Mak 8:34 - RUAC KUƆTH IN RƐL RƆ

³⁴ Cuɛ buɔ̱n kɛnɛ jaakɛ cɔl, kä cuɛ kɛ jiök i̱, “Mi go̱o̱r raan ɣöö bɛ ɣä guɔ̱ɔ̱r, a jɛ jay rɔɔdɛ, kä a jɛ kap jiathdɛ, kä bɛ ɣä guɔ̱ɔ̱r.

Mak 8:34 Iomraidhean Croise

1 Kua̱r 14:8

Kä cä kuäär woc dhɔr Dee-bid kä cä ka̱m ji̱. Kä ci ŋot /keni ce̱tkɛ kuanydä ni Dee-bid, mëë ci ŋuɔ̱tkä tit kä cɛ kɛ guɔ̱ɔ̱r kɛ lɔcdɛ kɛɛliw, kä lätdɛ ni mi gɔaa waaŋdä.

Kuen 14:24

Duundɛ ɣöö ja̱ŋdä ni Ka-leb bä jɛ naŋ ɛn muun in cɛ wä thi̱n, kɛnɛ karkɛ ba duŋdiɛn. Kɛ ɣöö tëë kɛ ca̱r mi göl kä cɛ guɔ̱ɔ̱r ni ruacdä kɛɛliw.

Mɛ̈t 10:38

Kä ram mi /ci jiathdɛ bi kap kä bɛ guɔ̱ɔ̱r ni ɣä, /cɛ ro̱ŋ kɛ ɣä.

Mɛ̈t 16:24

Kä cu Yecu ji̱ kɔaarɛ jiök i̱, “Mi tee kɛ ram mi go̱o̱r ɣöö bɛ ɣä guɔ̱ɔ̱r, a jɛ jay rɔɔdɛ, kä a jɛ kap jiathdɛ, kä a jɛ guur ɣä.

Mɛ̈t 27:32

Min wäkɛ raar, cukɛ raan Thay-rin mi cɔal i̱ Thay-mɔn jek, cukɛ wut ɛmɛ kok i̱ bɛ jiath in ba wä puɔ̱t ni Yecu kap.

Mak 10:21

Kä cu Yecu jɛ guic, kä cuɛ jɛ nhɔk. Kä cuɛ jɛ jiök i̱, “Duɔ̱ɔ̱r kɛl a jɔ̱ɔ̱r kä ji̱. Wër, kɔkni nyinku diaal, kä kämni kɛ can, kä bi ria̱ŋdu wä jek cieŋ nhial, kä bër guuri ɣä.”

Mak 7:14

Kä cu Yecu naath lɛni cɔl, kä cuɛ kɛ jiök i̱, “Liɛŋɛ ɣä, yɛn diaal, kä a jɛ cup lo̱cnikun.

Luk 13:24

“Riɛnyɛ rɔ̱ kɛ ɣöö bia wä rɛc kɛ thok mi ciw ciw, kɛ ɣöö ɣän la̱rä jɛ yɛ i̱ go̱o̱r nɛy ti ŋuan ɣöö bikɛ coth rɛc, kä /cikɛn ɛ bi luäŋ.

Luk 14:33

Kɛ kui̱c ɛmɔ, thilɛ ram kɛl kä yɛ, mi bi a raan kɔaarä, mi /ka̱nɛ nyinkun diaal päl.”

Luk 18:22

Mëë ci Yecu mɛmɛ liŋ, cuɛ jɛ jiök i̱, “Ŋotdɛ te kɛl jɔ̱ɔ̱r kä ji̱. Wër, kɔk ni nyinku diaal, kä dääk ni yio̱w kä nɛy ti can, bi ria̱ŋ wä jek nhial, kä bër guuri ɣä.”

Luk 20:45

Kä a liɛŋkɛ ɛ nɛy diaal, cu Yecu ji̱ kɔaarɛ jiök i̱,

Luk 9:23

Kä cu Yecu kɛn diaal jiök i̱, “Mi go̱o̱r raan ɣöö bɛ ɣä guɔ̱ɔ̱r, a jɛ jay rɔɔdɛ, kä a jɛ kap jiathdɛ ni ciaŋ, kä a jɛ guur ɣä.

