Mak 9:23 - RUAC KUƆTH IN RƐL RƆ

²³ Cu Yecu jɛ jiök i̱, “Mi ti̱i̱kɛ lua̱ŋ! Ŋɔak diaal dëë kɛ lät kä ram mi tekɛ ŋa̱th.”

Mak 9:23 Iomraidhean Croise

2 Kuɛ̈n 20:20

Kä cukɛ jiɛn nikɛ runwaŋ ɛlɔ̱ŋ, kä cukɛ wä rɛy dɔaar Tɛ-kowä. Kä min Kackɛ raar, cu Yɛ-ɣo-ca-pat cuɔ̱ŋ kä cuɛ wee, “Liɛŋɛ ruacdä yɛn ji̱ Juda kɛnɛ ji̱ Jɛ-ru-tha-lɛm! Ŋa̱thɛ ni Kuoth Nhial Kuothdun, kä bia buɔ̱m. Ŋa̱thɛ ruaac go̱kädɛ min cɛ lar. Kä bia kɛ cu joc.”

Mɛ̈t 14:29

Kä cuɛ jɛ jiök i̱, “Bër.” Kä inɔ, cu Pi-tɔr wä raar rɛy ria̱a̱y, cuɛ ja̱l wi̱i̱ pi̱i̱ni, wëë kä Yecu.

Mɛ̈t 17:20

Kä cuɛ kɛ jiök i̱, “Ɛ ɣöö kuiy ŋa̱thdun. Kä ɛpuc ɣän la̱rä jɛ yɛ, mi te yɛn kɛ ŋa̱th mi ce̱tkɛ kuɛ̈ɛ̈ mi tɔt, dërɛ päm ɛmɛ jiök i̱, ‘Woc rɔ wanɛ mɛ, kä wër wi̱ni mi,’ kä bɛ wä, kɛ ɣöö thilɛ mi bi yɛ dhal. [

Mak 11:23

Ɛpuc, ɣän la̱rä jɛ yɛ, mi ci yɛn päm ɛmɛ jiök i̱, ‘Woc rɔɔdu wanɛ mɛ, kä wër där baar,’ mi thilɛ lɔcdu diw, a bi ŋa̱th ni ji̱n ɛn ɣöö bi min ci lar tuɔɔk ba lät kä ji̱.

Mak 9:22

Cuɛ tɛth maac kɛnɛ rɛy pi̱i̱ni kä ti ŋuan, kɛ ɣöö bɛ jɛ näk. Mi tëëkɛ mi deri luäŋ, a lɔcdu kɔ̱c kɛ kɔ, kä luäk kɔ.”

Mak 9:24

Ni ɛn guäth ɛmɔ cu gua̱n gatdä yɔal, wëë i̱, “Ɣän ŋa̱thä, kä luäk ɣä kɛ thil ŋäthädä.”

Luk 17:6

Kä cu Kuäär wee i̱, “Mi ta̱yɛ kɛ ŋa̱th mi ce̱tkɛ kuɛ̈ɛ̈ mi duŋ tiit, dee yɛn jiath pi̱li̱i̱r ɛmɔ jiök i̱, ‘Cuni rɔɔdu raar, kä pith rɔɔdu baar,’ kä bɛ ruacdun liŋ.

Jɔ̱ɔ̱n 11:40

Cu Yecu jɛ jiök i̱, “Ɣän /ka̱n ji̱ jiök i̱, mi ŋa̱thi, bi lua̱ŋ puɔnyä Kuɔth nɛn?”

Lät Jaakni Yecu 14:9

Cuɛ Puɔl liŋ mëë ruacɛ. Kä cu Puɔl ɛ di̱el guec, cuɛ jɛ nɛnɛ ɛn ɣöö tëëkɛ ŋa̱th mi dee jɛ jak kä gɔaa,

Ji̱ Ɣi-bɛ-ru 11:6

Kä mi thil raan ŋa̱th /cɛ rɔ dee met luäŋ ɛn ɣöö bɛ lɔc Kuɔth tɛth. Kɛ ɣöö ram mi go̱o̱r ɣöö dee rɔ thiëëk kɛ Kuoth bɛ jɛ dhil ŋäth ɛn ɣöö te Kuoth thi̱n, kä kämɛ nɛy tin görkɛ jɛ muc.