Mɛ̈t 3:2 - RUAC KUƆTH IN RƐL RƆ

² “Rietdɛ rɔ̱ kä jiäkun, kɛ ɣöö ci ciaŋ kuäärä nhial thia̱k.”

Mɛ̈t 3:2 Iomraidhean Croise

1 Kua̱r 8:47

Mi wäkɛn ɛ rɔm kɛ lɔcdiɛn muun in cakɛ pɛ̈c thi̱n, kä cikɛ rɔ ri̱t ji̱ ɛn muun nɛɛni tin cakɛ pɛc, lar kɛ ja i̱, ‘Ca̱kɔ duer, ca̱kɔ mi jiäk la̱t,’

I-yob 39:12

Ji̱n deri jɛ ŋäth i̱ bɛ luny jɔk mi ca jɛ lony, derɛ bɛlku nööŋ guäth in bakɛ lɔk thi̱n?

I-yob 42:6

kä inɔ ɣän bä rɔ ri̱t, kä bä nyuur ni tupä kä bä rɔ buk nikɛ ŋɛ̈th.”

Yɛdh 33:11

Kä läri jɛ kɛ, ɛn ɣöö ce̱tnikɛ tëkdä, ɣän Kuäär ni Kuoth Nhial ɛn ɣöö, ɣän thilɛ mi nhɔakä kä lia̱a̱ ji̱ nyuɔɔni, mi cikɛ rɔ̱ ri̱t kä dueerkiɛn kɛ ɣöö bikɛ tëk, rietdɛ rɔ̱, rietdɛ rɔ̱ kä lät dueerikun, kɛ ɣöö ɛŋu bia li̱w ɔ lö thok duëël I-thɛ-rɛl?

Bok Go̱kä ni Da-ni-yel 2:44

Kä kɛ ni̱n tin ruec kɛ kua̱r tɔ̱tɔ̱, bi Kuoth puɔ̱ɔ̱rä kuäär mi thil mi bi jɛ wany tok, kä kuäär ɛmɔ /ca jɛ bi lɛ ba̱ny nɛy ti kɔ̱kiɛn. Kä bɛ kuääri diaal ti̱ti̱ däk, kä jɛn bɛ te thi̱n ala do̱raar,

Mɛ̈t 10:7

Kä gua̱a̱thɔ wiaa thi̱nɔ latdɛ ruac Kuɔth, kä wiaa i̱, ‘Ci ciaaŋ kuäärä nhial thia̱k.’

Mɛ̈t 11:20

Kä cuɛ jɛ tok kɛ mi ruacɛ kɛ wi̱i̱ tin cɛ ri̱w lätnikɛ tin ga̱ykɛ naath la̱t thi̱n, kɛ ɣöö /kenkɛ rɔ̱ ri̱t dueeri.

Mɛ̈t 12:41

Kä ji̱ Ni-nɛ-be bikɛ rɔ̱ jiɛc kɛ cäŋ luɔ̱k kɛ jɛn ri̱c ɛmɛ kɛɛl, kä bikɛ jɛ moc duer kɛ ɣöö cikɛ rɔ̱ ri̱t kɛ la̱t Jona kɛ ruac Kuɔth, kä nɛnɛ, mi di̱t ni jɛn kä Jona a wa̱nɛ.

Mɛ̈t 13:11

Kä cuɛ kɛ loc i̱, “Cä mɛmɛ ka̱m yɛ ɛn ɣöö bia tɛ̱̈ɛ̱̈ni kuäärä nhial ŋa̱c, kä /ka̱n jɛ ka̱m kɛ.

Mɛ̈t 13:24

Kä cu Yecu kɛ la̱t ruac cäätdä dɔ̱diɛn wëë i̱, “Ce̱t ciaŋ kuäärä nhial kɛ ram mi ci kuay ti gɔw piɛth kakädɛ,

Mɛ̈t 13:31

Kä cu Yecu ruac cäätdä dɔ̱diɛn la̱t kɛ, wëë i̱, “Ce̱t ciaŋ kuäärä nhial kɛ kuɛ̈ɛ̈ mi tɔt mi ci raan ɛ ka̱n, kä cuɛ jɛ piɛth rɛy kakädɛ.

