Mikaa 5:12 - RUAC KUƆTH IN RƐL RƆ

¹² Kä ɣän bä gaakni woc tetnikun, /cia bilɛ wä tueeth kä ti̱t.

Mikaa 5:12 Iomraidhean Croise

I-ca-yaa 2:18

Kä bɛ thil kuth jiɛn.

I-ca-yaa 2:20

Ɛn cäŋ ɛmɔ bi naath kuthkiɛn tin ca täth kɛ ciɛk in bo̱r kɛnɛ da̱a̱p tin palkɛn kɛ. Bikɛ kɛ yuɔ̱r li̱kli̱kni kɛnɛ ŋaprɔ̱kɛdhɔ̱tni.

I-ca-yaa 27:9

Kɛ ɣöö cɛ nɔmɔ la̱t, bɛ duer I-thɛ-rɛl woc. Kä nɛmɛ ɛ jɛn min ba ŋäc ni jɛ, mi wä ti̱ti̱ wä tuɔɔk, mi wëë pääm yi̱kni diaal wä tiath kä cɛ thil riäk Ä-ce-rim kɛnɛ yi̱k in la wal ɛ waŋkɛ thi̱n mi bi ŋot cuŋä.

I-ca-yaa 44:17

Kä cuɛ duɔth jiaath in dɔ̱ŋ lät ni kuoth min la kuoth jiaathdɛ, goŋɛ rɔ nhiamdɛ kä palɛ jɛ, la palɛ jɛ wëë i̱, “Kän ɣä, kɛ ɣöö ɛ ji̱n kuothdä!”

Yɛdh 16:41

Bikɛ ciëëŋku waŋ, kä bikɛ ji̱ luk ni nhiam mään ti ŋuan. Ɣän bä ji̱ ka̱p cuɔ̱ŋ kä lätni nyinä leerä, /ci naath bilɛ nyɔk kɛ yur yio̱w ti kɔki kɛ.

Yɛdh 36:25

Kä bä yɛ kith kɛ pi̱w ti gɔw, bia cu gɔw kä jiäkun diaal, kä bä yɛ jakä gɔw kä kuth guäynikun diaal.

Dhɛk 13:1

“Kä ɛn cäŋ ɛmɔ ba dhɔr Dee-bid kɛnɛ ji̱ Jɛ-ru-tha-lɛm lëp waŋ pi̱i̱ni ti ba dueerkiɛn kɛnɛ thil gɔɔyädiɛn lak.”

Ŋuɔ̱t 18:14

Kä kɛ kui̱ döri tin bia wi̱i̱kiɛn wä ka̱n ti, tiɛtdɛ rɔ kɛ ti̱t kɛnɛ ji̱ kolaaŋni. Kɛ ɣöö /ci Kuoth Nhial Kuothdun kɛ nhɔk i̱ bia kɛ la̱t.”

Nyuuth 19:20

Kä cua ley käp kɛɛl kɛ gök mi gua̱n kacä min ci nyuuthni la̱t nhiamdɛ, tin mɛ̈tkɛ nɛy tin ca biɛl lɛ̱̈ɛ̱̈ jek kɛnɛ nɛy tin palkɛ cätdɛ. Kɛn rɛw ti̱ti̱ cua kɛ yuɔr yier maac mi waŋ kɛ wäl mi kɛc ŋuänydɛ a tëkɛ.

Nyuuth 22:15

Kä te ni jio̱o̱k kɛnɛ ti̱t, kɛ lëër kɛnɛ na̱a̱k nath, kɛ ji̱ palä kuthni jiɛn, kɛ nɛy diaal tin nhɔakɛ ciaŋ kacä raar wec.