Mɛ̈t 8:3 - RUAC KUƆTH IN RƐL RƆ

³ Kä cu Yecu tetdɛ ri̱c, cuɛ jɛ thiap, wëë i̱, “Ɣän nhɔakä jɛ. Bi gɔaa!” Kä niɛ wanɔ cu dhɔpdɛ gɔaa.

Mɛ̈t 8:3 Iomraidhean Croise

Tuk Cäkä Ɣɔaa 1:3

Kä cu Kuoth wee i̱, “A ɣɔw tekɛ buay,” kä cuɛ cua̱ buay.

2 Kua̱r 5:11

Kä cu Naa-man jiɛn a cɛ gaak wee i̱, “Nɛnɛ ɣän ŋa̱cä ni ɣöö bɛ ben raar kä ɣä, kä bɛ Kuɔth Nhial Kuothdɛ ben pal, kä bɛ tetdɛ ben la̱th guäth butdä kä bɛ dhɔpdä cu jak kä gɔaa.

2 Kua̱r 5:14

Kä cuɛ wä cuɛ rɔ wä buɔny ni kä bärɔw kä Jɔr-dɛn, ce̱tnikɛ ruac ran Kuɔth. Kä cu puɔ̱nydɛ gɔaa a bɛ ce̱tnikɛ puɔ̱ny gatdä mi tɔt.

Diit 33:9

Kä mi cɛ lat, la tuɔɔkɛ, mi cɛ lar, la jɔcɛ.

Ɣöth 4:7

Cu Kuoth ɛ ku jiök i̱, “Cotni tetdu rɛy bieydu.” Cuɛ jɛ nyɔk kɛ loc thi̱n, kä mëë wëë jɛ nyɔk kɛ guëëth raar cu tetdɛ pual ɛ bɛ ce̱tnikɛ duɔth pua̱a̱nydɛ min dɔ̱ŋ.

Mɛ̈t 12:13

Kä cuɛ wut jiök i̱, “Ri̱c tetdu.” Kä cu wut ɛ ri̱c, kä cuɛ cu gɔaa, kä cuɛ pa̱a̱r kɛ tet in dɔ̱ŋ.

Mak 1:41

Cu Yecu lɔcdɛ ŋɛ̈p kɛ kui̱dɛ, kä cuɛ tetdɛ riny cuɛ jɛ thiap, kä cuɛ jɛ jiök i̱, “Nhɔakä jɛ. A puɔ̱nydu gɔaa.”

Mak 4:39

Cu Yecu keer, kä cuɛ jiɔm luek, kä cuɛ muaŋ jiök i̱, “Käpni rɔ cuɔ̱ŋ!” Cu jiɔm cuɔ̱ŋ, kä cuɛ piny käp ɛ kur.

Mak 5:41

Kä cuɛ tet gatdä käp, cuɛ jɛ jiök i̱, “Talitha kum,” mi lot ni ɣöö i̱, “Nyam mi tɔt, i̱ jiɛc rɔ!”

Mak 7:34

Mëë cɛ nhial liɛc, cuɛ yiëë ŋɔk a di̱t, kä cuɛ wut jiök i̱, “Ɛ-pa-tha”, mi lot ni ɣöö, “Lɛprɔ.”

Mak 9:25

Kä min ci Yecu jɛ nɛn ɛn ɣöö bä buɔ̱n kɛɛl kɛ wuɔ̱ɔ̱r, cuɛ yiëë in jiääk luek, jio̱kɛ jɛ i̱, “Ji̱n, yiëë in ci dho̱o̱l ɛmɛ pën ruac kɛnɛ li̱eŋ, ɣän la̱tdä ji̱ ruac, bër raar puɔ̱nydɛ, kä /cu rɔɔdu nyɔk kɛ loc kä jɛ!”

Luk 4:27

Kä cuɛ tekɛ ji̱ dhɔapni ti ŋuan kä I-thɛ-rɛl, kɛ ni̱n go̱kä ni E-li-yaa, kä cuɛ thilɛ ram kɛl rɛydiɛn mi cua jakä gɔaa, ɛ ni Naa-man kärɔa, raan Thi-ri-ya.”

Luk 5:13

Kä cu Yecu tetdɛ riny, kä cuɛ jɛ thiap, wëë i̱, “Nhɔakä jɛ. A puɔ̱nydu ku gɔaa.” Kä cu dhɔp jiɛɛn puɔ̱nydɛ ni ɛn guäth ɛmɔ pa̱ny.

Luk 7:14

Kä cuɛ ben, cuɛ gal thiap, kä cu nɛy tin kapkɛ gal cuɔ̱ŋ. Kä cuɛ wee i̱, “Ŋuɛ̈t, ɣän jiökä ji̱, jiɛc rɔɔdu!”

Jɔ̱ɔ̱n 11:43

Mëë cɛ nɛmɛ lar, cuɛ ciöt kɛ jɔw mi di̱i̱t i̱, “La-dha-räth, bër raar!”

Jɔ̱ɔ̱n 15:24

Mi /ka̱n lät tin /ca dee la̱t ɛ radɔ̱diɛn rɛydiɛn, /cikɛ dee tekɛ duer. Kä täämɛ cikɛ lät nɛn, kä ci kɛn ɣä nyir amäni Gua̱a̱r.

Jɔ̱ɔ̱n 5:21

Kä ce̱tkɛ min la jiɛɛc Gua̱a̱r in te nhial nɛy ti ci li̱w li̱th kä kämɛ kɛ tëk, bi Gatdɛ ram min nhɔkɛ ka̱m tëk bä.