Mɛ̈t 13:33

Cuɛ kɛ lɛ la̱t cäät dɔ̱diɛn i̱, “Ce̱t ciaŋ kuäärä nhial kɛ thuɔp, mi ci ciek ɛ wac, kä liɔmɛ jɛ rɛy theemni nuɔ̱p da̱ŋ diɔ̱k, amäni mëë cɛ pua̱a̱r kɛɛliw.”

Mɛ̈t 13:47

“Kä ce̱t ciaŋ kuäärä nhial kɛ cambak mi ca yuɔr yieer, kä kääpɛ rɛc diaal ti gööl.

Mɛ̈t 13:52

Kä cuɛ kɛ jiök i̱, “Kɛ kui̱ ɛmɔ ce̱t gɔ̱ɔ̱r, min ca ŋi̱eec kɛ nyin kuäärä nhial kɛ gua̱n ciëŋ mi käm mi pay nööŋ kiɛ mi dɔaaŋ raar rɛy kuaknikɛ.”

Mɛ̈t 18:23

“Kɛ kui̱ ɛmɔ dee ciaŋ kuäärä nhial pa̱a̱r kɛ kuäär mi di̱i̱t mi go̱o̱r ɣöö bɛ nyinkɛ ŋa̱c kä la̱a̱tkɛ.

Mɛ̈t 20:1

“Ce̱t ciaŋ kuäärä nhial kɛ gua̱n ciëŋ mi ci looth kɛ runwaŋ, wëë ji̱ la̱t kɔk kɛ kui̱ kakä walkɛ kɛ kui̱ kɔaŋ.

Mɛ̈t 22:2

“Dëë ciaŋ kuäärä nhial pa̱a̱r kɛ kuäär mi ci mi̱th rialikä kɛ kui̱ kuën gatdɛ.

Mɛ̈t 23:13

“Riɛk akɛ yɛ, yɛn ji̱ gɔ̱rä kɛnɛ yɛn ji̱ Pa-ri-thii, kɛ yɛn ji̱ mɛɛtdä! Kɛ ɣöö gäk yɛn naath raar kuäärä nhial. Kɛ ɣöö /ci yɛn wä rɛc, kä /cia jɛ nhɔk ɛn ɣöö bi nɛy kɔ̱kiɛn wä rɛc. [

Mɛ̈t 25:1

“Kä ba ciaŋ kuäärä nhial pa̱a̱r kɛ nyier da̱ŋ wäl ti ca lɛmbärnikiɛn ka̱n, wäkɛ cɔw nyaal lor.

Mɛ̈t 25:14

“Ce̱t kuäär nhial kɛ wut mi wä ja̱l guäth mi dɔ̱ŋ. Cuɛ la̱a̱tkɛ cɔl, kä cuɛ nyinkɛ ba̱ny kɛ.

Mɛ̈t 4:17

Kä ɛn guäth ɛmɔ cu Yecu ruac tok, kä cuɛ wee i̱, “Rietdɛ rɔ̱ kä jiäkun, kɛ ɣöö ci ciaŋ kuäärä nhial thia̱k.”

Mɛ̈t 4:23

Kä cu Yecu ja̱l rɛy Gɛ̈-lɛ-li kɛɛliw, ŋi̱i̱cɛ naath gua̱thni palädiɛn, kä latdɛ thuk kuäärä Kuɔth ti gɔw, kä jakɛ jua̱th diaal kä gɔw, kä woocɛ liaw pua̱nyni nath.

Mɛ̈t 5:10

“Nɛy ti ca moc riɛk kɛ kui̱ ciɛŋä cuŋni cakɛ poth, kɛ ɣöö kuäär nhial ɛ duŋdiɛn.

Mɛ̈t 5:3

Cu Yecu wee i̱, “Puɔ̱th akɛ nɛy tin ŋa̱ckɛ rɔ̱ ɛn ɣöö kɛ can rɛydiɛn, kɛ ɣöö kuäär nhial ɛ duŋdiɛn.

Mɛ̈t 6:10

A kuääru bëë. A ruaacniku latkɛ piny, ce̱tkɛ min latkɛ kɛ nhial.

Mɛ̈t 6:33

Kɔanɛ go̱r ni ciaŋ kuäärä Kuɔth kɛnɛ cuŋkɛ, kä ba ti̱ti̱ diaal ma̱t yɛ bä.

