Mikaa 3:6 - RUAC KUƆTH IN RƐL RƆ

⁶ Kɛ kui̱c ɛmɔ bi wäär ben kä yɛ a /cia nɛn, kä bi muth ben kä yɛ a thilɛ mi nyoothɛ. Kä bi cäŋ kony kɛ kui̱ göökni, kä bi cäŋdäär cual kɛ kui̱diɛn.

Mikaa 3:6 Iomraidhean Croise

Diit 74:9

/Ci nɛy nyuuthnikɔ lɛ nɛn, kä cɛ cu thil go̱o̱k ti ci duɔth, kä cɛ cu thil ram mi ŋäcɛ kä kɔ, ɛn nɛmɛ bɛ mäni nɛy.

I-ca-yaa 29:10

Kɛ ɣöö ci Kuoth Nhial yɛ wuɔ̱c yiëë ni̱en mi di̱i̱t, kä cɛ wäŋ göökni kum, kä cɛ cär ti̱tni kum.

I-ca-yaa 59:10

Luk kɔn ni päny ce̱tnikɛ ciöör, la thi̱ep kɔn ce̱tkɛ nɛy ti thil wäŋ, la kɔn kɔ̱a̱a̱th a kɔ̱thikä kɛ cäŋdäär ce̱tkɛ wäär, rɛy nɛɛni tin bum ce̱t kɔn nikɛ nɛy ti ci li̱w.

Bok Go̱kä ni Yir-mɛ-yaa 13:16

Ka̱mɛ ni Kuoth Nhial ni Kuothdun luth a /kenɛ yɛ ni nöŋ muth, a /ken yɛn kɔ̱a̱th ni kɔ̱th ikä kɛ pääm rɛy muɔ̱th, kä min go̱rɛ buay bɛ jak ni jɛ kä muth mi col.

Bok Go̱kä ni Yir-mɛ-yaa 15:9

Kä bi man gan da̱ŋ bärɔw ti ci li̱w lɔcdɛ jiath kä bɛ ria̱p, ci cäŋdɛ kony kɛ cäŋdäär, jɛn bɛ pöc kä bɛ thil luth. Kä bä nɛy tin bi kään jak kä na̱kɛ ko̱o̱r ɛ ji̱ tɛ̈riɛn,” ruac ni ɣän Kuoth Nhial.

Bok Go̱kä ni Yir-mɛ-yaa 18:18

Ɛ jɛn cu naath wee i̱, “Bia, la̱tnɛ ca̱p mi jiääk kɛ kui̱ Yir-mɛ-yaa, kɛ ɣöö /ci ŋuɔ̱t bi lɛ bath kä bo̱o̱th palä, kä /ci luek bi lɛ thil kä ram in pɛl, kä /ci ruac bi lɛ jiɛn kä gök. Bia dua̱cnɛ jɛ kɛ lɛp, kä /cuanɛ tekɛ mi liɛŋnɛ kä ruaacnikɛ.”

Yɛdh 13:9

Ɣän bä göök tin latkɛ rieet lɔrä kä nɛ̈nkɛ nyuuthni ka̱a̱cni duäc. /Cikɛ bi te rɛy dolä nɛɛnikä, kä /cakɛ bi gɔ̱r kɛɛl kɛ thok duëël I-thɛ-rɛl, kä /cikɛ bi wä muun I-thɛ-rɛl. Kä bi yɛn ɛ cu ŋa̱c ɛn ɣöö ɛ ɣän Kuäär ni Kuoth Nhial.

Yɛdh 7:26

Kä ba riɛk guɔ̱ɔ̱r ɛ riɛk, kä ba ca wee guɔ̱ɔ̱r ɛ ca wee. Kä bikɛ nyuuth go̱r kä gök, kä bi ŋi̱i̱c thil kä bo̱o̱th palä, kä bɛ thil luek kä nɛy tin di̱t.

A-mɔth 8:11

Ci Kuäär ni Kuoth Nhial wee i̱, “Nɛnɛ jɛ ci ni̱n thia̱k kɛ ɣöö bä buɔth rɛ̈w nööŋ wi̱i̱ muɔ̱ɔ̱n, mi /ci mɔ a buɔth mi̱th kä /ci mɔ a rɛw pi̱i̱ni, ɛ ni ɣöö ɛ buɔth li̱eŋ ruaacni Kuɔth.

Mikaa 2:6

Kä cu naath ɣä jiök i̱, “/Cu nɛy lät ruac. /Cu ruac kɛ kui̱ ti̱ti̱ diaal. /Ci pöc bi ben kä kɔ.”