Mɛ̈l 2:2 - RUAC KUƆTH IN RƐL RƆ

² Mi wëë wä tey a /cia bi liŋ, kä /cia bi la̱th lɔɔcdun a bia ciötdä liak. Ɣän bä yɛ jäk kä kuëth, kä bä puɔ̱thdun jak kä kuëth. Kä cä yɛ ku thuŋ kuɛth, kɛ ɣöö /ka̱nɛ kɛ la̱th lɔɔcdun, ruac ni ɣän Kuoth Nhial in la Ruey Ɣɔaa.

Mɛ̈l 2:2 Iomraidhean Croise

Diit 69:22

Ɛ mi̱ethdiɛn la dääkdiɛn, ɛ nyuaakdiɛn la kääpdiɛn.

Ruac Pɛli 3:33

Kuëth Kuɔth a dhɔr ram mi gua̱n dueeri, kä puɔ̱thdɛ akɛ gua̱n cuŋni.

I-ca-yaa 42:25

Cɛ gakdɛ wuɔc wi̱i̱diɛn, ɛn kɛ̈c köör in di̱i̱t, cɛ kɛ go̱l kɛ mac, duundɛ ɣöö /cikɛ jɛ ŋäc, cɛ kɛ waŋ, kä /cikɛ luɔtdɛ ŋäc.

I-ca-yaa 47:7

Curi wee i̱, “Bi ɣän a kuäär ciëk amäni cäŋ kɛl,” duundɛ ɣöö /keni ti̱ti̱ la̱th lɔɔcdu kiɛ /keni guutdiɛn car.

I-ca-yaa 57:11

Ɛŋa mi duali kɛ jɛ, mɔ lätdi ni ɣä kac ɔ, mɔ /ci ɣä tim ɔ, kä /ci ɣä car ɔ? Kä ciɛ ɣöö cä biɛt kɛ gua̱a̱th mi bäär, ɛ jɛn /keni ɣä luɔ̱th ɔ?

Bok Go̱kä ni Yir-mɛ-yaa 34:17

Kɛ kui̱ ɛmɔ, cu Kuoth Nhial wee i̱, ‘/Ken yɛn ɣä luɔ̱th kɛ kui̱ luɔ̱ny ji̱ thieekädun kɛnɛ dämuɔɔrikun.’ Kä nɛ̈nɛ jɛ, ɣän bä yɛ luɔ̱ny ko̱r kɛ buɔth kɛnɛ liaw. Ɣän bä yɛ jakä nɛy ti jiäk ɛlɔ̱ŋ kä kua̱r wec muɔ̱ɔ̱n diaal.

Yɛdh 3:7

Duundɛ ɣöö /ci thok duëël I-thɛ-rɛl ruacdu bi liŋ, kɛ ɣöö /cikɛn li̱eŋ ruacdä go̱o̱r. Kɛ ɣöö ji̱ thuɔk duëël I-thɛ-rɛl bum wuɔ̱thkiɛn, kä /cikɛ ruac liŋ.

Bok Go̱kä ni Ɣa-gay 1:6

Yɛn piɛthɛ be̱e̱l mi duŋ di̱i̱t kä ciɛ̈cɛ ni ti tɔt. Mi̱ethɛ kä /cia riäŋ, ma̱thɛ kä /cia kayŋua̱a̱k, ruɔnyɛ rɔ̱ kɛ bieyni kä /ci pua̱nykun rɔ̱ nyäk kɛ muɔr, kä kääp raan yio̱w la̱t ti pikɛ ki̱eth mi ci wuɔ̱th.”

Bok Go̱kä ni Ɣa-gay 1:9

Mëë ŋa̱thɛ ni ti ŋuan nɛ̈nɛ jɛ cikɛ ben a ti tɔt. Kä min cia kɛ nööŋ ciëëŋni, cä kɛ ben nyäk. Ɛ ɣöö di? Laarä jɛ i̱ ɛ kui̱ luaakdä in te riäpä kä yɛn ci lo̱ckun ruey lät, tit ram ɔ ni cieeŋdɛ kärɔa.

Mɛ̈l 2:1

“Kä täämɛ lö bööth palä, ruac ɛmɛ ɛ duŋdun.

Mɛ̈l 3:9

Kä ca yɛ lam kɛ ɣöö yɛn do̱r kɛɛliw mac yɛn ɣä.

Luk 17:18

Cuɛ thil ram kɛl mi cu luny jɔk mi dee Kuoth liak ɛ ni jur ɛmɛ kärɔa?”

Jɔ-cua 7:19

Cu Jɔ-cua A-ka̱n ku jiök i̱, “Gatdä, luthni Kuoth Nhial ni Kuoth ji̱ I-thɛ-rɛl, kä lat thuɔ̱k lɔaacdu, kä moc Kuoth liak. Lar min ci lɛl täämɛ. /Cu jɛ bi tɛ̱̈ɛ̱̈ kɛ ɣä.”

1 Pit 4:11

Ram mi ruac, a jɛ ruac ce̱tkɛ ram mi lat ni ruac Kuɔth. Kä ram mi lät naath ikä, a jɛ lät kɛ buɔ̱m min ci Kuoth ɛ ka̱m jɛ, kɛ ɣöö dëë Kuoth liak rɛy kä ti diaal kɛ Yecu Kritho. Kä buay kɛnɛ buɔ̱m kɛ nyinkɛ a thil pek. Inɔnɔ.

Nyuuth 14:7

Kä cuɛ jɛ lat kɛ jɔw mi di̱i̱t i̱, “Luɔ̱thɛ Kuoth kä puanyɛ jɛ, kɛ ɣöö ci gua̱a̱th luɔ̱kdɛ cop. Kä palɛ jɛ ɛn ram min ci nhial kɛnɛ piny cak, kɛ bar kɛnɛ löli pi̱i̱ni.”

Nyuuth 16:9

Cu naath waaŋ kɛ leth mi di̱i̱t, kä cukɛ ciöt Kuɔth in tekɛ buɔ̱m wi̱i̱ rikni ti̱ti̱ kuëth. Kä /kenkɛ rɔ ri̱t dueeri kɛ ɣöö dëë jɛ ka̱m liak.