Mak 1:15

“Ci gua̱a̱th cop, kä ci ciaŋ rui̱cä Kuɔth thia̱k. Rietdɛ rɔ̱ dueerikun, kä ŋa̱thɛ thuk Kuɔth ti gɔw.”

Mak 1:4

Cu Jɔ̱ɔ̱n in la lääk jɔɔc rɛy dɔaar, latdɛ ni la̱k nath kɛ ɣöö bikɛ rɔ ri̱t kɛ kui̱ pälä dueeri.

Mak 6:12

Cu jaakɛ jiɛɛn, kä cukɛ naath wä la̱t ɣöö bikɛ rɔ ri̱t dueerikiɛn.

Luk 1:16

Jɛn bɛ ji̱ I-thɛ-rɛl ti ŋuan luɔ̱c Kuäär ni Kuothdiɛn.

Luk 11:20

Kä mi ɛ yiat Kuɔth tuɔ̱kä yiey ti jiäk raar ɔ, kua jɛ ŋa̱c ɛn ɣöö ci kuäär Kuɔth ben kä yɛ.

Luk 13:3

Ëëy, ɣän la̱rä jɛ yɛ, ɛ ni mi /cia rɔ̱ ri̱t dueerikun, bi yɛn diaal li̱w ce̱tkɛ kɛ.

Luk 13:5

Ëëy, ɣän la̱rä jɛ yɛ, ɛ ni mi /cia rɔ̱ ri̱t dueerikun, bi yɛn diaal li̱w ce̱tkɛ kɛ.”

Luk 15:10

A cäŋ ɛ jɛn inɔ, ɣän la̱rä jɛ yɛ, ɛn ɣöö bɛ tekɛ tɛ̈th lɔaac nhiam ja̱a̱kni Kuɔth nhial kɛ kui̱ gua̱n duerä kɛl mi ci rɔ ri̱t.”

Luk 15:7

A cäŋ ɛ jɛn inɔ, ɣän la̱rä jɛ yɛ, ɛn ɣöö bɛ tekɛ tɛ̈th lɔaac mi di̱i̱t cieŋ nhial kɛ kui̱ gua̱n duerä kɛl mi ci rɔ ri̱t dueerikɛ, kä ji̱ cuŋni ti jiɛn bäŋuan wi̱cdɛ bäŋuan ti /ci riet kɛ rɔ̱ go̱r.

Luk 16:30

Kä cuɛ wee i̱, ‘Ëëy, A-bɛ-ram gua̱di̱n, mi wä ram mi ci rɔ jiɛc li̱th wä kä kɛ, bikɛ rɔ ri̱t kä dueerkiɛn.’

Luk 21:31

Kä ŋa̱cɛ jɛ bä, mi wä yɛn ŋɔak tɔ̱tɔ̱ wä nɛn, bia jɛ cu ŋa̱c ɛn ɣöö ci kuäärä Kuɔth ku thia̱k.

Luk 24:47

Kä kɛ ciötdɛ ba ruac ri̱tdä nath dueeri kɛnɛ pälikä dueeri la̱t döör diaal, a tuɔkɛ jɛ nikä Jɛ-ru-tha-lɛm.

Luk 6:20

Kä cu Yecu ji̱ kɔaarɛ guic, kä cuɛ wee i̱, “Ca yɛ poth, yɛn nɛy ti can, kɛ ɣöö Kuäär Kuoth ɛ duŋdun.

Luk 9:2

Cuɛ kɛ jäkä raar kɛ ɣöö bikɛ ruac kɛ kui̱ kuäärä Kuɔth wä la̱t naath, kä bikɛ naath jak kä gɔw.

Lät Jaakni Yecu 11:18

Mëë cikɛ mɛmɛ liŋ, cukɛ biɛt ɛ lik. Kä cukɛ Kuoth liak, wäkɛ i̱, “Kä ɛnɔ, ci Kuoth riet nath kɛ rɔ̱ dueeri min naŋ naath teekä ka̱m Jur bä.”

Lät Jaakni Yecu 17:30

Cu Kuoth gua̱th tëë kui̱c naath ŋɔaani thi̱n päl, kä duundɛ ɣöö täämɛ lärɛ naath lat gua̱thni diaal kɛ ɣöö bikɛ rɔ ri̱t dueeri.

