar i̱, “Ɛn cäŋ ɛmɔ, bä bi̱lɛ Dee-bid in ci ria̱p cuŋ, kä bä kuiilkɛ diaal buɔt, kä bä pa̱nykɛ cuɔ̱ŋ, kä bä jɛ nyɔk kɛ lätni nikɛ ta̱a̱dɛ mëë walkä.

Mikaa 4:10

Kä kuin rɔ lö nya Dha-yɔn, ce̱tkɛ ciek mi dap. Kä täämɛ bi wec ba̱ny piny, kä bi wä ciɛŋ ni piny wec, kä bi wä kä Bɛ̈-bi-lɔn. Ɛn wi̱ni ba ji̱ wä luäk, kä bi Kuoth Nhial ji̱ wä luɛl tetni ji̱ tɛ̈ru.

Dhɛk 13:7

Kä cu Kuoth Nhial in la Ruey Ɣɔaa wee i̱, “Jiɛc rɔ lö mut, kä mak ni yiëën deetkä, kä näk ramɛ te cuŋä gekädä mi. Yɔ̱t yieen deet, kä bi det rɔ̱ cu wɛ̈r piny, kä bä tin tiɛtni mak.”

Dhɛk 9:9

A lɔcdu tɛth, lö nya Dha-yɔn! Kä a rɔal ni ji̱n, lö nya Jɛ-ru-tha-lɛm! Nɛnɛ, kuääru a bëë kä ji̱ ni. Jɛn ɛ cuɔ̱ŋ kä cɛ naath joc, jɛn muɔ̱lɛ kä cɛ kɔt kɛ muul, tëë jɔɔk ruath muɔ̱l.

Mɛ̈t 2:1

Kä mëë ca Yecu dap kä Beth-lɛ-ɣɛm, ro̱o̱l Ju-dia kɛ gua̱a̱th ëë te Ɣɛ-rod kuäärä. Kä kɛ kɔr däpädɛ cu wutni ti ŋa̱ckɛ nyin nhial ti jiɛy kä käny ca̱ŋ ben kä Jɛ-ru-tha-lɛm.

Mɛ̈t 2:6

‘Ji̱n, Beth-lɛ-ɣɛm rɛy rööl Juda, a cäŋ kuiyi rɛy kua̱ri Juda, bi kuäär ben raar kä ji̱, mi bi nɛɛkä ni ji̱ I-thɛ-rɛl ruac.’ ”

Mɛ̈t 28:18

Kä cu Yecu ben kä kɛ, cuɛ kɛ jiök i̱, “Lua̱ŋ nhial kɛnɛ piny kɛɛliw ca jɛ ka̱m ɣä.

Luk 23:2

Cukɛ jɛ tok kɛ mi gɔanykɛ, jɛ wäkɛ i̱, “Cakɔ wut ɛmɛ jek nyonɛ do̱ra, kä penɛ kɔ ɣöö luɔ̱nykɔ Thii-thɛr tho̱lbo̱k, kä latdɛ jɛ ɛn ɣöö ɛ jɛn Mɛ-thia in la Kuäär.”

Luk 23:38

Tëëkɛ mi ca gɔ̱r nhial wi̱i̱dɛ i̱, “Mɛmɛ ɛ Kuäär ji̱ Juudh.”

Jɔ̱ɔ̱n 7:42

Kä /ka̱nɛ gɔ̱r rɛy ruaacni Kuɔth ɛn ɣöö Kritho ɛ kuɛ̈ɛ̈ Dee-bid, kä bëë kä Beth-lɛ-ɣɛm, mi la cieŋ Dee-bid thi̱n?”

Ŋuɔ̱t 1:15

Cua̱ bööth dho̱rikun ka̱n, nɛy ti pɛl kä te ŋäc, cua̱ kɛ jak kä bööthkun, bööth nɛɛni ti bathdɔɔr, kɛnɛ nɛy ti kuɔ̱r kɛ nɛy ti jiɛɛn dhieec kɛ bööth nɛɛni da̱ŋ wäl. Kɛ ŋi̱eec thuk duëlikun gua̱thni diaal.

Ji̱ Ko-lɔ-thi 1:17

Jɛn tëë thi̱n kä ti diaal kɛ nhiam, kä jɛn käpɛ ŋɔaani diaal kɛɛl kɛ jɛ.

Ji̱ Ɣi-bɛ-ru 13:8

Yecu Kritho, päärɛ pan, kä päärɛ wa̱lɛ, kä päärɛ a thil pek.

Ji̱ Ɣi-bɛ-ru 7:14

Kɛ ɣöö jɔcɛ ɛn ɣöö Kuääran ni Kuoth ɛ kuɛ̈ɛ̈ mi bëë kä ji̱ Juda, kä thilɛ ruac bo̱thä palä mi ci Muthɛ ɛ lat kɛ kui̱ thuɔk duëël ɛmɔ.