Jɔ̱ɔ̱n 10:27

Liŋ detkä jɔwdä. Kä ŋa̱cä kɛ, kä guɔ̱ɔ̱rkɛ ɣä.

Jɔ̱ɔ̱n 19:17

kä cuɛ ben raar a kapɛ jiathdɛ, cuɛ wä guäth mi cɔal i̱ “Gua̱a̱th Po̱o̱rä”, kä cɔalkɛ i̱ “Gɔl-gö-tha” kɛ thok Ɣi-bɛ-ru.

Lät Jaakni Yecu 14:22

Ɛn wi̱ni cukɛ ji̱ kɔaar Yecu bum, kä cuɛ kɛ com kɛ ɣöö bikɛ wä nhiam rɛy ŋäthä, wäkɛ i̱, “Ɛ ciaaŋ jiääk ɛn ni̱n banɛ wä rɛy kuäärä Kuɔth kɛ jɛ.”

Ji̱ Röm 6:6

Ŋäc kɔn ɛ ɛn ɣöö ca puɔ̱nydan ëë wal pua̱t jɔk jiaath in ri̱ew kɛ jɛ kɛɛl, kɛ ɣöö ba puɔ̱ny mi ci thia̱a̱ŋ kɛ dueer däk, kä /canɛ bilɛ ŋot ala kuany dui̱rä.

Ji̱ Röm 8:17

Kä mi lapnɛ gaat, kɛ kɔn dieel dhɔaar Kuɔth pa̱ny, amäni ɣöö lapnɛ dieel dhɔaar kɛɛl kɛ Kritho, mi ruɔ̱tnɛ bɛ̈c bɛ̈ɛ̈c kɛ jɛ kɛɛl kä ba kɔn puany kɛ jɛ kɛɛl bä.

1 Kor 15:31

Ɣän la li̱ewä ni ciaŋ, dämaari! Ɣän liakä rɔ kɛ kui̱dun liak mi latdä rɛy Kritho Yecu Kuääran.

1 Kor 8:13

Kɛ kui̱ ɛmɔ, mi ɛ mi̱eth ɛn ni̱n jak dämaar kä pɛn dui̱rä, ɣän /cä ri̱ŋ bi met cam, kɛ ɣöö /cä dämaar bilɛ jakä tɛth.

1 Kor 9:19

Cäŋ lɔarä kä nɛy diaal, kä duundɛ ɣöö cä rɔɔdä jakä kuany kä nɛy diaal, kɛ ɣöö dëë nɛy ti ŋuan ri̱t.

Ji̱ Gä-lëë-cia 2:20

/ci lɛ ŋot ni ɣän teekä, kä duundɛ ɣöö ɛ Kritho tëk rɛydä mɔ. Kä tëk in tëk kɛ ɣä täämɛ rɛy pua̱ny, ɛ jɛn tëk in tëk kɛ ɣä kɛ ŋa̱th kɛ Gat Kuɔth, min nhɔk ɣä, kä cuɛ rɔɔdɛ thöp kɛ kui̱dä.

Ji̱ Gä-lëë-cia 5:24

Kä nɛy tin la nɛɛ Kritho Yecu cikɛ puɔ̱ny pua̱t jiaath kɛnɛ nyinkɛ tin go̱o̱rɛ.

Ji̱ Gä-lëë-cia 6:14

Kä a rɔ /cä liak kɛ min ce̱tkɛ ɛnɔ, kɛ ɣöö liakä ni jiath ëë li̱w Kuääran ni Yecu Kritho thi̱n kärɔa. Kɛ kui̱dɛ ci ɣɔw li̱w kä ɣä, kä ci ɣän li̱w kä ɣɔw.

Ji̱ Pi-li-pi 3:10

Ɣän göörä ɣöö bä Kritho ŋa̱c amäni buɔ̱m jiecädɛ li̱th, kɛnɛ ɣöö dëë cuɔ̱cdɛ nyuak kɛ jɛ, ɛn ɣöö dëë cu ce̱tkɛ jɛ rɛy li̱ethdɛ,

Ji̱ Pi-li-pi 3:7

Kɛn tɔ̱tɔ̱ gɔwkɛ kɛ ɣä mëëdan, kä ɛn täämɛ caarä kɛ thilɛ kɛ luɔt kɛ kui̱ Kritho.

