Mikaa 2:12 - RUAC KUƆTH IN RƐL RƆ

¹² Kä ɣän ɛ puc bä yɛ ruɔ̱ɔ̱l yɛn diaal lö ji̱ I-thɛ-rɛl, ɛ puc ɣän bä duɔth ji̱ I-thɛ-rɛl ma̱a̱t. Ɣän bäkɛ ruɔl guäth kɛl ce̱tkɛ rɔɔm rɛy luaak, ce̱tnikɛ det rɛy tɔ̱ɔ̱rä, kä bi mun thia̱a̱ŋ kɛ nɛy ti ŋuan.

Mikaa 2:12 Iomraidhean Croise

Tuk Cäkä Ɣɔaa 36:33

Mëë ci Bɛlä li̱w cua gua̱a̱thdɛ guäl ɛ Yo-bab gat wutdä mi cɔal i̱ Dhɛra raan rööl Bɔ-dhɛ-ra.

1 Kuɛ̈n 1:44

Mëë ci Bɛlä li̱w cua guɔ̱ɔ̱r ɛ Yo-bab gat Dhɛra ro̱o̱l Bɔ-dhɛ-ra ala kuäär.

I-ca-yaa 11:11

Ɛn cäŋ ɛmɔ bi Kuäär ni Kuoth rɔ nyɔk kɛ mi no̱o̱ŋɛ duɔth nɛɛnikɛ tin ŋot kɛ tëk kä A-thi-ri-ya kɛnɛ cam I-jëp kɛ cuec I-jëp kɛ Kuc kɛnɛ Ee-lam kɛ Ci-nar kɛnɛ Ä-math kɛ dhuɔ̱li baar.

I-ca-yaa 27:12

Ɛn cäŋ ɛmɔ bi Kuoth Nhial ji̱ I-thɛ-rɛl ma̱a̱t kɛ̈l kɛ̈ɛ̈li ni Kiir Yu-pɛ-ree-tidh amäni rɛy Tuɔɔc I-jëp ce̱tnikɛ min la bɛl a kɔ̱a̱mkɛ.

I-ca-yaa 34:6

Thɛp Kuɔth Nhial cɛ bony rɛy riɛm, ca jɛ kum ɛ thiɔl, ɛ riɛm deet rɔɔmni kɛnɛ böwni, kɛ thiɔl rokni rueethni deet rɔɔmni. Kɛ ɣöö te Kuoth Nhial kɛ muc kä Bɔ-dhɛ-ra, kä di̱t näkdɛ ikä muun Ɛ-dɔm.

I-ca-yaa 5:17

Rɛy wec in ci da̱k bi dët laak thi̱n, kä ba gua̱a̱th la̱t rueethni deet.

Bok Go̱kä ni Yir-mɛ-yaa 23:3

Ɣän bä duɔth deetkä ma̱a̱t rɛy wi̱i̱ni diaal tin cäkɛ riaw kä thi̱n, bä kɛ luɔ̱c guäth lo̱kdiɛn, kä bikɛ rɔ kuay ɛlɔ̱ŋ.

Bok Go̱kä ni Yir-mɛ-yaa 3:18

Ɛn ni̱ni tɔ̱tɔ̱ bi ji̱ Juda rɔ̱ ma̱t ji̱ I-thɛ-rɛl, kɛɛl bikɛ jiɛɛn ro̱o̱l kuec caam wä kɛ muun ëë cä ka̱m guuri ala duŋdiɛn.’ ”

Yɛdh 34:11

Kä cu Kuäär ni Kuoth Nhial mɛmɛ lar wëë i̱, “Ɣän puɔ̱nydä pa̱ny bä detkä wä go̱r ɛ ɣän, bäkɛ dhil nikɛ gör.

Yɛdh 34:13

Ɣän bäkɛ ma̱a̱t rɛy dööri kä bä kɛ ruɔ̱ɔ̱l rɛy wi̱i̱ni, kä bäkɛ nööŋ muundiɛn pa̱ny. Kä bäkɛ wä mi̱eeth ni wuɔ̱thni päämni I-thɛ-rɛl, gekä pi̱i̱ni gua̱th ni diaal tin la ciaŋkɛ.

Yɛdh 34:22

Ɣän bä detkä luäk, /ca kɛ bi̱lɛ nyɔk kɛ ciëŋ a jiäk. Ɣän bä kam deet kɛnɛ det tin kɔ̱ŋ luk.”

