Mikaa 4:1 - RUAC KUƆTH IN RƐL RƆ

¹ Kä kɛ ni̱n tia̱ bi beni, bi päm in ca luak Kuɔth Nhial täth thi̱n, bär ni jiɛɛn kä pääm diaal. Kä bi nɛy ti ŋuan rɔ̱ dol thi̱n.

Mikaa 4:1 Iomraidhean Croise

Tuk Cäkä Ɣɔaa 49:1

Täämɛ cu Je-kɔb gaatkɛ cu ciöl rɔ kä cuɛ wee i̱, “Ruɔlɛ rɔ̱ guäth kɛl kɛ ɣöö bä yɛ ben la̱t tin ba yɛ jek ni̱ni tɔ̱ bëë tɔ̱.

Tuk Cäkä Ɣɔaa 49:10

/Ci kɛɛt kuäärä bi luɛ̈ɛ̈r tetädɛ, kiɛ tetdä kuaynikɛ, amäni mi wä gua̱ndɛ ben, kä bi döör diaal jɛ cu luɔ̱th.

Diit 110:3

Kä bi nɛɛku rɔ̱ ma̱t ji̱, kɛ cäŋ in bi tɛɛr ni ko̱r. Bi ŋuɛ̈tniku ben kä ji̱ wi̱i̱ pa̱a̱m in rɛl gɔɔydɛ rɔ, ce̱tnikɛ thäc ruɔ̱nwaaŋ.

Diit 22:27

Bi pëk ɣɔaa diaal ɛ tim kä bikɛ rɔ̱ ri̱et Kuoth Nhial. Kä bi thuk duëli dööri diaal ben pal nhiamdɛ.

Diit 48:1

Kuoth Nhial di̱tdɛ, kä ro̱ŋ ni jɛn kɛ liak, rɛy wec Kuɔthda, päämdɛ min rɛl rɔ.

Diit 86:9

Kä bi döör diaal tin ci cak ben pal nhiamdu lö Kuäär, kä bikɛ ciötdu puany.

I-ca-yaa 27:13

Kä ɛn cäŋ ɛmɔ ba kaaŋ mi di̱i̱t koth, kɛ ɣöö bi nɛy tin ci bath muun A-thi-ri-ya kɛnɛ tin ca naŋ muun I-jëp ben, ba Kuoth Nhial ben pal pääm in rɛl gɔɔydɛ rɔ kä Jɛ-ru-tha-lɛm.

I-ca-yaa 43:6

Kä bä ji̱ kuec caam la̱r ɣöö pa̱lɛ kɛ, kä bä ji̱ kuec cuëëc la̱r ɣöö /cuarɛ kɛ rɔm jɔk, no̱o̱ŋni dhɔɔlkä guäth in nɔ̱a̱n nɔ̱a̱n, kä no̱o̱ŋni nyieekä ni peek ɣɔaa,

I-ca-yaa 49:6

Kä cu Kuäärä wee i̱, “Kuiyɛ ɛlɔ̱ŋ kɛ ɣöö bi ji̱n a ja̱ŋdä, kɛ ɣöö bi thuk duëli Je-kɔb jiac nhial, kä bi ji̱ I-thɛ-rɛl tin tëk luɔ̱c jɔk. Ɣän bä ji̱ jak kä buay kä döör, dɔ̱ŋ bi ka̱ndä naŋ pekni ɣɔaa diaal.”

I-ca-yaa 54:2

Jakni gua̱a̱th kɛmɛkädu kä di̱t, ɣär duäl kɛmɛkädu a di̱t, /cu luny jɔk jakni ni depkɛ kä bär, kä jakni löckɛ kä bum.

I-ca-yaa 56:7

kɛn bäkɛ nööŋ pa̱a̱mdä min rɛl rɔ, kä bäkɛ moc kɛ tɛ̈th lɔaac duëël palädä, kä bä muckiɛn tin waŋkɛ kɛnɛ luurikiɛn nhɔk wi̱i̱ yi̱kädä, kɛ ɣöö ba dhɔrä cɔl i̱ dhɔr palä nɛɛni diaal.”

Bok Go̱kä ni Yir-mɛ-yaa 16:19

Kä lö Kuoth Nhial, ɛ ji̱n buɔ̱mdä kä ɛ ji̱n gääŋdä, kä la luäki ɣä kɛ gua̱a̱th rikädä, kä bi döör diaal ben kä ji̱ ni peek ɣɔaa kä bi kɛ wee i̱, “Gua̱nikɔ thilɛ mi tekɛ kɛ ɛ ni kuth jiɛn, kuth ti thil luɔt, kä thilɛ mi jëkɛ kä kɛ.

