Mak 9:12 - RUAC KUƆTH IN RƐL RƆ

¹² Kä cuɛ kɛ loc i̱, “Ɛpuc, bi E-li-yaa dhil ben kɛ nhiam, kɛ ɣöö bɛ ŋɔak diaal ben rialikä. Kä kua jɛ lɛ gɔ̱r i̱di kɛ kui̱ Gatdä Ran, ɛn ɣöö bɛ ti bɛ̈c bɛ̈ɛ̈c ti ŋuan rut, kä ba jɛ yak ɛ naath?

Mak 9:12 Iomraidhean Croise

Diit 74:22

Jiɛc rɔ lö Kuoth kä bër gaŋ rɔ, kä carɛ ɛn ɣöö ca dɔl ɛ nɛy ti dɔa̱a̱r kɛ cäŋ kɛɛliw.

I-ca-yaa 49:7

Kä nɛmɛ ɛ min ci Kuoth Nhial ɛ lar, ɛn min la Lueel kä Kuoth I-thɛ-rɛl in rɛy gɔɔydɛ rɔ, lätdɛ jɛ ram in ca nyir ɛlɔ̱ŋ kä ca lo̱k ɛ döör, ɛn ja̱ŋ ruëëcni wëë i̱, “Bi kua̱r ji̱ nɛn kä bikɛ rɔ̱ jiɛc, ruëëc bikɛ ji̱ nɛn kä bikɛ rɔ̱ goŋ, kɛ kui̱ Kuɔth Nhial in gɔaa, ni Kuoth I-thɛ-rɛl in rɛy gɔɔydɛ rɔ in ci ji̱ mɛk.”

I-ca-yaa 50:6

Cä riet ni jɔkdä nɛy tin dua̱ckɛ ɣä, kä cä jio̱mdä ka̱m nɛy tin thötkɛ mi̱em ti̱ek, ɣän /ka̱n nhiamdä tɛ̱̈ɛ̱̈ kä ɣöö ba ɣä yɔŋ kɛnɛ ɣöö ba ŋul ruɛy.

I-ca-yaa 52:14

Cu nɛy ti ŋuan ga̱a̱c mëë ca jɛ nɛn, cu nëndɛ naath gäy kɛ ɣöö /ca jɛ ŋic, /ci ta̱a̱dɛ ce̱tkɛ ta̱a̱ ran,

Dhɛk 11:13

Ɛ jɛn cu Kuoth Nhial ɣä jiök i̱, “Läth nikɛ guäth tɔ̱ɔ̱wä yio̱o̱ni.” Kɛn yio̱w tëë ca ka̱m ɣä ɛ kɛn. Kä cua̱ kɛn yio̱w ti jiɛn diɔ̱k ka̱n, kä cua̱ kɛ la̱th guäth tɔ̱wä yio̱o̱ni rɛy luaak Kuɔth Nhial.

Dhɛk 13:7

Kä cu Kuoth Nhial in la Ruey Ɣɔaa wee i̱, “Jiɛc rɔ lö mut, kä mak ni yiëën deetkä, kä näk ramɛ te cuŋä gekädä mi. Yɔ̱t yieen deet, kä bi det rɔ̱ cu wɛ̈r piny, kä bä tin tiɛtni mak.”

Mɛ̈l 4:6

Kä bɛ gua̱ni gan luäk kɛ ɣöö ba gaatkiɛn nhɔk, kä bɛ gaat luäk kɛ ɣöö ba gua̱ni nhɔk, kɛ bä ben, bä wi̱c muɔ̱ɔ̱n ben däk.”

Mɛ̈t 16:21

Kɛ jɛn gua̱a̱th ɛmɔ cu Yecu ɛ tok kɛ mi nyuthɛ ji̱ kɔaarɛ, ɣöö bɛ rɔ dhil kɛ wä kä Jɛ-ru-tha-lɛm, kä bɛ ti bɛ̈c bɛ̈ɛ̈c ti ŋuan wä rut kä di̱t ji̱ Juudh kɛnɛ bööth palä tin di̱t amäni ji̱ gɔ̱rä, kä ba jɛ näk, kä ba jɛ jiɛc li̱th kɛ diɔ̱ɔ̱k ni̱ni.

Mɛ̈t 26:24

Kä Gat Ran wëë ce̱tkɛ min ca gɔ̱r kɛ kui̱dɛ. Kä riɛk bɛ tekɛ ram mɔ ci Gat Ran kɔak ɔ! Kä kɛ kui̱ wutdä ɛmɔ dee gɔaa ni mi /ka̱n jɛ dap.”

Mak 10:33

Cuɛ wee i̱, “Nɛnɛ, wä kɔn kä Jɛ-ru-tha-lɛm, kä ba Gat Ran la̱th tetni bööth palä tin di̱t, kɛnɛ gɔa̱a̱r, kä ba jɛ kuɛth li̱th, kä ba jɛ ka̱m jur.

Mak 9:13

Kä ɣän la̱rä jɛ yɛ ɛn ɣöö ci E-li-yaa ku thuŋ ben, kä ci naath ɛ lät kä min nhɔk kɛn ɛ, ce̱tkɛ min ca gɔ̱r kɛ kui̱dɛ.”

Mak 9:31

kɛ ɣöö ŋi̱i̱cɛ ji̱ kɔaarɛ, jio̱kɛ kɛ i̱, “Ba Gat Ran kɔak tetni nath, kä bikɛ jɛ näk, kä mi ca jɛ näk bɛ rɔ nyɔk kɛ jiɛɛn li̱th kɛ kɔr ni̱ni da̱ŋ diɔ̱k.”

Luk 1:76

Kä ji̱n, gatdä ba ji̱ cɔl i̱, ‘Gök Kuɔth in Di̱t ni jɛn,’ kɛ ɣöö bi wä nhiam Kua̱r ni Kuoth, kɛ ɣöö bi dupkɛ rialikä,

Luk 23:11

Cu mäni Ɣɛ-rod kɛnɛ lathkëërikɛ cukɛ jɛ la̱t a jiäk, kä cukɛ jɛ buy. Cua jɛ jäk kä jɔk kä Pay-lɛt a ca jɛ rony kɛ bi̱i̱ mi gɔaa.

Luk 23:39

Cu gua̱n dui̱rä kɛl mi ca pua̱t jiaath jɛ kuëth wëë i̱, “/Ciɛ ji̱n Mɛ-thia? Kän rɔɔdu, amäni kɔn!”

Lät Jaakni Yecu 1:6

Kä mëë ci jaak ben guath kɛl kɛ Yecu, cukɛ jɛ thiec i̱, “Kuäär, nɛmɛ jɛn gua̱a̱th in bi kuäär luɔ̱c ji̱ I-thɛ-rɛl thi̱n?”

Lät Jaakni Yecu 4:11

Ɛn Yecu ɛmɛ ‘Jɛn ɛ päm in cia lo̱k yɛn ta̱a̱th duëli, kä ɛ jɛn ci ben a päm gɔŋtɔtdä mɔ.’