1 Jɔ̱ɔ̱n 1:1

Kɔn la̱rkɔ yɛ mëë te thi̱n ni tukä ɣɔaa, mëë cakɔ liŋ, kä cakɔ nɛn kɛ wäŋkɔ, mëë cakɔ guic kä cakɔ thiap kɛ tetkɔ, min la riet teekä.

Nyuuth 19:16

Kä tëëkɛ ciöt mi ca gɔ̱a̱r puɔ̱ny bieydɛ, kɛnɛ ɣämdɛ i̱, “Kuäär kua̱ri kä Rueec ruëëcni.”

Nyuuth 2:8

“Kä gɔ̱ri nɛmɛ jääk nhial in te dueel Kuɔth kä Thɛ-mer-na i̱, ‘Ti̱ti̱ kɛ rieet raam in jio̱l kä ram in jɔak, mëë ci li̱w kä ci rɔ nyɔk kɛ tëk i̱,

Nyuuth 21:6

Kä cuɛ ɣä jiök i̱, “Ca jɛ la̱t! Ɛ ɣän Nhiam, kä ɛ ɣän Jɔk, ɛ ɣän tuk, kä ɛ ɣän pek. Kä nɛy tin näk rɛw kɛ bäkɛ moc pi̱ kä lo̱o̱l pi̱i̱ni teekä ala muc.

Ruëëc 17:7

Täämɛ cuɛ lɛ tekɛ wut mi ŋuɛ̈t kä Beth-lɛ-ɣɛm kä Juda, thok duëël Juda, raan Lii-bay, cieŋɛ ɛn wi̱ni.

Ruth 1:1

Täämɛ ni̱ni tëë la rui̱c Rueec, cuɛ tekɛ buɔth muun, kä cuɛ tekɛ wut wec mi cɔali Beth-lɛ-ɣɛm ro̱o̱l Juda mi cu wä cieŋ muun Mo-ab kɛnɛ ciekdɛ kɛ gaatkɛ kɛɛl.

Ruth 4:11

Kä cu nɛy diaal ti̱n te nyuurä thok rɛ̈ɛ̈k kɛnɛ di̱t jɛ lar i̱, “Ɣɔ̱ɔ̱n, ɛ jɛn, lakɔ neen. Kä a Kuoth Nhial jak ciëk ɛmɔ ci kuɛn ɔ ce̱tnikɛ Re-cɛl kɛnɛ Leya tëë ca Je-kɔb di̱eth kuay ti ŋuan. A ria̱ŋdu di̱t thok duëël Ɛp-ra-tha, kä a kɛ̈kdu jɔc kä Beth-lɛ-ɣɛm.

1 Tham 10:19

Kä täämɛ cia Kuothdun lo̱k, mëë kään yɛ kɛ rikun diaal kɛnɛ tin ga̱ykɛ yɛ. Kä cuarɛ wee i̱, ‘Eey! Kä duundɛ ɣöö moc ni kɔ kɛ kuäär.’ Kä täämɛ kua ben nhiam Kuɔth Nhial kɛ thuk duëlikun kɛnɛ karkun.”

1 Tham 17:12

Täämɛ cu Dee-bid a gat wutdä mi raan Ɛp-rath kä Beth-lɛ-ɣɛm ro̱o̱l Juda, mi cɔali Jɛthi, mi tekɛ gaat bädäk. Kä ca wut mi ci dɔŋ mëë Thɔɔl ɛ kuäär.

1 Tham 17:18

Kä nöŋni bööth rɛ̈mdiɛn ruɔt caak da̱ŋ wäl ti̱ti̱ bä, kä guic ta̱a̱ ganmuɔɔr, kä nöŋni ŋɔak kä kɛ.”

1 Tham 23:23

Kɛ kui̱c ɛ mɔ tiɛtdɛ kɔ̱a̱k diaal tin cɛ rɔ tɛ̱̈ɛ̱̈ thi̱n, kä bia ɣä ben la̱r min thuɔ̱k. Kä bä ben wä kɛɛl kɛ yɛ, mi tëë ɛn wi̱ni, bä wä go̱r rɛy gan Juda diaal.”

1 Tham 8:12

Kä bɛ rɔ kuëny rueec bathdɔɔri kɛnɛ rueec jiɛɛn dhieec, kä bi tha̱a̱ŋkiɛn a puɔ̱ɔ̱r ka̱a̱knikɛ, kä bi tha̱a̱ŋkiɛn tin kɔ̱ŋ a ŋëër bɛɛl, kä bi tha̱a̱ŋkiɛn yio̱w ko̱o̱r täth kɛnɛ yio̱w thurbiɛɛli.