Lät Jaakni Yecu 2:38

Kä cu Pi-tɔr kɛ loc i̱, “Rietdɛ rɔ̱ kä dueerkun, kä ɛ ram ɔ kä yɛn diaal lakɛ kɛ ciöt Yecu Kritho kɛ ɣöö ba dueerkun päl. Kä bia muc Yieekä in Gɔaa in Rɛl Rɔ jek.

Lät Jaakni Yecu 20:21

Kä cä ji̱ Juudh kɛnɛ ji̱ Gɛ-rith la̱t nëndä kɛ ri̱t nath kɛ rɔ̱ kä Kuoth, kɛnɛ ŋa̱th Kua̱ran ni Yecu.

Lät Jaakni Yecu 26:20

Kä cua la̱t nɛy tëë te kä Da-math-kɛth kɛ nhiam kɛ Jɛ-ru-tha-lɛm, kɛnɛ ro̱l Ju-dia kɛɛliw cu amäni Jur bä, ɛn ɣöö bikɛ rɔ̱ ri̱t dueeri kä bikɛ rɔ̱ riet Kuoth, kä bikɛ lät ti ro̱ŋ kɛ rietdiɛn kɛ rɔ̱ la̱t.

Lät Jaakni Yecu 3:19

Kɛ kui̱ ɛmɔ, rietdɛ rɔ̱ kä dueerkun, kä rietdɛ lo̱ckun Kuoth, kɛ ɣöö ba dueerkun woc,

2 Kor 7:10

Kɛ ɣöö jiath lɔaac in lät Kuoth no̱ŋɛ naath riet kɛ rɔ̱ dueeri min bo̱th naath känä, kä thilɛ bɛ̈l mi no̱o̱ŋɛ, kä duundɛ ɣöö jiath lɔaac in no̱o̱ŋ ɣɔwɛ no̱o̱ŋɛ lia̱a̱.

Ji̱ Ko-lɔ-thi 1:13

Jɛn cɛ kɔn kän kä buɔ̱m muɔ̱th, kä cɛ kɔn naŋ rɛy kuäärä Gatädɛ min nhɔkɛ.

2 Tim 2:25

kä lueekɛ ji̱ rɛkädɛ ni wuutdä. Dɔ̱ŋ dee Kuoth ɛ nhɔk ɛn ɣöö bikɛ rɔ̱ ri̱t, kä bikɛ ben kä ŋäc thukä.

Ji̱ Ɣi-bɛ-ru 6:1

Kɛ kui̱c ɛmɔ, wanɛ nhiam kɛ ŋi̱i̱c, ba̱nynɛ tuk ŋi̱i̱cä kɛ kui̱ Kritho jɔkdan. Kä /cuarnɛ ŋi̱i̱c lɛ nyɔk kɛ kui̱ ŋäthä Kuɔth, rietnɛ ni rɔ̱ kä lät tin nööŋkɛ lia̱a̱, a te ni kɔn kɛ ŋa̱th kɛ Kuoth.

2 Pit 3:9

/Ci Kuäär ni Kuoth a niy niy kɛ min cɛ lar i̱ bɛ la̱t, ce̱tkɛ duɔ̱ɔ̱p in car tha̱a̱ŋ nath ɛ niy niiy. Kä duundɛ ɣöö päl Kuoth ni lɔcdɛ piny kɛ yɛ. Kɛ ɣöö /cɛ jɛ go̱r i̱ bi ram kɛl bath kä yɛ, go̱o̱rɛ ɣöö bi nɛy diaal rɔ ri̱t dueerikiɛn.

Nyuuth 2:21

Ɣän cä jɛ moc gua̱a̱th kɛ ɣöö bɛ rɔ ri̱t kä jiäkɛ, kä duundɛ ɣöö lo̱kɛ riet kɛ rɔ kä leerɛ.

Nyuuth 2:5

Kɛ kui̱ ɛmɛ tiɛmɛ pɛ̈ɛ̈n ëë ci pɛ̈ɛ̈n kɛ yɛ. Rietdɛ rɔ̱ kä jiäkun, kä la̱tdɛ lät tëë cia la̱t kɛ nhiam. Kä mi /ci yɛn rɔ̱ bi ri̱t, ɣän bä cuuŋ lɛmbärädun woc guäthdɛ, ɛ ni mi cia rɔ̱ ri̱t kä jiäkun.