Bok Go̱kä ni Yir-mɛ-yaa 26:18

“Tëë kɛ wut mi cɔal i̱ Mikaa raan Mo-rɛ-cɛth mi cu ruac go̱o̱kä lat kɛ ni̱n Ɣidh-ki-yaa kuäär Juda, cuɛ ji̱ Juda diaal jiök ɛn ɣöö ci Kuoth Nhial in la Ruey Ɣɔaa wee i̱, ‘Ba Dha-yɔn pur ce̱tnikɛ kak, kä bi Jɛ-ru-tha-lɛm a di̱r jiäkni, kä bi päm in te luak thi̱n a rup.’

Bok Go̱kä ni Yir-mɛ-yaa 3:17

Ɛn guäth ɛmɔ, ba Jɛ-ru-tha-lɛm cɔli kɔm kuäärä Kuɔth Nhial, kä bi döör diaal rɔ̱ dol thi̱n palkɛ ɣä, kä /cikɛ bi lɛ la̱t ni min caar kɛn ɛ kɛ lo̱ckiɛn.

Bok Go̱kä ni Yir-mɛ-yaa 31:12

Bikɛ ben kä bikɛ wä ki̱et nikɛ jɔw mi di̱i̱t, wi̱i̱ pa̱a̱m Dha-yɔn. Kä bi lɔcdiɛn tɛɛth kɛ muc Kuɔth Nhial. Bi lo̱ckiɛn tɛɛth kɛ kui̱ bɛɛl, kɛ kɔaŋ kɛnɛ liɛth, amäni det kɛnɛ ɣɔ̱k bä. Kä bi tëkdiɛn cu ce̱tnikɛ kak dɛɛni wal mi te wi̱c yiëër. Kä /ci kɛn rɔ̱ bi lɛ nyɔk kɛ cuɔ̱c.

Bok Go̱kä ni Yir-mɛ-yaa 48:47

Duundɛ ɣöö, bä Mo-ab nyɔk kɛ loc ni tääkädɛ mëë wal. Kɛ ni̱n tɔ̱ bi ben tɔ̱. Kä bi mɛmɛ cua̱ jɛn luk Mo-ab,” ruac ni ɣän Kuoth Nhial.

Yɛdh 38:16

Kä bia nɛɛkä ni ji̱ I-thɛ-rɛl ban, ce̱tnikɛ pua̱r mi ci wi̱c muɔ̱ɔ̱n kum. Kä kɛ ni̱n tɔ̱ bi ben tɔ̱, ɣän bä ji̱ jakä gak kɛ mundä lö Gog, kɛ ɣöö bi döör ɣä cu ŋa̱c mi wa̱a̱ gɔɔydä nyoth kɛ ji̱ nhiamdiɛn.’ ”

Yɛdh 40:2

Kä cuɛ ɣä nööŋ guäth mi cua̱ nyuuth Kuɔth ben nɛn thi̱n, muun I-thɛ-rɛl. Kä cuɛ ɣä nyuɔ̱ɔ̱r wi̱i̱ pa̱a̱m mi bäär, mi te mi ce̱tkɛ wec thi̱n kui̱c cuëëcdɛ.

Yɛdh 43:12

Kä mɛmɛ ɛ jɛn ŋut kɛ kui̱ luaak Kuɔth, ɛn gua̱a̱th ɛ thieek kɛ wi̱c pa̱a̱mɛ ni kɛɛliw, bɛ a gua̱a̱th mi rɛl gɔɔydɛ rɔ. Mɛmɛ ɛ jɛn ŋut kɛ kui̱ luaak Kuɔth.”

Bok Go̱kä ni Da-ni-yel 10:14

Ɣän ba̱kɛ kɛ ɣöö bä ji̱ ben luäk kɛ ŋäc kä min bi tuɔɔk kä nɛɛku kɛ ni̱n tɔ̱ bi ben tɔ̱. Kɛ ɣöö ɛn nyuuth ruacɛ kɛ gua̱a̱th ɔ bi ben ɔ kɛ nhiam.”

