Mikaa 3:5 - RUAC KUƆTH IN RƐL RƆ

⁵ Kä nɛmɛ ɛ min ci Kuoth Nhial ɛ lar kɛ kui̱ göökni tin ca nɛɛkä jak kä bath, tin wee “Ɛ mal” kɛ nɛy tin mockɛ mi̱eth. Kä lat kɛn ni ko̱r kɛ nɛy tin /kenkɛ moc mi̱eth.

Mikaa 3:5 Iomraidhean Croise

Ruac Pɛli 28:21

Nyuɔ̱th duɔɔthni mɛɛtdä ɛ duer, kä ŋotdɛ bi raan duer la̱t kɛ kui̱ mi̱eth.

I-ca-yaa 3:12

Kä nɛɛkä bakɛ yak ɛ dho̱li, kä bakɛ ruac ɛ män. Kä lö nɛɛkä, ca yɛ bath ɛ bööthkun, ca yɛ woc dup.

Bok Go̱kä ni Yir-mɛ-yaa 23:27

tin car kɛ jɛ ɛn ɣöö dëë nɛɛkä jak kä pa̱lkɛ ciötdä ruëëc kɛ la̱a̱kiɛn tin lät kɛn kɛ kä rɔ̱, ce̱tkɛ mëë ci gua̱ni ciötdä pa̱l ruëëc kɛ kui̱ kuɔth Baal?

Bok Go̱kä ni Yir-mɛ-yaa 23:32

Kä ɣän gakä kɛ nɛy tin latkɛ ruac go̱o̱kä kɛnɛ la̱a̱k kacä, lät kɛn nikɛ ka̱a̱cni, kä buathkɛ nɛɛkä raar kɛ ka̱a̱cnikiɛn kɛnɛ nyɔɔpdiɛn, kä /ka̱n kɛ ja̱k kä /ka̱n kɛ kuany. Kä thilɛ luɔt mi ci nɛy ti̱ti̱ jɛ jëk thi̱n, ruac ni ɣän Kuoth Nhial.”

Bok Go̱kä ni Yir-mɛ-yaa 6:14

Kä /ca buɔ̱ɔ̱t nɛɛnikä lät agɔaa, ruac ni kɛn i̱, ‘Ɛ mal, ɛ mal,’ kä thilɛ mal mi te thi̱n.

Bok Go̱kä ni Yir-mɛ-yaa 6:4

Kä bi kɛ wee i̱, “Rialɛ ko̱r ikä kɛ jɛ, jiacɛ rɔ̱, maknɛ jɛ kɛ cäŋ däär!” Duundɛ ɣöö cukɛ wee i̱, “Canɛ jääny, ci cäŋ rɔɔdɛ ku thuŋ buɔ̱k, ci ben ni ti̱ep thiaŋ!

Jiɛth 2:14

Nën göökniku ɛ kac thilɛ jɛ luɔt, /ka̱n dueerku lat raar tin jakɛ ji̱ kä pɛ̈c. Ca la̱t ni ji̱ nyuuthni kacä tin kua ji̱ lɛ bath.

Yɛdh 13:9

Ɣän bä göök tin latkɛ rieet lɔrä kä nɛ̈nkɛ nyuuthni ka̱a̱cni duäc. /Cikɛ bi te rɛy dolä nɛɛnikä, kä /cakɛ bi gɔ̱r kɛɛl kɛ thok duëël I-thɛ-rɛl, kä /cikɛ bi wä muun I-thɛ-rɛl. Kä bi yɛn ɛ cu ŋa̱c ɛn ɣöö ɛ ɣän Kuäär ni Kuoth Nhial.

Ɣocä 4:5

Kɛ ɣöö bia latdɛ ni dueer kɛ cäŋdäär, amäni gök bä duerɛ kɛɛl kɛ yɛ kɛ wäär. Kɛ kui̱c ɛmɔ bä muɔɔr ni I-thɛ-rɛl cu riaw bä.

Yo-el 3:9

Latdɛ ruac ɛmɛ rɛy dööri diaal i̱, rialɛ rɔ̱ ikä kɛ kui̱ köör. Cɔalɛ wäth köörun. Jakɛ wutni köör diaal kä bä thiekä wanɛ mɛ.

Mikaa 2:11

Kä mi ci gua̱n kacä kɛnɛ ram kaaŋ naath ben, kä ba yɛ jiök i̱, “Ɣän bä ruac kɛ ɣöö bi tekɛ kɔaŋ mi di̱i̱t,” jɛn ba gök nɛɛni ti̱ti̱!

Mikaa 3:11

Kä lat bööthkɛ luk kɛ kök, kä ŋi̱i̱c bööth palädɛ naath kɛ kök, kä lat göökɛ nyuuthni kɛ yio̱w, kä lat kɛnɛ i̱, “Te Kuoth Nhial kɛɛl kɛ kɛ, thilɛ riɛk mi bi ben kä nɛy.”

Mɛ̈l 2:8

Kä cia päl ni duɔ̱p, kä cia nɛy ti ŋuan jak kä la̱tkɛ dueer kɛ ruacdun. /Cia mat ruac kɛ Lii-bay yia̱r, ruac ni ɣän Kuoth Nhial in la Ruey Ɣɔaa.

Mɛ̈t 15:14

Palɛ kɛ kä rɔ̱, kɛ bööth ciööri ti ciöör. Kä mi buɔth cɔr cɔr dɔ̱diɛn, bi kɛn da̱ŋ rɛw pɛn kɔ̱k.”

Mɛ̈t 7:15

“Niɛkɛ rɔ̱ kɛ göök ti guäy, tin bëë kä yɛ a ca rɔ̱ moc kɛ tuac rɔɔmä, kä ce̱t rɛydiɛn kɛ jio̱o̱k nyapëc ti näk buɔth kɛ.

Ji̱ Röm 16:18

Kɛ ɣöö nɛy ti ce̱tkɛ ti̱ti̱, /cikɛ Kuääran ni Kritho lätikä, la̱tkɛ ni jia̱ckiɛn ikä. Kä kɛ rieet pɛlä ka̱a̱cni kaŋkɛ lo̱c nɛɛni ti ma̱ŋ ma̱a̱ŋ.