Ji̱ Ko-lɔ-thi 1:24

Täämɛ ɣän tɛth lɔcdä kɛ ɣöö ruɔ̱ɔ̱tdä ti bɛ̈c bɛ̈ɛ̈c kɛ kui̱dun, kä ruɔ̱ɔ̱tdä kɛ rɛy ri̱eŋdä, kɛn tin ci duɔth kä rik Kritho, tin te thi̱n kɛ kui̱ pua̱nydɛ min la duel Kuɔth.

Ji̱ Ko-lɔ-thi 3:5

Kɛ kui̱ ɛmɛ la̱thɛ tin la nyin ɣɔaa rɛy teekädun ɛmɛ li̱th, ce̱tkɛ leer, kɛ nyuɔɔn, lät jiäkni, kɛ di̱t lɔaac, min la pal kuthni ti guäy.

2 Thɛ 3:11

Kä cakɔ jɛ liŋ ɛn ɣöö nyuur tha̱a̱ŋkun baaŋ, kä lätkɛ kɛ pua̱ny nath, thilɛ mi la̱tkɛ.

Tay-täth 2:12

Jɛn puɔ̱th nyuuthɛ kɔn kɛ ɣöö banɛ tin /ci a nyin Kuɔth kɛnɛ di̱t lɔaac nyini ɣɔaa päl, kä ɛn täämɛ banɛ tëk kɛ tëk mi gɔaa, kɛ ciaaŋ mi cuŋ, mi la ciaŋ Kuɔth rɛy ɣɔaa ɛmɛ.

Ji̱ Ɣi-bɛ-ru 13:13

Kɛ kui̱ ɛmɔ kuanɛ wä kä jɛ jɔk wec, kä ruɔ̱tnɛ ciaaŋ jiäk ce̱tkɛ mëë cɛ rut.

1 Pit 4:1

Kɛ kui̱ ɛmɔ mëë ci Kritho ti bɛ̈c bɛ̈ɛ̈c rut kɛ puɔ̱nydɛ, amäni yɛn bä buɔ̱mɛ rɔ, kɛ ca̱r mi ce̱tkɛ ca̱rɛ, kɛ ɣöö ram mi ci bɛ̈c bɛ̈ɛ̈c rut kɛ puɔ̱nydɛ /ci dueer lɛ ŋot thi̱n.

1 Pit 4:13

Kä a tɛth ni lo̱ckun ce̱tkɛ mi ruut yɛn bɛ̈c bɛ̈ɛ̈c Kritho kɛ jɛ kɛɛl, kɛ ɣöö dee lo̱ckun tɛɛth bä, mi wä buaydɛ wä jɔɔc.

2 Pit 1:14

Kɛ ɣöö ŋa̱cä jɛ ɛn ɣöö bä puɔ̱ny ɛmɛ ba̱ny piny ce̱tnikɛ min ci Kuääran ni Yecu Kritho jɛ la̱r ɣä a jɔc.

1 Jɔ̱ɔ̱n 3:16

Ŋa̱cnɛ nhök kɛ nɛmɛ, kɛ ɣöö ci Yecu tëkdɛ thöp kɛ kui̱dan, kä banɛ tëkdan lɛ thöp kɛ kui̱ dämanikɔn.

Nyuuth 2:10

/Cuarɛ dual kɛ mɔ bi yɛ jak kä cuc ɔ. Nɛ̈nɛ jɛ, go̱o̱r gua̱n jiäkni ɣöö bɛ tha̱a̱ŋkun naŋ dueel yieenä, kɛ ɣöö dëë yɛ ɣɔ̱n, kä bia tekɛ rikɛ kɛ ni̱n da̱ŋ wäl. Ka̱pɛ ŋa̱thdun a bum amäni lia̱a̱, kä bä yɛ ka̱m kum teekä.