Mak 9:25 - RUAC KUƆTH IN RƐL RƆ

²⁵ Kä min ci Yecu jɛ nɛn ɛn ɣöö bä buɔ̱n kɛɛl kɛ wuɔ̱ɔ̱r, cuɛ yiëë in jiääk luek, jio̱kɛ jɛ i̱, “Ji̱n, yiëë in ci dho̱o̱l ɛmɛ pën ruac kɛnɛ li̱eŋ, ɣän la̱tdä ji̱ ruac, bër raar puɔ̱nydɛ, kä /cu rɔɔdu nyɔk kɛ loc kä jɛ!”

Mak 9:25 Iomraidhean Croise

Dhɛk 3:2

Kä cu Kuoth Nhial Cɛy-tan jiök i̱, “Ci Kuoth Nhial ji̱ kuɛth Cɛy-tan! Ci Kuoth Nhial in ci Jɛ-ru-tha-lɛm mɛk ji̱ kuɛth. Ɛn Jɔ-cua ɛ mi ce̱tdɛ kɛ tɛ̈ɛ̈ mi kuanykɛ rɛy maac.”

Mɛ̈t 12:22

Kä cua ram mi cɔr mi cɛ di̱w, mi tekɛ yiëë mi jiääk nöŋ Yecu, kä cuɛ jɛ jakä gɔaa. Kä inɔ cu ram in cɛ di̱w ruac kä cuɛ gui̱c.

Mɛ̈t 17:18

Kä cu Yecu yiëë in jiääk la̱t ruac, kä cu yiëë in jiääk ben raar puɔ̱ɔ̱ny dhöl, kä cu dhɔl cu gɔaa nikä kɛɛl.

Mak 9:15

Cu naath diaal ga̱a̱c ɛlɔ̱ŋ, mëë cikɛ Yecu nɛn, kä cukɛ riŋ, cukɛ jɛ wä ner.

Mak 9:24

Ni ɛn guäth ɛmɔ cu gua̱n gatdä yɔal, wëë i̱, “Ɣän ŋa̱thä, kä luäk ɣä kɛ thil ŋäthädä.”

Mak 9:26

Cu yiëë in jiääk wak, cuɛ dho̱o̱l ɛmɔ dhur ɛlɔ̱ŋ, kä cuɛ ben raar puɔ̱nydɛ, kä cu dho̱o̱l ɛmɔ muɔn, cuɛ ce̱tkɛ mi cɛ li̱w. Kä cu ri̱w nath wee i̱, “Cɛ li̱w.”

Luk 11:14

Kä ɛn guäth ɛmɔ cu Yecu yiëë mi jiääk woc puɔ̱ɔ̱ny raam mi cɛ mi̱l. Kä mëë ci yiëë mi jiääk jiɛɛn, cu wut in cɛ mi̱l ruac, kä cu naath ga̱a̱c.

Luk 4:35

Kä cu Yecu jɛ gok, cuɛ wee i̱, “Bitni, kä bër raar puɔ̱nydɛ!” Mëë ci yiëë in jiääk wut ɛmɔ yuɔr piny nhiam nath, cuɛ ben raar puɔ̱nydɛ a thil mi jiääk mi cɛ lät kä jɛ.

Luk 4:41

Kä cu yiey ti jiäk ben raar pua̱nyni nɛɛni ti ŋuan, kä cukɛ rɔal i̱, “Ɛ ji̱n Gat Kuɔth!” Kä cuɛ kɛ gok, kɛ ɣöö /cikɛ bi ruac, kɛ ɣöö ŋa̱ckɛ jɛ i̱ ɛ jɛn Mɛ-thia.

Luk 8:29

Kä ɣöö ci Yecu yiëë mi jiääk la̱t ɣöö bɛ ben raar puɔ̱ɔ̱ny wutdä mɔmɔ. (Kɛ ɣöö cɛ jɛ käp kä ti nyin ŋuan, kä cäŋni mëë gaŋkɛ jɛ, cä jɛ yian kɛ kuatni ciikni kɛnɛ dep, cuɛ tin ca yian kɛ jɛ puɔ̱t, kä cu yiëë mi jiääk ɛ yɔ̱a̱ŋ dɔɔr.)

Luk 9:42

Min bëë, cu yiëë mi jiääk ɛ dua̱c piny, kä cuɛ rɔ daŋ. Kä cu Yecu yiëë in jiääk luek. Kä cuɛ dho̱o̱l jakä gɔaa, kä cuɛ jɛ luɔ̱c gua̱n.

Lät Jaakni Yecu 16:18

Kä cuɛ mɛmɛ lat kɛ ni̱n ti ŋuan. Kä cu Puɔl gaak ɛlɔ̱ŋ, kä cuɛ rɔ riet jɛ, kä cuɛ yiëë in jiääk jiök i̱, “Ɣän jiökä ji̱ kɛ ciöt Yecu Kritho, i̱ bër raar kä jɛ.” Kä cuɛ ben raar kɛ jɛn thaak ɛmɔ.

Juud 1:9

Kä duundɛ ɣöö mëë ci jääk nhial in di̱i̱t ni Mi-ka-el gaak kɛnɛ gua̱n jiäkni, kä cukɛ ŋaknɔm ŋak kɛ kui̱ pua̱a̱ny Muthɛ, /kenɛ jɛ go̱r ɛn ɣöö bɛ jɛ kuëth a bɛc, kä cuɛ wee i̱, “Bi Kuoth ji̱ luek!”