Bok Go̱kä ni Da-ni-yel 2:28

duundɛ ɣöö te Kuoth puɔ̱ɔ̱rä thi̱n, mi la nyooth ti ga̱ykɛ naath, cɛ Kuäär ni Nɛ-bu-kad-nɛ-dhar nyuɔ̱th min bi tuɔɔk kɛ ni̱n nhiam ɔ. Täämɛ nɛmɛ ɛ la̱kdu kɛnɛ nyuuth tëë ci nɛn mëë ti tɔ̱ɔ̱cä dhaŋädu.

Bok Go̱kä ni Da-ni-yel 2:35

Kä ɛ jɛn, cu ladiit, kɛ mun, kɛ ciɛk in bo̱r kɛ ciɛk in yian kɛ da̱a̱p, kɛn diaal cukɛ nuɔr a bikɛ ce̱tnikɛ jil bɛɛl, ti ca kɔ̱m däär döör kɛ mäy. Kä cu jiɔam kɛ lɔk, a bɛ thil tor tor mi cua jek kä kɛ. Duundɛ ɣöö päm ëë tiath ɛn puɔ̱ny, cuɛ piith a bɛ la päm mi di̱i̱t mi cu wi̱c muɔ̱ɔ̱n thiäŋ ni kɛɛliw.

Bok Go̱kä ni Da-ni-yel 2:44

Kä kɛ ni̱n tin ruec kɛ kua̱r tɔ̱tɔ̱, bi Kuoth puɔ̱ɔ̱rä kuäär mi thil mi bi jɛ wany tok, kä kuäär ɛmɔ /ca jɛ bi lɛ ba̱ny nɛy ti kɔ̱kiɛn. Kä bɛ kuääri diaal ti̱ti̱ däk, kä jɛn bɛ te thi̱n ala do̱raar,

Bok Go̱kä ni Da-ni-yel 7:14

Kä cua jɛ ka̱m wuɔ̱t kɛ buɔ̱m kɛnɛ ruec, kɛ ɣöö bi naath kɛnɛ döör diaal tin ruac kɛ thuk gööli jɛ lätikä. Kä bi ruecdɛ cua̱ ruec mi do̱raar mi /ci bi met thuuk, kä kuäärɛ la ni kɛl mi /ca bi met däk.”

Bok Go̱kä ni Da-ni-yel 7:18

Duundɛ ɣöö bi nɛy tin ŋa̱thkɛ ni Kuoth in Di̱t ni Jɛn ruec jek, kä ba kuäär ɛmɔ käp amäni cäŋ kɛl niɛ täämɛ a wee wä.’

Bok Go̱kä ni Da-ni-yel 7:22

amäni mëë cu Ram in do̱raar ben. Kä cuɛ luk ben luk cuɛ nɛy tin la nɛɛ Kuɔth in Di̱t ni Jɛn ka̱m cuɔ̱ɔ̱ŋ, kä cu gua̱a̱th ben kɛ ɣöö bi nɛɛ Kuɔth Kuäär ka̱n.

Bok Go̱kä ni Da-ni-yel 7:27

Kä ba kuäär kɛnɛ buɔ̱m kɛ di̱t kuäärä wec muɔ̱ɔ̱n kɛɛliw ka̱m nɛy tin ŋa̱thkɛ Kuoth in Di̱t ni Jɛn. Kä bi kuääriɛn cua̱ kuäär mi do̱raar, kä bi kua̱r diaal kɛ lätikä, kä bakɛ luɔ̱th.’

Ɣocä 3:5

Kä kɛ kɔrɛ bi ji̱ I-thɛ-rɛl rɔ̱ ku riet Kuoth Nhial in la Kuothdiɛn, kä ba Dee-bid kuääriɛn guɔ̱r ɛ kɛn. Kä bikɛ cu ben kä Kuoth Nhial kɛ luth mi di̱i̱t kɛ kui̱ puthädɛ cäŋ guutdä ɣɔaa.

Mikaa 3:12

Kɛ kui̱dun, bä Dha-yɔn pur ce̱tkɛ kak, kä bi Jɛ-ru-tha-lɛm a di̱r nyueeyni. Kä bi luak pa̱a̱m do̱ny kɛ rup.

