Mɛ̈t 4:2 - RUAC KUƆTH IN RƐL RƆ

² Kä /kenɛ mi̱th kɛ ni̱n ti jiɛn ŋuan wäär kɛnɛ cäŋ. Kä kɛ kɔrɛ cu buɔth ɛ näk ɛlɔ̱ŋ.

Mɛ̈t 4:2 Iomraidhean Croise

1 Kua̱r 19:8

Kä cuɛ rɔ jiɛc, cuɛ mi̱th kä cuɛ maath, kä cuɛ wä ni kä Thi-nay pääm Kuɔth Nhial kɛ jɛn buɔ̱m mi̱eth ɛ mɔ kɛ ni̱n ti jiɛn ŋuaan.

Ɣöth 24:18

Cu Muthɛ coth rɛy puɔ̱rä, cuɛ wä wi̱i̱ pa̱a̱m, cuɛ te wi̱i̱ pa̱a̱m kɛ ni̱n ti jiɛn ŋuaan butdɛ kä ninɛ thi̱n.

Ɣöth 34:28

Kä cuɛ te kɛɛl kɛ Kuoth Nhial ɛn thɔ̱ŋ i̱ kɛ ni̱n ti jiɛn ŋuaan, thilɛ mi̱eth mi camɛ, kä thilɛ pi̱ ti maathɛ kɛ cäŋ däär kɛnɛ wäär. Kä cuɛ rieet tin la lueek Kuɔth da̱ŋ wäl gɔ̱a̱r puɔ̱ɔ̱ny pa̱a̱m in ca kuac ala pat pat.

Mɛ̈t 21:18

Kɛ runwaŋ min lunyɛ wi̱c, cu buɔth ɛ näk.

Mɛ̈t 25:35

Kɛ ɣöö cua ɣä näk ɛ buɔth, kä cuarɛ ɣä moc mi̱eth, cua ɣä näk ɛ rɛw, kä cuarɛ ɣä moc pi̱ ti maathä. Ɣän a juɔ̱r, kä cuarɛ ɣä nyuɔ̱ɔ̱r.

Mɛ̈t 25:42

Cua ɣä näk ɛ buɔth, kä thilɛ mi̱eth mi cia käm ɣä. Kä cua ɣä näk ɛ rɛw, kä /ka̱nɛ ɣä moc pi̱ ti maathä,

Mak 11:12

Mëë ruɔ̱n lunydiɛn jɔk kä Beth-ani, cu Yecu buɔthɛ näk.

Luk 4:2

guäth in ɣɔ̱a̱nkɛ jɛ thi̱n ɛ gua̱n jiäkni kɛ ni̱ni ti jiɛn da̱ŋ ŋuaan. Thilɛ mi cɛ cam kɛn ni̱ni tɔ̱tɔ̱. Kä mëë ci ni̱n tɔ̱tɔ̱ thuuk, cu buɔth ɛ näk.

Jɔ̱ɔ̱n 4:6

Kä te jiw Je-kɔb ɛn wa̱nɔ. Kä kɛ ɣöö ci Yecu cuuc kɛ ja̱l, cuɛ nyuur wi̱i̱ jiɛw. Kä gua̱a̱th ɛmɔ ce̱tdɛ kɛ gua̱a̱th in te cäŋ däär.

Ŋuɔ̱t 18:18

Ɣän bä gök mi ce̱tkɛ ji̱ jiɛc rɛydiɛn, rɛy ganman. Kä bä rieetkä la̱th thokdɛ, kä bɛ kɛ la̱t ti diaal tin cä la̱t jɛ.

Ŋuɔ̱t 9:18

Ɛn wa̱nɔ cua̱ lɛni pal kɛ ni̱n ti jiɛɛn da̱ŋ ŋuaan nhiam Kuɔth Nhial, ti /ci ɣä mi̱th thi̱n kä /cä mäth kɛ pi̱. Kɛ kui̱ dueeri diaal ti jiäk, tëë cia la̱t waaŋ Kuɔth Nhial. Tëë jak kɛ jɛ kä gak.

Ŋuɔ̱t 9:25

“Ɣän cua pal kɛ ni̱n ti jiɛɛn da̱ŋ ŋuaan nhiam Kuɔth Nhial, kɛ ɣöö cɛ lar i̱ bɛ yɛ däk.

Ŋuɔ̱t 9:9

Kä mëë cä wä wi̱i̱ pa̱a̱m kɛ ɣöö bä pääm luëëkni wä ka̱n, luëëk tëë cia lat kɛ Kuoth Nhial. Cua̱ duɔth wi̱i̱ pa̱a̱m kɛ ni̱n ti jiɛɛn da̱ŋ ŋuaan /cä mi̱th kɛ kuän kä /cä mäth kɛ pi̱.