Mak 9:44 - RUAC KUƆTH IN RƐL RƆ

⁴⁴ Ɛ jɛn gua̱a̱th in /ci lɔa̱a̱t li̱w thi̱n, kä /ca mac bi met yieny.]

Mak 9:44 Iomraidhean Croise

I-ca-yaa 33:14

Ji̱ dueeri Dha-yɔn dualkɛ, lathɛ nɛy tin thil Kuoth, wäkɛ i̱, “Ɛŋa rɛydan dëë cieŋ rɛy maac ɛ pɛt naath ɛ? Ɛŋa kä kɔn dëë cieŋ rɛy maac in thil pek ɔ?”

I-ca-yaa 66:24

“Kɛn bikɛ wä raar ba pua̱ny nɛɛni tin ci li̱w tëë ci rɔ̱ luɔ̱c ɣä wä nɛn, kä /ci lɔa̱a̱t tin camkɛ kɛ bi li̱w, kä thilɛ mi bi mac in waaŋkɛ yieny, bi kɛn a ti jiäk kä nɛy diaal.”

Mɛ̈t 25:41

Kä jɛn bɛ nɛy tin te caamdɛ jiök i̱, ‘Wuɔcɛ rɔ̱ kutdä, yɛn nɛy ti ca bit. Wiaa rɛy maac in thil pek in ca rialikä kɛ kui̱ gua̱n jiäkni kɛnɛ ja̱a̱kɛ.

Mɛ̈t 25:46

Kä kɛn bikɛ wä guäth tɔ̱ŋä mi thil pek, kä bi ji̱ cuŋni wä rɛy teekä mi thil pek.”

Mɛ̈t 3:12

Kä te duŋ lök bɛɛl tetädɛ, kä bɛ do̱rɛ la̱t agɔaa. Bɛ bɛlkɛ piɛk tueyni, kä bɛ jiliɛn waŋ kɛ mac mi /ca bi yieny.”

Mak 9:43

Mi ci tetdu ji̱ jak kä dui̱r, ŋok ɛ, kɛ ɣöö gɔaa ni jɛn kɛ ji̱ ɛn ɣöö bi wä teekä a ti̱i̱ kɛ tet kɛl, kä wädu maac mi /ca dee yieny kɛ tet da̱ŋ rɛw. [

Mak 9:45

Mi ci cio̱o̱kdu ji̱ jak kä dui̱r, ŋok ɛ, kɛ ɣöö gɔaa ni jɛn kɛ ji̱ ɛn ɣöö bi wä teekä ŋo̱o̱tdä, kä yoru guäth maac mi thil pek kɛ ciök da̱ŋ rɛw. [

Mak 9:48

Ɛ jɛn ‘Gua̱a̱th in /ci lɔa̱a̱t li̱w thi̱n, kä /ci mac bi met yieny.’

2 Thɛ 1:9

Kɛn bikɛ duäc däkä mi do̱raar rut, bakɛ tuɔ̱k raar nhiam Kua̱r kɛnɛ gɔɔy bumädɛ,

Nyuuth 14:10

bikɛ maath kɛ kɔaŋ waŋä lɔaac Kuɔth, mi ca wuɔc a /ka̱n liɔm rɛy lirä ŋɛɛnyädɛ, kä bɛ pua̱nykiɛn jakä bɛc kɛ mac kɛnɛ wal tin kɛc ŋuänydiɛn nhiam ja̱a̱kni nhial tin rɛ̈lkɛ rɔ̱ kɛnɛ nhiam Ruath Dɛ̈ɛ̈l.

Nyuuth 20:10

Kä cua gua̱n jiäkni min cikɛ mɛt yuɔr bar maac kɛnɛ wäl mi kɛc ŋuänydɛ, gua̱a̱th in te ley kɛnɛ gök in gua̱n kacä thi̱n, kä bakɛ moc ti bɛ̈c bɛ̈ɛ̈c kɛ cäŋ kɛnɛ wäär a thil pek.

Nyuuth 20:15

Kä ram mi /ka̱n ciötdɛ ran jek a ca gɔ̱r rɛy buɔk teekä, ca jɛ yuɔr bar maac.

Nyuuth 21:8

Kä kɛ kui̱ nɛɛni ti dual duaal, ti thil ŋa̱th, kɛ ji̱ nyuɔɔni kɛnɛ na̱a̱k nath, kɛ lëër, kɛnɛ ti̱t, kɛ pa̱a̱l kuthni jiɛth, kɛnɛ ji̱ ka̱a̱cni diaal, bi gua̱a̱thdiɛn a bar maac mi pɛt kɛ wäl mi kɛc ŋuänydɛ min la lia̱a̱ in rɛwdɛ.”