Dhɛk 14:10

Kä bi wi̱c muɔ̱ɔ̱n a day a känɛ jɛ nikä Gabä kui̱c caam a wä nikä Ri-mon kui̱c cuëëc Jɛ-ru-tha-lɛm. Duundɛ ɣöö cu Jɛ-ru-tha-lɛm te ni guäthdɛ a känɛ jɛ ni thi̱ek Ben-ya-min a wä thi̱ek ëë wal a wä ni thi̱ek gɔŋtɔtdä, kä a lɛnɛ ka̱n ni biikä Ɣä-nan-el a wä ni guäth dhi̱mä kɔaŋ kua̱r.

Dhɛk 2:11

Kä ɛn cäŋ ɛmɔ, bi döör ti ŋuan ben kä Kuoth Nhial, kä bi kɛna nɛɛkɛ. Kä bɛ cieŋ rɛydun, kä bia cu ŋa̱c ɛn ɣöö ɛ jɛn jäk ɣä kä yɛ mɔ.

Dhɛk 8:3

Kä cuɛ ruac ɛn ɣöö, ɣän bä loc kä Dha-yɔn, a bä wä cieŋ ni rɛy Jɛ-ru-tha-lɛm, kä ba cɔli wec ŋäthä kä päm Kuɔth Nhial in la Ruey Ɣɔaa, päm in rɛl gɔɔydɛ rɔ.

Mɛ̈l 1:11

Kä bi ciötdä di̱t rɛy dööri, a känɛ kä käny ca̱ŋ a wä nikä kony ca̱ŋ. Kä ba wal tin kuɔ̱r kuɔ̱ɔ̱r kɛnɛ muc ti kök köök nööŋ kɛ kui̱dä gua̱thni diaal. Kɛ ɣöö di̱t ciötdä rɛy dööri.

Lät Jaakni Yecu 2:17

‘Ci Kuoth ɛ lar ɛn ɣöö, kɛ ni̱n tin jɔk bä mɛmɛ la̱t, ɛn ɣöö bä Yiëëdä wuɔc kä nɛy diaal, kä bi gaatkun kɛnɛ nyiekun ruaacni go̱o̱kä lat, kä bi ŋuɛ̈tnikun nyuuthni nɛn, kä bi dɔŋ wutnikun la̱a̱k läkikä.

Ji̱ Ɣi-bɛ-ru 1:2

Kä ɛn ni̱ni ti jɔak ti thia̱k ti, cɛ ruac kɛ kɔn kɛ Gat, min cɛ kuany kɛ ɣöö bɛ nyin wec muɔ̱ɔ̱n diaal guäl, kä ca ɣɔw cak kɛ jɛ.

2 Pit 3:3

Bia nɛmɛ dhil ŋa̱c kɛ nhiam, ɛn ɣöö bi ji̱ boorä ben kɛ ni̱n tin jɔak, nɛy ti guɔ̱ɔ̱rkɛ ni di̱t lɔaacdiɛn kɛ tin go̱o̱r pua̱nykiɛn kɛ.

Nyuuth 11:15

Kä cu jääk nhial in bärɔwdiɛn kaaŋdɛ koth, cuɛ tekɛ jɔw mi di̱i̱t nhial, wëë i̱, “Ci kuäärä ɣɔaa a Kuäär Kua̱ra in Kuoth kɛnɛ Mɛ-thiadɛ, kä jɛn bɛ ruëc amäni cäŋ kɛl.”

Nyuuth 15:4

Ɛŋa mi /ci bi dual kɛ ji̱, kä /ci ciötdu bi puany, lö Kuäär ni Kuoth? Kɛ ɣöö ɛ ji̱n kärɔa rɛl gɔɔydu rɔ mɔ. Döör diaal bikɛ ben, kä bikɛ ben pal nhiamdu, kɛ ɣöö luɔ̱ɔ̱ku ca kɛ nyoth.”

Nyuuth 20:4

Kä cua kɔamni kuäärä nɛn, kä nɛy tin nyuur thi̱n cakɛ ka̱m lua̱ŋ luɔ̱ɔ̱kni. Kä cua tiey nɛɛni ti ca näk kɛ kui̱ nenädiɛn kɛ Yecu kɛnɛ ruac Kuɔth nɛn bä. Kɛ nɛy tin /ka̱n ley pal kiɛ cätdɛ, kä /ka̱n biɛlɛ la̱th nhiam kaandiɛn kiɛ tetnikiɛn. Cukɛ rɔ̱ nyɔk kɛ tëk, kä cukɛ ruëc kɛɛl kɛ Kritho kɛ run ti bathdɔɔr kɛl.