Mak 9:21 - RUAC KUƆTH IN RƐL RƆ

²¹ Cu Yecu gua̱n dhöl thiec i̱, “Cɛ jääny kɛ juey ɛmɛ kɛ pek mi ni̱n di?” Kä cuɛ jɛ loc i̱, “Kääpɛ jɛ ni gaatädɛ.

Mak 9:21 Iomraidhean Croise

I-yob 14:1

“Ram mi dapkɛ ɛ ciek kuiy ni̱n teekädɛ, kä tëë kɛ rik ti ŋuan.

I-yob 5:7

Kä dapkɛ raan kɛ ɣöö bɛ tekɛ rik ce̱tkɛ min la mac a tɛ̈ny.

Diit 51:5

Ɣän ta̱a̱kɛ duer ni mëë dapkɛ ɣä ɛ maar. Nɛnɛ duerä tëë kɛ ɣä ni jic maar.

Mak 5:25

Kä te rɛydiɛn kɛ ciek mi ci cuuc kɛ löny riɛm kɛ run da̱ŋ wäl wi̱cdɛ rɛw.

Mak 9:20

Cukɛ dho̱o̱l nöŋ jɛ, kä mëë ci yiëë in jiääk Yecu nɛn, ni ɛn guäth ɛmɔ cuɛ dho̱o̱l käp, kä cuɛ tɛɛth, cuɛ rɔ daŋ piny a te thokdɛ kɛ guɔ̱p.

Mak 9:22

Cuɛ tɛth maac kɛnɛ rɛy pi̱i̱ni kä ti ŋuan, kɛ ɣöö bɛ jɛ näk. Mi tëëkɛ mi deri luäŋ, a lɔcdu kɔ̱c kɛ kɔ, kä luäk kɔ.”

Luk 13:16

/Cɛ rɔ lot ɛn ɣöö ba ciek ɛmɛ, min la nya A-bɛ-ram, kä ca yian ɛ Cɛy-tan kɛ run wäl bädäk, lony kä yieen ɛmɛ kɛ cäŋ lɔ̱ŋä?”

Luk 8:43

Kä täämɛ tëëkɛ ciek mi ci cuuc kɛ löny riɛm, kɛ run da̱ŋ wäl wi̱cdɛ rɛw. Kä cäŋ ni mëë cɛ nyinkɛ thuk kɛ lät ki̱mni cuɛ thil ram mi cu jɛ jak kä gɔaa.

Jɔ̱ɔ̱n 9:1

Kä min jäl Yecu, cuɛ wut mi ca dap ala cɔr nɛn.

Lät Jaakni Yecu 14:8

Täämɛ, tëëkɛ wut kä Lith-tɛ-ra mi te nyuurä mi /ken met ja̱l kɛ ciökɛ kɛ ɣöö ɛ duäny ni mëë dapkɛ jɛ.

Lät Jaakni Yecu 3:2

Kä tëëkɛ wut mi duääny ni däpädɛ mi la naŋkɛ thok luaak Kuɔth, mi cɔal i̱ Thok mi tekɛ Maan, kɛ ɣöö bɛ nɛy tin wä rɛy luaak Kuɔth lim kɛ yio̱w.

Lät Jaakni Yecu 4:22

Kä ɛn wut in ca lät kä mi gääy naath tëë run ti lënykɛ run ti jiɛn ŋuan.

Lät Jaakni Yecu 9:33

Ɛn wani cuɛ wut mi cɔal i̱ I-ni-yäth mi te piny kä cɛ puɔ̱nydɛ nuäŋ kɛ run da̱ŋ bädäk jek.