Mikaa 3:7 - RUAC KUƆTH IN RƐL RƆ

⁷ Kä bi ti̱t lɔcdiɛn jiääk, kä bi nɛy tin markɛ ŋɔak pöc, bi kɛn diaal thukiɛn lëk thi̱n, kɛ ɣöö thilɛ mi luc Kuoth ɛ kɛ.

Mikaa 3:7 Iomraidhean Croise

Diit 74:9

/Ci nɛy nyuuthnikɔ lɛ nɛn, kä cɛ cu thil go̱o̱k ti ci duɔth, kä cɛ cu thil ram mi ŋäcɛ kä kɔ, ɛn nɛmɛ bɛ mäni nɛy.

Ɣöth 9:11

Kä /ken ti̱t cuɔ̱ŋ luäŋ nhiam Muthɛ kɛ kui̱ ŋua̱t, kɛ ɣöö te pua̱ny ti̱tni tɔ̱tɔ̱ kɛnɛ ji̱ I-jëp diaal kɛ ŋuäät.

I-ca-yaa 44:25

ɛ ɣän jak nyuuthni göökni kä kac ɔ, kä jak ti̱t kä dɔa̱a̱r, ɛ ɣän woc pɛl nath ɔ, kä ɛ ɣän jak ŋäc ŋɔaknidiɛn kä thil luɔt ɔ,

Bok Go̱kä ni Yir-mɛ-yaa 18:18

Ɛ jɛn cu naath wee i̱, “Bia, la̱tnɛ ca̱p mi jiääk kɛ kui̱ Yir-mɛ-yaa, kɛ ɣöö /ci ŋuɔ̱t bi lɛ bath kä bo̱o̱th palä, kä /ci luek bi lɛ thil kä ram in pɛl, kä /ci ruac bi lɛ jiɛn kä gök. Bia dua̱cnɛ jɛ kɛ lɛp, kä /cuanɛ tekɛ mi liɛŋnɛ kä ruaacnikɛ.”

Yɛdh 24:17

Ɛ lɔcdu jiɛth bitdä, /cu ram in ci li̱w par. A kumdu te wi̱i̱du, kä /cu jäl kɛ pa̱a̱tku baaŋ a thil wa̱a̱ri. /Cu nhiamdu kum, kä /cu cam ni mi̱th nɛɛni tin la pär.”

Yɛdh 24:22

Kä bi yɛn ɛ la̱t ce̱tnikɛ min cä la̱t. /Ci yɛn nhiamdun bi kum kä /ci yɛn mi̱eth nɛɛni tin la pär bi cam.

Liib 13:45

“Kɛ kui̱ ɛmɔ bi ram min tekɛ juey gupä ala dhɔp ciɛŋ ni bieyni ti ci rɛ̈t, kä bɛ wi̱cdɛ päl ɛ /ka̱n la̱t, kä bɛ thokdɛ kum kä wiee ɛ i̱, ‘Mi jiääk, mi jiääk.’

A-mɔth 8:11

Ci Kuäär ni Kuoth Nhial wee i̱, “Nɛnɛ jɛ ci ni̱n thia̱k kɛ ɣöö bä buɔth rɛ̈w nööŋ wi̱i̱ muɔ̱ɔ̱n, mi /ci mɔ a buɔth mi̱th kä /ci mɔ a rɛw pi̱i̱ni, ɛ ni ɣöö ɛ buɔth li̱eŋ ruaacni Kuɔth.

Mikaa 3:4

Ɛ jɛn bikɛ Kuoth Nhial ro̱l, duundɛ ɣöö /cɛkɛ bi liŋ. Ɛn guäth ɛmɔ bɛ rɔ tɛ̱̈ɛ̱̈ kɛ kɛ, kɛ ɣöö jiäk lätkiɛn.

Mikaa 7:16

Kä bi dör ɛ nɛn kä bikɛ cu ga̱a̱c kɛ buɔ̱mdiɛn kɛɛliw. Kä bikɛ thukiɛn cu dɛŋ kä thi̱n kä ba ji̱thkiɛn kum.

Dhɛk 13:4

Ɛn cäŋ ɛmɔ, bɛ thil gök mi liak rɔ kɛ nyuuthnikɛ ti la nyin go̱o̱kä. Kä /cɛ ruac go̱o̱kä mi kaŋɛ naath bi lɛ la̱t,

1 Tham 14:37

Kä cu Thɔɔl Kuoth thiec i̱, “Dëë wä kɔɔr ji̱ Pi-li-thɛt? Kä bikɛ ka̱m ji̱ I-thɛ-rɛl?” Kä duundɛ ɣöö /kenɛ jɛ loc ɛn cäŋ ɛmɔ.

1 Tham 28:15

Kä cu Tha-muɛl Thɔɔl jiök i̱, “Ɛŋu jutdi ɣä mɔ, kɛ no̱o̱ŋdu kɛ ɣä raar?” Kä cu Thɔɔl ɛ loc i̱, “Ta̱a̱ kɛ riɛk mi di̱i̱t. Ji̱ Pi-li-thɛt nyieenykɛ kɛ ɣä, kä ci Kuoth gaak kɛ ɣä kä /cɛ ɣä lɛn loc, kɛ thuk göökni kiɛ kɛ la̱a̱k. Kɛ kui̱c ɛmɔ cä ji̱ cɔl kɛ ɣöö bi ɣä la̱r min dëë la̱t.”

1 Tham 28:6

Kä mëë cɛ Kuoth Nhial thiec, /ken Kuoth Nhial ɛ loc, a cäŋɛ la̱k kiɛ kɛ tueth guiikni, kiɛ kɛ go̱o̱k.

1 Tham 9:9

(Ni wen kä I-thɛ-rɛl, mi wä raan Kuoth thiec, la wee i̱ “Bër, wanɛ kä ti̱et.” Min kua lɛ cɔl ɛn täämɛ i̱ go̱k, ni wen cɔal kɛ jɛ i̱ ti̱et.)