Mikaa 1:4 - RUAC KUƆTH IN RƐL RƆ

⁴ Kä bi pääm thia̱y ciöknikɛ, ce̱tkɛ kɔl rɛy maac, Kä bi lööli rɔ ba̱k, ce̱tkɛ pi̱w, ti ca wuɔc guäth mi lɛ̈ɛ̈r.

Mikaa 1:4 Iomraidhean Croise

Diit 46:6

Döör cikɛ dual, kä cɛ kuääri lath, cɛ jɔwdɛ kap nhial, kä cu piny thia̱y.

Diit 68:2

Lɔkɛ ce̱tnikɛ min la tol ɛ lɔakɛ ɛ jiɔam, kä ɛ ji̱ nyuɔɔni li̱w nhiam Kuɔth, ce̱tnikɛ min la kɔl a lëër kɛ mac!

Diit 97:5

Kä la lëër pääm ce̱tnikɛ kɔl nhiam Kuɔth Nhial, nhiam kua̱r ji̱ wi̱c muɔ̱ɔ̱n diaal.

A-mɔth 9:5

Jɛn Kuäär ni Kuoth, Kuoth in la Ruey Ɣɔaa, jɛn min thiap ni piny kä bɛ cu lath, kä bi ji̱kɛ diaal cu pa̱r, kä bi piny ɣönh nhial ce̱tkɛ muak kiɛr I-jëp kɛnɛ do̱ndɛ.

Nɛ̈m 1:5

Kä cuɛ pääm lath kä cukɛ dhia̱y nhiamdɛ. Kä cu piny dual kɛnɛ tin diaal tin cieŋ thi̱n.

Bok Go̱kä ni Ɣä-bɛ̈-kuk 3:10

Mëë ci pääm ji̱ nɛn cukɛ ka̱c, kä cu pi̱w wuɔ̱w min dɛmkɛ nhial. Kä cu pi̱ piɛny muɔ̱ɔ̱n wuɔ̱w, cukɛ tekɛ muaŋ mi di̱i̱t.

Bok Go̱kä ni Ɣä-bɛ̈-kuk 3:6

Mi cɛ cuɔ̱ŋ lathɛ piny, kä mi cɛ liɛɛc dual döör. Kä pääm tëë wal, ci kɛ thia̱y piny. Kä dupkɛ thilɛ kɛ pek.

Dhɛk 14:4

Kä ɛn cäŋ ɛ mɔ bɛ cuɔ̱ŋ wi̱i̱ pa̱a̱m Ɔ-lip min lot ni Jɛ-ru-tha-lɛm kui̱ känyä ca̱ŋ. Kä bi päm Ɔ-lip rɔ da̱a̱k kä rɛɛw a känɛ jɛ ni kui̱c känyä ca̱ŋ a wä ni kui̱ konyä ca̱ŋ kɛ lo̱o̱l mi di̱i̱t. Kä cu kui̱ kɛl wä kui̱c caam kä cu min dɔ̱ŋ wä kui̱c cuëëc.

Nyuuth 20:11

Kä cua kɔm kuäärä mi bo̱r mi di̱i̱t kɛnɛ ram in nyuur thi̱n nɛn, kä cu piny kɛnɛ nhial rɔ̱ bar nhiamdɛ, kä cuɛ thil gua̱a̱th kɛ kui̱diɛn.

Ruëëc 5:4

“Kä kɛ bendu Kuoth Nhial rööl päämni Ɛ-dɔm, nikɛ jiɛɛndu ni ro̱o̱l Ɛ-dɔm. Cuɛ piny lath, cu nhiaal dɛ̈m nhial. Ɛ puc cu pua̱a̱r dɛ̈m kɛ nhiaal.