Mak 9:29 - RUAC KUƆTH IN RƐL RƆ

²⁹ Cuɛ kɛ jiök i̱, “Mi ce̱tkɛ nɛmɛ ka̱mkɛ jɛ raar kɛ pal kärɔa.”

Mak 9:29 Iomraidhean Croise

Bok Go̱kä ni Da-ni-yel 9:3

Inɔ ɣän cua̱ wi̱cdä luɔ̱c Kuäär ni Kuoth kɛ pal kä cua̱ mi̱th thɛk kä cua̱ ciɛŋ ni bieyni cuali, kä cua̱ wi̱cdä moc ŋɛ̈th kɛ kui̱ jiɛthä lɔaac.

Mɛ̈t 12:45

Kä mëë, cɛ loc jɔk, cuɛ yiey da̱ŋ bärɔw ti jiäk ni kɛn kä jɛ nööŋ, kä cu kɛn diaal wä rɛc, kä cukɛ cieŋ thi̱n. Kä cu ta̱a̱ wutdä ɛmɔ ku jiääk ni jɛn kä ta̱a̱dɛ mëë nhiam. Kä bɛ te inɔ bä kɛ jɛn ri̱c ɛ jiääk ɛmɛ.”

Mɛ̈t 17:20

Kä cuɛ kɛ jiök i̱, “Ɛ ɣöö kuiy ŋa̱thdun. Kä ɛpuc ɣän la̱rä jɛ yɛ, mi te yɛn kɛ ŋa̱th mi ce̱tkɛ kuɛ̈ɛ̈ mi tɔt, dërɛ päm ɛmɛ jiök i̱, ‘Woc rɔ wanɛ mɛ, kä wër wi̱ni mi,’ kä bɛ wä, kɛ ɣöö thilɛ mi bi yɛ dhal. [

Mɛ̈t 17:21

Kä duɔ̱ɔ̱r mi ce̱tkɛ mɛmɛ /cɛ bä raar baaŋ ɛ ni pal kɛnɛ thëk mi̱thni.”]

Mak 9:28

Mëë ci Yecu ben dueel, cu ji̱ kɔaarɛ jɛ thiec a tekɛ kärɔ̱ i̱, “Ɛŋu /ka̱n kɔ jɛ luäŋ kɛ käm raar ɔ?”

Mak 9:30

Kä cu Yecu gua̱a̱th ɛmɔ ba̱ny piny cukɛ räth nhiam, cukɛ wä rët kɛ Gɛ̈-lɛ-li, kä lo̱kɛ jɛ ɛn ɣöö dee raan ɛ ŋa̱c,

Luk 11:26

Kä mëë cɛ wä, cu yiey da̱ŋ bärɔw kɔ̱kiɛn ti jiäk ni kɛn kä jɛ wä nööŋ. Kä cu kɛn diaal wä rɛc kä cukɛ cieŋ rɛydɛ. Kä cu ta̱a̱ wutdä nɔmɔ ku jiääk ni jɛn kä ta̱a̱dɛ mëë nhiam.”

Lät Jaakni Yecu 14:23

Kä kɛ kɔr kä mëë cikɛ kɛ kuëny bööth rɛy luekni Kuɔth diaal, kɛ pal kɛnɛ thëk mi̱thni, cukɛ kɛ kuëŋ tetdä Kua̱r ni Kuoth in ci kɛn ɛ ŋäth.

1 Kor 9:27

Ɣän cä puɔ̱nydä duäc kä cä jɛ gaŋ kä ŋɔaani, kä inɔ kɛ kɔr kä min cä nɛy kɔ̱kiɛn cɔal wuurä, ca ɣä dee lɛ cany.

2 Kor 11:27

Cua̱ tekɛ cuɔ̱c kɛnɛ riɛk, kɛ thil ni̱en kɛ wääri ti ŋuan, kɛ buɔth kɛnɛ rɛw, kɛ thil mi̱eth kɛ tha̱a̱ŋ gua̱thni, kɛ kɔ̱c, kä thilɛ ɣä bieyni.

2 Kor 12:8

Cä Kuäär ni Yecu läŋ ni kä diɔ̱ɔ̱k kɛ kui̱ kä mɛmɛ ɛn ɣöö derɛ ɣä päl.

2 Kor 6:5

kɛ duäc, kɛnɛ yiɛni, kɛ rɔal, kɛnɛ lät ti bɛc, kɛ thil ni̱en, kɛnɛ buɔth.

Ji̱ Ɛ-pɛ-thäth 6:18

Palɛ rɛy Yieekä gua̱thni diaal, kɛ pali diaal kɛnɛ thiecni. Kɛ kui̱c ɛmɔ jiɛnɛ kä /cuarɛ rɔ̱ luär. Palɛ ni ciaŋ kɛ kui̱ nɛɛni diaal tin ci Kuoth kɛ lɛy.

Je-mɛth 5:15

Bi pal ŋäthä puɔ̱ny raam in tekɛ juey jakä gɔaa, kä bi Kuäär ni Yecu jɛ jiɛc. Kä bɛ ram mi ci dueer la̱t pälikä.