Yɛdh 34:31

Kɛ yɛn detkä, detkä tin la la̱a̱kä, kä ɛ ɣän Kuothdun, ruac ni ɣän Kuäär ni Kuoth Nhial.”

Yɛdh 36:37

Kä cu Kuäär ni Kuoth Nhial ruac wëë i̱, “Ɣän bä ji̱ I-thɛ-rɛl jakä thieckɛ ɣä kɛ ɣöö bäkɛ lät kä mɛmɛ. Ɣän bäkɛ jakä rëpkɛ rɔ̱ ce̱tnikɛ det.

Yɛdh 37:21

inɔ, kuɛlɛ la̱r kɛ ɛn ɣöö ɛ Kuäär ni Kuoth Nhial i̱, ‘Bä ji̱ I-thɛ-rɛl diaal wä nööŋ rɛy nɛɛni diaal tëë cikɛ wä thi̱n, kä bäkɛ rol pekni diaal, kä bäkɛ nööŋ ni muundiɛn pa̱ny.

Ɣocä 1:11

Kä bi ji̱ I-thɛ-rɛl mat kɛnɛ ji̱ Juda ala kɛl, kä bikɛ rɔ̱ cu kueny bööth kɛl. Kä bikɛ buɔ̱m wi̱i̱ muɔ̱ɔ̱n, kɛ ɣöö gɔaa cäŋ Yidh-rɛɛl.

A-mɔth 1:12

Kɛ kui̱ ɛmɔ, bä mac yuɔr Te-man, kä bɛ tiëc Bɔ-dhɛ-ra ti̱n buɔ̱m buɔ̱ɔ̱m pɛt ɛ pɛt.”

Mikaa 2:13

Kä bi ram in lepkɛ duɔ̱ɔ̱p kɛ cu bo̱th. Kä bikɛ lɛny raar kɛ jɛ, kä bikɛ cu wä. Kä bi kuääriɛn wä nhiamdiɛn, kä bi Kuoth Nhial kɛ cu böth.

Mikaa 4:8

“Kä kɛ kui̱du ji̱n luak deet in bäär, kɛ ji̱n päm nya Dha-yɔn in bum. Kä ji̱ bi ruec ben, kuäär bɛ luny kä nya Jɛ-ru-tha-lɛm.”

Mikaa 5:7

Kä bi duɔth ji̱ I-thɛ-rɛl ciɛŋ ni rɛy döri ti ŋuan, ce̱tkɛ thäc mi bä kä Kuoth Nhial, kɛnɛ nyuɛ̈ɛ̈r rɛy juaacni, tin /ca lip ni raan kiɛ gat ran.

Mikaa 5:8

Kɛn duɔth ji̱ I-thɛ-rɛl bikɛ cieŋ rɛy döri, rɛy nɛɛni ti ŋuan, ce̱tkɛ lony rɛy leeyni ti ŋuan, kɛnɛ ruath luɔny rɛy buni deet, min camɛ kɛ, kä thilɛ ram mi luäkɛ.

Mikaa 7:14

Yien nɛɛku kɛnɛ detku kɛ kɛɛtdu, lö Kuoth Nhial, tin cieŋ kärɔ rɛy ruɔ̱ɔ̱p, rɛy muɔ̱ɔ̱n mi tëë wal. Jak nikɛ kä läk kä Ba-can kɛnɛ Gil-yad ce̱tnikɛ ni̱n tëë wal.

Mikaa 7:18

Kä ɛ Kuoth in mith dee ce̱tkɛ ji̱ mɔ kɛ päl dueeri kɛ duɔth nɛɛnikɛ tin la nyinkɛ? Kä /ci gakdu la rɔmi amäni cäŋ kɛl, kä la nyuthi ni nɛɛku nhök mi thil pek.

Dhɛp 3:20

Ɛn cäŋ ɛmɔ bä yɛ nööŋ cieŋ, cäŋ in bä yɛ mat kɛɛl. Ɣän bä yɛ ka̱m liak kɛnɛ luth rɛy nɛɛni diaal wi̱i̱ muɔ̱ɔ̱n, mi wa̱a̱ yɛ wä luɔ̱c baŋkun,” ruac ni ɣän Kuoth Nhial.